ಶ್ರೀಮತಿ ಕೆನಡಿ ಶ್ರೀಮತಿ ಓನಾಸಿಸ್ ಆಗುವ ತನಕ.... (ಭಾಗ - ೪)

(ಹಿಂದಿನ ಭಾಗ -೧, ಭಾಗ -೨, ಭಾಗ - ೩)

ರಾಬರ್ಟ್ ಕೆನಡಿಯವರನ್ನು ಲಾಸ್ ಎಂಜೆಲ್ಸ್ ನಲ್ಲಿ ಕೊಂದವ 'ಸಿರ್ಹಾನ್ ಬಿಶಾರಾ ಸಿರ್ಹಾನ್' ಎನ್ನುವ ಜೋರ್ಡಾನ್ ಮೂಲದ ಪ್ಯಾಲೆಸ್ತೇನಿ ವಲಸಿಗ ಅಂತ ಸಾಧಿಸಲಾಯಿತು. ಅದು ನಿಜವೇ? ನೋಡೋಣ.

ರಾಬರ್ಟ್ ಕೆನಡಿ ಇಸ್ರೇಲನ್ನು ತುಂಬ ಬೆಂಬಲಿಸುತ್ತಾರೆ. ಅವರು ಚುನಾವಣೆಯಲ್ಲಿ ಗೆದ್ದು, ಅಧ್ಯಕ್ಷರಾಗಿಬಿಟ್ಟರೆ ಇಸ್ರೇಲಿಗೆ ಇನ್ನೂ ಹೆಚ್ಚಿನ ಮಟ್ಟದ ಸಹಾಯ ನೀಡಿ ಪ್ಯಾಲೆಸ್ತೇನ್ ಸಂಗ್ರಾಮವನ್ನು ಪೂರ್ತಿ ನಾಮಾನೇಷ ಮಾಡಿ, ಸ್ವತಂತ್ರ ಪ್ಯಾಲೆಸ್ತೇನ್ ದೇಶದ ಕನಸು ಯಾವಾಗಲೂ ಕನಸಾಗಿಯೇ ಉಳಿಯುವಂತೆ ಮಾಡಿಬಿಡುತ್ತಾರೆ. ಅದಕ್ಕೇ ಅವರನ್ನು ಮುಗಿಸಿಬಿಡಬೇಕು ಅಂತ ಅವರನ್ನು ಸಿರ್ಹಾನ್ ಬಿಶಾರಾ ಸಿರ್ಹಾನ್ ಕೊಂದುಬಿಟ್ಟ ಅಂತ ಸರಕಾರ ಹೇಳಿತು.

ಹಂತಕ ಸಿರ್ಹಾನ್ ಸಿರ್ಹಾನ್ ಗೆ ಮಾತ್ರ ಏನೂ ನೆನಪೇ ಇರಲಿಲ್ಲ! ಯಾಕೆ?

ಸಿರ್ಹಾನ್ ಸಿರ್ಹಾನ್ ಮನೆ ಇತ್ಯಾದಿ ಶೋಧಿಸಿದಾಗ, RFK (Robert F Kennedy) must die, ಅಂತ ಸಾಲು ಸಾಲಾಗಿ ಬರೆದಿದ್ದ ಹಲವಾರು ನೋಟ್ ಬುಕ್ಕುಗಳು ಸಿಕ್ಕವು.

ಯಾಕೆ ಹಾಗೆ ಬರೆದು ಬರೆದು ಇಟ್ಟಿದ್ದ ಸಿರ್ಹಾನ್? ಅಥವಾ ಯಾರೋ ಬರೆದು ಇಟ್ಟಿದ್ದರೋ?!!!!

ಇನ್ನು ಕೆಲವು ಹಣದ ಮೂಲ ಹುಡುಕುತ್ತ ಹೋದಾಗ ಸಿಕ್ಕಿದ ಮಾಹಿತಿ ಇನ್ನೂ ಆಶ್ಚರ್ಯಕರವಾಗಿತ್ತು. ಸಿರ್ಹಾನ್ ಸಿರ್ಹಾನ್ ಗೆ ಸುಮಾರು ದುಡ್ಡು ಪ್ಯಾಲೆಸ್ತೇನ್ ಲಿಬರೇಶನ್ ಆರ್ಗನೈಜೇಷನ್ (PLO) ಮೂಲದ ದೊಡ್ಡ ನಾಯಕ ಮಹಮೂದ್ ಹಂಶಾರಿ ಅನ್ನುವನಿಂದ ಬಂದಿತ್ತು ಅನ್ನುವ ಸುದ್ದಿ. ಈ ಹಂಶಾರಿ ಫ್ರಾನ್ಸ್ ದೇಶದಿಂದ ಹೆಚ್ಚಾಗಿ ಆಪರೇಟ್ ಮಾಡುತ್ತಿದ್ದ. ಹಂಶಾರಿಗೆ ದೊಡ್ಡ ಮೊತ್ತ ಯಾರು ಕೊಟ್ಟಿದ್ದರು? ಅದನ್ನ ಹುಡುಕುತ್ತ ಹೋದಂತೆ ತಿಳಿದ ಸಂಗತಿ ಅಂದರೆ, ಶಿಪ್ಪಿಂಗ್ ಟೈಕೂನ ಅರಿಸ್ಟಾಟಲ್ ಓನಾಸಿಸ್ ಕೊಟ್ಟಿದ್ದ!

