Saturday, March 12, 2016

ಮದ್ಯ ಮತ್ತು ಮಧ್ಯ

ಮದ್ಯವಯಸ್ಕ = ಮದ್ಯಪಾನ ಮಾಡಲು ಕಾನೂನು ನಿರ್ಧರಿಸಿದ ವಯಸ್ಸನ್ನು ತಲುಪಿದವ / ತಲುಪಿದವಳು. (ಸಾಮಾನ್ಯವಾಗಿ ೨೧ ವರ್ಷ )

ಮಧ್ಯವಯಸ್ಕ = ಸುಮಾರು ಇಪ್ಪತ್ತೈದು ವರ್ಷಗಳ ಹಿಂದೆ ಮದ್ಯವಯಸ್ಕರಾಗಿದ್ದವರು ಈಗ ಮಧ್ಯವಯಸ್ಕರು. (೪೫ ವರ್ಷದ ಮೇಲಿನವರು)

ಮದ್ಯರಾತ್ರಿ = ಕುಡಿಯುವ ರಾತ್ರಿಗಳು. ಕೆಲವರಿಗೆ ದಿನವೂ ಮದ್ಯರಾತ್ರಿ. ಕುಡಿಕುಡಿಯುತ್ತ ಜೊತೆಗೆ ಕುಣಿಕುಣಿಯುತ್ತ ವೇಳೆ ಮಧ್ಯರಾತ್ರಿಯಾಗಿದ್ದೂ ಖಬರು ಇರುವದಿಲ್ಲ.

ಮದ್ಯಸ್ತಿಕೆ = ಮದ್ಯ ಕುಡಿದ ನಂತರ ಜಗಳ ಬಗೆಹರಿಸಲು ಹೋಗುವದು. ಆದರೆ ಮದ್ಯ ಸೇವಿಸಿದಾಗ ಮಧ್ಯಸ್ತಿಕೆ ಮಾತ್ರ ಮಾಡಲಿಕ್ಕೆ ಹೋಗಬಾರದು. 'ಕುಡಕ ಸೂಳಿಮಗನss' ಅಂತ ಬೈಸಿಕೊಂಡು, ಧರ್ಮದೇಟು ತಿನ್ನುವ ಅಪಾಯವಿರುತ್ತದೆ. ಆದರೆ ಕುಡಿದಾಗಲೇ ಮಧ್ಯಸ್ತಿಕೆ ಮಾಡಲಿಕ್ಕೆ ಏಳುವವರೇ ಜಾಸ್ತಿ. ಸಿಕ್ಕಾಪಟ್ಟೆ ಧೈರ್ಯ ಬರುವದು ಆವಾಗಲೇ ನೋಡಿ. ಒಳಗೆ ಸೇರಿದರೆ ಗುಂಡು, ಎಲ್ಲರೂ ಆಗುವರು ಗಂಡು!

ಮದ್ಯಸ್ತ = ಕುಡಿಕುಡಿದೇ ಅಸ್ತನಾಗಿ (ಮುಳುಗಿ) ಹೋದವ.

ಮತ್ಯಾವದಾದರೂ ಗೊತ್ತಿದ್ದರೆ ತಿಳಿಸಿ. :)

3 comments:

sunaath said...

ಮಧ್ಯಾರಾಧನೆ, ಮಧ್ಯಮಾರ್ಗ, ಮದ್ಯಮಸೂತ್ರ ಹೇಗಂತೀರಿ?

Mahesh Hegade said...

Good additions Sir. Thank you.

Steve B said...


Madya + Anna => Madyanna!