ಓನಾಸಿಸ್, ಎಲ್ಲ ದೊಡ್ಡ ಬಿಸಿನೆಸ್ಸ್ ಜನ ಪ್ಯಾಲೆಸ್ತೇನ್ ಹೋರಾಟಕ್ಕೆ ಕೊಟ್ಟಂತೆ, ತಾನೂ ಎಲ್ಲೋ ದೇಣಿಗೆ ಕೊಟ್ಟು, ಅದರಲ್ಲಿನ ಸ್ವಲ್ಪ ದೇಣಿಗೆ ಯಾರೋ PLO ನಾಯಕ ರಾಬರ್ಟ್ ಕೆನಡಿ ಹಂತಕರಿಗೆ ಕೊಟ್ಟ ಅಂದ ಮಾತ್ರಕ್ಕೆ ಓನಾಸಿಸ್ಸನೇ ಹತ್ಯೆಗೆ ಸುಪಾರಿ ಕೊಟ್ಟ ಅನ್ನುವದು ಸಾಬೀತಾಗುತ್ತದೆಯೇ? ಇಲ್ಲ. ಆದರೆ ಓನಾಸಿಸ್ ಮೇಲೆ ಸಂಶಯ ಮೂಡುವದಂತೂ ಸಹಜ. ಹತ್ಯೆಯ ನಿಜವಾದ ಸಂಚು ರೂಪಿಸಿದವರೇ ಈ ಸುದ್ದಿ ಹಬ್ಬಿಸಿದರೋ ಹೇಗೆ? ಓನಾಸಿಸ್ ಮತ್ತು ಜಾಕಿ ಕೆನಡಿ ಸಂಬಂಧಕ್ಕೆ ರಾಬರ್ಟ್ ಕೆನಡಿಯ ಸಮ್ಮತಿ ಇರಲಿಲ್ಲ. ಅದಕ್ಕೆ ಓನಾಸಿಸ್ ಗೆ ರಾಬರ್ಟ್ ಕೆನಡಿಯನ್ನು ದ್ವೇಷಿಸುವ ಕಾರಣವಂತೂ ಇತ್ತು. ಹತ್ಯೆಯ ನಂತರ ಹಣದ ಮೂಲವನ್ನೂ ತೋರಿಸಿ, ಸುದ್ದಿ ಹರಿಬಿಟ್ಟರೆ, ಜನರ ಗಮನ ಆಕಡೆ ಹೋಗಿಬಿಡುತ್ತದೆ ಅಂತ ರಾಬರ್ಟ್ ಕೆನಡಿ ಹತ್ಯೆಯ ಷಡ್ಯಂತ್ರ ಮಾಡಿದವರ ಕಾರಸ್ತಾನವಾಗಿತ್ತೆ?

ಇನ್ನು ಈ ಮೆಹಮೂದ ಹಂಶಾರಿಯನ್ನು ಕೇಳೋಣ ಅಂದ್ರೆ ಪುಣ್ಯಾತ್ಮ ನಿಗೂಢವಾಗಿ ಸತ್ತು ಹೋದ. ಆತ ಮ್ಯುನಿಕ್ ಒಲಿಂಪಿಕ್ಸ್ ನಲ್ಲಿ ಇಸ್ರೇಲಿ ಕ್ರೀಡಾಪಟುಗಳ ಹತ್ಯೆ ಮಾಡಿದ ಆರೋಪ ಹೊತ್ತಿದ್ದ. ಇಸ್ರೇಲಿ ಬೇಹುಗಾರಿಕೆ ಸಂಸ್ಥೆ ಮೊಸ್ಸಾದಿನ ಕಮಾಂಡೋ  ತಂಡ ಅವನನ್ನೂ ಬೇಟೆ ಆಡುತ್ತಿತ್ತು. ಪ್ಯಾರಿಸ್ ನಲ್ಲಿ ಅವನ ಮನೆಯ ಬೀಗ ಮುರಿದ ಮೊಸ್ಸಾದ್ ತಂತ್ರಜ್ಞರು ಅವನ ಫೋನ್ ಒಳಗೆ ಚಿಕ್ಕ ಬಾಂಬೊಂದನ್ನು ಇಟ್ಟು ಬಂದಿದ್ದರು. ಮರುದಿನ ಫೋನ್ ಮಾಡಿದರು. ಹಂಶಾರಿಯೇ ಮಾತಾಡುತ್ತಿರುವದು ಅಂತ ಖಚಿತವಾದ ತಕ್ಷಣ, ರಿಮೋಟ್ ಕಂಟ್ರೋಲ್ ಉಪಯೋಗಿಸಿ ಬಾಂಬ್ ಸ್ಫೋಟಿಸಿದರು, ಭೀಕರವಾಗಿ ಗಾಯಗೊಂಡ ಹಂಶಾರಿ ಆಸ್ಪತ್ರೆಯಲ್ಲಿ ತುಂಬ ದಿನಗಳ ನಂತರ ಸತ್ತ. ಅವನು ಆಸ್ಪತ್ರೆಯಲ್ಲಿ ಬಾಂಬ್ ಸ್ಫೋಟದಿಂದಾದ ಗಾಯಗಳಿಂದ ಸತ್ತನೆ ಅಥವಾ ಇವನು ಬದುಕಿ ಬಂದರೆ ತೊಂದರೆ ಅಂತ ಮುಗಿಸಿಬಿಡಲಾಯಿತಾ?

ಇಸ್ರೇಲಿಗಳು ಹೇಳಿದ್ದಿಷ್ಟೇ. ನೋಡ್ರೀ, ನಾವು ಆ ಹಂಶಾರಿಯ ಗೇಮ್ ಬಾರಿಸಲು ನೋಡಿದ್ದು ನಿಜ. ಅವನು ಸಾಯಲಿಲ್ಲ, ಕೇವಲ ಗಾಯಗೊಂಡ. ಆಸ್ಪತ್ರೆಯಲ್ಲಿದ್ದ. ಅಲ್ಲಿ ಸತ್ತ. ಆಸ್ಪತ್ರೆಯಲ್ಲಿ ಅವನನ್ನು ಬದುಕಿಸಿಕೊಳ್ಳಬೇಕಾದವರೇ ಕೊಂದಿರಬಹುದು. ವಿಚಾರಿಸಿ, ಅಂತ ಹೇಳಿ ಮುಗುಮ್ಮಾಗಿ ನಕ್ಕರು.

ಅಂದರೆ, ಗಾಯಗೊಂಡರೂ ಬದುಕಬಹುದಾಗಿದ್ದ ಹಂಶಾರಿಯನ್ನು ಬೇಕಂತಲೇ ಮುಗಿಸಲಾಯಿತಾ? ಅವನ್ನು ಮುಗಿಸುವಂತೆ PLO ಮೇಲೆ ಒತ್ತಡ ರಾಬರ್ಟ್ ಕೆನಡಿಯ ನಿಜ ಹಂತಕರಿಂದ ಬಂದಿತ್ತಾ? ಹೀಗೂ ಸಂಶಯದ ಸರಣಿ ಮುಂದುವರಿಯುತ್ತದೆ. ಪ್ಯಾಲೆಸ್ತೇನ್ ಹೋರಾಟಗಾರರಲ್ಲಿ ಅಂತರಿಕ ಜಗಳಗಳು ಬೇಕಾದಷ್ಟು ಇದ್ದವು. ಅದೇ ಕಾರಣದಿಂದ ಹಂಶಾರಿಯನ್ನು ಅವರದ್ದೇ ಕಾರಣಕ್ಕೆ ಆಸ್ಪತ್ರೆಯಲ್ಲಿಯೇ ಮುಗಿಸಿದ್ದರೂ ಆಶ್ಚರ್ಯವಿಲ್ಲ. ಮೊದಲು ಕೆನಡಿ ಹತ್ಯೆಗೆ ಒಬ್ಬ ಪ್ಯಾಲೆಸ್ತೇನ್ ವಲಸಿಗನನ್ನು ಫಿಟ್ ಮಾಡುವದು, ಅವನಿಗೆ PLO ದುಡ್ಡು ಕೊಟ್ಟಿತು ಅಂತ ಸುದ್ದಿ ಹಬ್ಬಿಸುವದು, ಅದಕ್ಕೆ ಹಂಶಾರಿಯಂತಹ ಉಗ್ರವಾದಿ ನಾಯಕನ ಲಿಂಕ್ ಕೊಡುವದು, ನಂತರ ಅವನನ್ನೇ ತೆಗೆದುಬಿಡುವದು. ಹೀಗೆ ಮಾಡಿ ನೀರನ್ನು ಮತ್ತೂ ಬಗ್ಗಡ ಮಾಡಿ, ಯಾರಾದರೂ ತನಿಖೆ ಮಾಡಲು ಹೋದರೆ ಅವರಿಗೇ ಫುಲ್ ತಲೆ ಕೆಡುವಂತೆ ಮಾಡಿ ನಿಜ ಹಂತಕರು ಬಚಾವ್ ಆಗುವದು. ಮಾಸ್ಟರ್ ಪ್ಲಾನ ಹೀಗಿತ್ತೆ?

ಕೆನಡಿಗಳ ಹತ್ಯೆ, ಹಿನ್ನಲೆ, ಆಗಿನ ಸಂದರ್ಭ  ಗಮನಿಸಿದರೆ ತಾರ್ಕಿಕವಾಗಿ, ಹೀಗೆ ಆಗಿರಬಹುದು (plausible), ಅನ್ನುವ ಥಿಯರಿ ಇದೇ. ಐದು ವರ್ಷಗಳ ಹಿಂದೆ, ಅಂದರೆ ೧೯೬೩ ರಲ್ಲಿ, ಜಾನ್ ಕೆನಡಿಯನ್ನು ಕೊಂಡಿದ್ದ ಪಟ್ಟಭದ್ರ ಹಿತಾಸಕ್ತಿಗಳೇ ರಾಬರ್ಟ್ ಕೆನಡಿಯನ್ನೂ ಮುಗಿಸಿದ್ದವು. ಮೊಟ್ಟ ಮೊದಲ ಕಾರಣ ಅಂದರೆ ಒಂದು ವೇಳೆ ರಾಬರ್ಟ್ ಕೆನಡಿ ಏನಾದರೂ ಅಧ್ಯಕ್ಷನಾದನೋ ಜಾಕ್ ಕೆನಡಿ ಹತ್ಯೆಯ ತನಿಖೆಯನ್ನು ಮೊದಲಿಂದ ಸರಿಯಾದ ರೀತಿಯಲ್ಲಿ ಮಾಡಿ, ಮಾಡಿದವರ ಬುಡಕ್ಕೆ ಬೆಂಕಿ ತರುವದು ಖಾತ್ರಿ ಇತ್ತು. ಇನ್ನು ವಿಯೆಟ್ನಾಂ ಯುದ್ಧ ನಿಲ್ಲಿಸುವದೂ ಖಾತ್ರಿಯಿತ್ತು. ಇವೆಲ್ಲ ದೊಡ್ಡ ರಿಸ್ಕ್ ಅಂತ ಹೇಳಿ ರಾಬರ್ಟ್ ಕೆನಡಿಯನ್ನು ತೆಗೆಸಿಬಿಡಲಾಯಿತು. ಅದರ ಜಾಡು ತಪ್ಪಲು ಬೇರೆ ಬೇರೆ ತರಹದ false trails ಗಳನ್ನು ಸೃಷ್ಟಿಸಲಾಯಿತು.

ಯಾವ ರೀತಿ ಜಾನ್ ಕೆನಡಿ ಹತ್ಯೆಯಲ್ಲಿ ಓಸ್ವಾಲ್ಡ್ ಅನ್ನುವ ಅಬ್ಬೆಪಾರಿಯನ್ನು ಫಿಟ್ ಮಾಡಿ, ಅವನನ್ನೇ ಇನ್ನೊಬ್ಬವ ಕೊಂದು ಬಿಡುವಂತೆ ಮಾಡಿ, ಇಡೀ ಪ್ರಕರಣವನ್ನು ತಿಪ್ಪೆ ಸಾರಿಸಲಾಗಿತ್ತೋ ಅದೇ ತರಹ ರಾಬರ್ಟ್ ಕೆನಡಿ ಹತ್ಯೆ ಕೂಡ ತಿಪ್ಪೆ ಸಾರಿಸಲಾಯಿತು. ಕೆನಡಿಗಳ ಪರಮ ವೈರಿ ಜೆ.ಎಡ್ಗರ್ ಹೂವರ್ ಅವರೇ FBI ಡೈರೆಕ್ಟರ್ ಅಂತ ಕೂತಿದ್ದರು. ಮಸ್ತಾಗಿ ತಿಪ್ಪೆ ಸಾರಿಸಿ ರಂಗೋಲಿ ಸಹ ಹಾಕಿ ಬಿಟ್ಟರು.

ಈ ಸಿರ್ಹಾನ್ ಸಿರ್ಹಾನ್ ಅನ್ನುವವ ಸುಮಾರು ವರ್ಷದಿಂದ ಯಾವದೋ ಸಂಮೋಹಿನಿ ಡಾಕ್ಟರ್ (hypnotist)  ಹತ್ತಿರ ಚಿಕಿತ್ಸೆ ತೆಗೆದುಕೊಳ್ಳುತ್ತಿದ್ದ. ಆ ಚಿಕಿತ್ಸೆ ನೆಪದಲ್ಲಿ ಅವನನ್ನು ಬ್ರೈನ್ ವಾಶ್ ಮಾಡಿ, ರಾಬರ್ಟ್ ಕೆನಡಿಯ ಹಂತಕನಾಗುವಂತೆ ತಯಾರುಮಾಡಲಾಗಿತ್ತೆ? ಇರಬಹದು. ಯಾಕೆಂದರೆ ಅಮೆರಿಕಾದ ರಹಸ್ಯ ರಕ್ಷಣಾ ಲ್ಯಾಬೊರೇಟರಿಗಳಲ್ಲಿ ಆ ತರಹದ ಸಂಶೋಧನೆಗಳು ನಡೆಯುತ್ತಿದ್ದವು ಅಂತ ಬಹಳ ವರ್ಷಗಳ ನಂತರ ಬಯಲಾಯಿತು. ಮತ್ತೆ ಸಿರ್ಹಾನ್ ಸಿರ್ಹಾನ್ ಗುಂಡು ಹಾರಿಸಿದ ಸ್ಥಳದಿಂದ ಹಾರಿದ ಗುಂಡುಗಳು ಮತ್ತೆ ರಾಬರ್ಟ್ ಕೆನಡಿಗೆ ಬಿದ್ದ ಗುಂಡುಗಳು ಬೇರೆ ಕಥೆಯನ್ನೇ ಹೇಳುತ್ತಿದ್ದವು. ಸಿರ್ಹಾನ್ ಸಿರ್ಹಾನ್ ಎನ್ನುವ ಹಂತಕ hypnotically program ಆಗಿದ್ದ. ಚುಕ್ಕೆ ಲಂಗದ ಹುಡುಗಿ ಸಂಜ್ಞೆ ಮಾಡಿದ ನಂತರ ತಲೆಯಲ್ಲಿನ ಪ್ರೊಗ್ರಾಮ್ ಹೇಳಿದಂತೆ ಗುಂಡು ಹಾರಿಸಿ ಗದ್ದಲ ಮಾಡಿದ. ಅದೇ ಸಂದರ್ಭವನ್ನು ಉಪಯೋಗಿಸಿಕೊಂಡ ಅಲ್ಲೇ ಇದ್ದ ನುರಿತ ಹಂತಕರು ಸರಿಯಾಗಿ ಗುಂಡು ಹಾರಿಸಿ ಕೆನಡಿಯನ್ನು ಕೊಂದು, ಯಾರಿಗೂ ತಿಳಿಯದಂತೆ ಪರಾರಿಯಾದರು. ಅವರು ಸಿಐಎ rogue elements ಆಗಿದ್ದರು. ಸಿಕ್ಕಿಬಿದ್ದ ಸಿರ್ಹಾನ್ ಸಿರ್ಹಾನ್ ಗೆ ಏನೂ ನೆನಪೇ ಇರಲಿಲ್ಲ. 'ಮಂಚೂರಿಯನ್ ಕ್ಯಾಂಡಿಡೇಟ್' ಅನ್ನುವ ಟೈಪಿನ psychologically transformed ಹಂತಕನಾಗಿದ್ದ ಅವನನ್ನು ಆ ರೀತಿ ಪ್ರೊಗ್ರಾಮ್ ಮಾಡಲಾಗಿತ್ತು, ಹತ್ಯೆಯ ನಂತರ ಏನೂ ನೆನಪು ಇರದಂತೆ! ಇನ್ನೂ ಕೆಲ ಮೂಲಗಳ ಪ್ರಕಾರ, ಸಿರ್ಹಾನ್ ಹಾರಿಸಿದ್ದ ಗುಂಡುಗಳು ಕೇವಲ ಖಾಲಿ ಗುಂಡುಗಳು ಆಗಿದ್ದವು. ಕೆನಡಿಗೆ ಬಿದ್ದ ಗುಂಡುಗಳು ಬೇರೇನೆ ಇದ್ದವು.

ಇದೆಲ್ಲವನ್ನು ಪುಷ್ಟೀಕರಿಸುವಂತೆ ಮತ್ತೂ ಕೆಲ ಮಾಹಿತಿಗಳು ಬಹಳ ದಿವಸಗಳ ನಂತರ ಅಲ್ಲಿ ಇಲ್ಲಿ ಕೇಳಿ ಬಂದವು. ಡೇವಿಡ್ ಮೊರಾಲೆಸ್ - ಸಿಐಎ ಒಬ್ಬ ಖತರ್ನಾಕ್ ಅಧಿಕಾರಿ. ಕಮ್ಯುನಿಸ್ಟ್ ನಾಯಕ ಚೆ ಗುವೇರಾನನ್ನು ಬೋಲಿವಿಯಾದಲ್ಲಿ ಹಿಡಿದು ಕೊಂದಿದ್ದ. ವಿಯೆಟ್ನಾಂ ಯುದ್ಧದಲ್ಲಿ ದೊಡ್ಡ ಪಾತ್ರ ವಹಿಸಿದ್ದ. ಕ್ಯೂಬಾದ ಫೀಡೆಲ್ ಕ್ಯಾಸ್ಟ್ರೋನನ್ನು ಮುಗಿಸುವ ಸಂಚುಗಳಲ್ಲಿ ತುಂಬ active ಇದ್ದ. ಅವನು ತನ್ನ ಗೆಳೆಯನ ಮುಂದೆ ಒಮ್ಮೆ ಹೇಳಿಕೊಂಡಿದ್ದ. 'ಮೊದಲು ಡಲ್ಲಾಸ್ ನಲ್ಲಿ ದೊಡ್ದವನ್ನು ಮುಗಿಸಿದೆವು. ನಂತರ ಲಾಸ್ ಎಂಜೆಲ್ಸ್ ನಲ್ಲಿ ಚಿಕ್ಕ ಸೂಳೆಮಗನನ್ನು (little bastard) ಮುಗಿಸಿದೆವು! ಹೆಂಗೆ?'!!!!!!!!!! ಸಿಐಎ rogue elements ಗೆ ಕೆನಡಿ ಸಹೋದರ ಮೇಲೆ ಮೊದಲಿಂದ ಸಿಟ್ಟು. ಯಾಕೆಂದರೆ ಅವರ ತಾಳಕ್ಕೆ ತಕ್ಕಂತೆ ಕುಣಿಯಲಿಲ್ಲ ಅಂತ. ಫೀಡೆಲ್ ಕ್ಯಾಸ್ಟ್ರೋವನ್ನು ಕೊಲ್ಲಲು ಹಾಕಿದ್ದ ಸ್ಕೆಚ್ ತಿರುಗಿಸಿ ಜಾನ್ ಕೆನಡಿಯನ್ನು ಮುಗಿಸಿದ್ದರು. ಈಗ ರಾಬರ್ಟ್ ಕೆನಡಿಯನ್ನು ಮುಗಿಸಿಯಾಗಿತ್ತು. ಬಿಲ್ ಕಿಂಗ್ ಹಾರ್ವಿ, ಎಡ್ವರ್ಡ್ ಹಂಟ್ ಮುಂತಾದ ಇತರೆ ಸಿಐಎ rogue elements ಹೆಸರು ಸಹಿತ ಆಗಾಗ ಕೇಳಿಬರುತ್ತದೆ.

ಆದರೆ ಅರಿಸ್ಟಾಟಲ್ ಓನಾಸ್ಸಿಸ್ ಕಾಸು ಕೊಟ್ಟು ಮರ್ಡರ್ ಮಾಡಿಸಿದ ಅಂತ false trail ಸೆಟ್ ಅಪ್ ಮಾಡಿದ್ದ ಸಂಚುಗಾರರು ಅವನನ್ನು ಬ್ಲಾಕ್ ಮೇಲ್ ಮಾಡಿದ್ದರಾ? ಗೊತ್ತಿಲ್ಲ.

ಇಂತದ್ದೆಲ್ಲ ದೊಡ್ಡ ಮಟ್ಟದ ರಾಜಕೀಯ ಹತ್ಯೆಗಳು ಒಂದು ಎರಡು ಕಾರಣಗಳಿಂದ ಮಾತ್ರ ಆಗುವದು ಕಮ್ಮಿ. ಹಲವಾರು ಶಕ್ತಿಗಳು, ಕಾಣದ ಕೈಗಳು ಪ್ರಯತ್ನ ಸದಾ ಮಾಡುತ್ತಿರುತ್ತವೆ. ಎಲ್ಲೋ, ಏನೋ, ಎಲ್ಲ ಗ್ರಹಗಳು ಕೂಡಿ ಬಂದು, ಒಂದು ಹಾಂ! ಅನ್ನುವಂತ ಘಟನೆ ಆಗಿ ಹೋಗಿರುತ್ತದೆ. ಮುಂದಿನ ದಿನಗಳಲ್ಲಿ ಅದನ್ನ dissect ಮಾಡಿ ಎಲ್ಲ reverse engineering ಮಾಡಿದರೆ ಒಂದು ಐಡಿಯಾ ಬಂದೀತು.

ಹೀಗೆ ಜಾಕಿ ಕೆನಡಿ ಮೇಡಮ್ಮು ಮತ್ತು ಕುಬೇರ ಓನಾಸ್ಸಿಸ್ ಮದುವೆಯಾಗಲು ರಾಬರ್ಟ್ ಕೆನಡಿ ದಾರಿಯಿಂದ ಸರಿದು ಹೋಗಬೇಕಾಗಿತ್ತು. ಹೋದ. ಕಾಕತಾಳೀಯ ಇದ್ದರೂ ಇದ್ದೀತು.

೧೯೬೮ ರಲ್ಲಿ ಜಾಕಿ ಕೆನಡಿಗೆ ಬರೋಬ್ಬರಿ ಮೂವತ್ತೊಂಬತ್ತು ವರ್ಷ. ಓನಾಸಿಸ್ಸ್ ಗೆ ಅರವತ್ತೆರಡು! ಕುರುಡು ಪ್ರೇಮ. ಕುರುಡು ಕಾಂಚಾಣ. ಎಲ್ಲ ಓಕೆ!

ಇಷ್ಟೆಲ್ಲ ಆದ ಮೇಲೆ ಕೆನಡಿ ಮತ್ತು ಓನಾಸಿಸ್ ವಿವಾಹವಾಗಿ ಸುಖವಾಗಿದ್ದರಾ? ಅಷ್ಟಕಷ್ಟೇ. ಇಬ್ಬರೂ ಸ್ವಚ್ಚಂದ ಜೀವಿಗಳು. ಎಲ್ಲಿ ಈ ಬಂಧನ? ಅಂತ ಶರಂಪರ ಜಗಳ ಶುರು ಮಾಡಿಬಿಟ್ಟರು. ಏ! ನಿಮ್ಮೌನ್! ಡೈವೋರ್ಸ್ ಕೊಡತೇನಿ. ಮ್ಯಾಲಿಂದ ಜಗ್ಗೆ ರೊಕ್ಕಾ ಕೊಡತೇನಿ. ನನ್ನ ಜೀವಾ ತಿನ್ನೋದು ಬಿಟ್ಟು ಹೋಗಬೇ! ಅಂತ ಓನಾಸಿಸ್ ಅಂಬೋ ಅಂದ. ಡೈವೋರ್ಸ್ ತೊಗೊಂಡ್ರೆ ಸ್ವಲ್ಪ ಮಾತ್ರ ಸಂಪತ್ತು ಬರುತ್ತದೆ. ಅದು ಬೇಡ, ಅಂತ ಅಮ್ಮಾವರು ಡೈವೋರ್ಸ್ ತೆಗೆದುಕೊಳ್ಳಲು ಒಪ್ಪಲಿಲ್ಲ. ತಿಂಗಳಿಗೆ ಇಷ್ಟು ಅಂತ ದೊಡ್ಡ ಮಟ್ಟದ allowance ಮಾತ್ರ ಕುಬೇರ ಓನಾಸ್ಸಿಸ್ ನಿಂದ ಬೋಳಿಸಿ  ಬೋಳಿಸಿ ಆ ಯಪ್ಪನ್ನ ಹೈರಾಣ ಮಾಡಿ ಹಾಕಿಬಿಟ್ಟರು. ಹೇಗೆ ಬೋಳಿಸಿಬೇಕು ಅಂತ  ಬರೋಬ್ಬರಿ ಸಲಹೆ ಕೊಡಲು ಜಾಕಿಗೆ ಬೇಕಾದಷ್ಟು ಜನ ಇದ್ದರು ಬಿಡಿ.

ಏಳು ವರ್ಷಗಳ ಹಾವು ಮುಂಗುಸಿ ಮದುವೆ ನಂತರ ೧೯೭೫ ರಲ್ಲಿ ಅರಿಸ್ಟಾಟಲ್ ಓನಾಸಿಸ್ ಶಿವನ ಪಾದ ಸೇರಿಕೊಂಡ. ಜಾಕಿಗೆ ಮತ್ತೆ ವಿಧವೆ ಪಟ್ಟ ಬಂತು. ದೊಡ್ಡ ಪ್ರಮಾಣದ ಆಸ್ತಿಯೂ ಬಂತು. ಜಾಕಿಗೆ ಕೇವಲ ನಲವತ್ತಾರು ವರ್ಷ. ನಂತರ ಜಾಕಿ ಮತ್ತೊಂದು ಮದುವೆ ಅದು ಇದು ಮಾಡಿಕೊಳ್ಳಲಿಲ್ಲ. ಸಾಹಿತ್ಯ, ಪುಸ್ತಕ ಪ್ರಕಾಶನ, ದೊಡ್ಡ ಮಂದಿ ನಡುವೆ ಸುತ್ತಾಟ, ಅದು ಇದು ಅಂತ ಮತ್ತೊಂದು ಇಪ್ಪತ್ತು ವರ್ಷ ಇದ್ದು ೧೯೯೪ ರಲ್ಲಿ ತೀರಿಹೋದರು.

ಒಂದು ವರ್ಣರಂಜಿತ ಅಧ್ಯಾಯ ಮುಗಿದಿತ್ತು.

ಜಾನ್ ಕೆನಡಿ ಹತ್ಯೆಯಾದಾಗ ಬಂದ ಮೊದಲ ವೈಧವ್ಯ ರಾಬರ್ಟ್ ಕೆನಡಿ ಹತ್ಯೆಯಾದಾಗ ಹೋಗಿತ್ತು.

ಆದ್ರೆ ಕೆನಡಿ ಹತ್ಯೆಗಳ ಹಿಂದಿನ ನಿಗೂಢತೆ, ರಹಸ್ಯಗಳು, ಕಾರ್ಯಾಚರಣೆಗಳು, ಮತ್ತೆ ಕೆನಡಿ ಹತ್ಯೆಗಳಲ್ಲಿ ಭಾಗಿಯಾಗಿರಬಹುದು ಅನ್ನುವ ಜನಗಳ systematic ಹತ್ಯೆಗಳು ಅವನ್ನೆಲ್ಲ ನೋಡುತ್ತ, ತಿಳಿಯುತ್ತ ಹೋದರೆ ಮನಸ್ಸಿಗೆ ಬರುವದು ಒಂದೇ ಒಂದು - reality is DEFINITELY stranger than fiction!

ರಾಬರ್ಟ್ ಕೆನಡಿ ಹತ್ಯೆಯಲ್ಲಿ ಫಿಟ್ಟಾದ ಸಿರ್ಹಾನ್ ಸಿರ್ಹಾನ್ ಮಾತ್ರ ಸರಿಸುಮಾರು ನಲವತ್ತಾರು ವರ್ಷಗಳಿಂದ ಸೆರೆಮನೆಯಲ್ಲಿ ಕೊಳೆಯುತ್ತಲೇ ಇದ್ದಾನೆ. ಅವನ ವಕೀಲರು ಆಗಾಗ  ಬಂದು, ನನ್ನ ಕಕ್ಷಿದಾರನಿಗೆ ಅನ್ಯಾಯವಾಗಿದೆ! ಮತ್ತೊಮ್ಮೆ ತನಿಖೆ ಮಾಡಿ, ಅಂತ ಪುಂಗಿ ಊದುತ್ತಲೇ ಇರುತ್ತಾರೆ.

ಸಿರ್ಹಾನ್ ಬಿಶಾರಾ ಸಿರ್ಹಾನ್ ಹೇಳುವದು ಒಂದೇ ಮಾತು - ನನಗೆ ಏನೂ ನೆನಪಿಲ್ಲ!

Kennedy Curse ಅನ್ನುವದು ಎಂದಿಗೆ ಮುಗಿಯುತ್ತದಯೋ! ಮೊತ್ತ ಮೊದಲು ಜಾನ್ ಕೆನಡಿಯವರ ಹಿರಿಯಣ್ಣ ಒಬ್ಬ ಎರಡನೇ ಮಹಾ ಯುದ್ಧದಲ್ಲಿ ವಾಯುಸೇನೆಯಲ್ಲಿ ಪೈಲಟ್ ಆಗಿದ್ದ. ಜರ್ಮನ್ನರು ವಿಮಾನ ಹೊಡೆದು ಉರುಳಿಸಿದರು. ಹೋದ. ಅಕ್ಕ ಒಬ್ಬಾಕೆ ವಿಮಾನ ಅಪಘಾತದಲ್ಲಿ ಸತ್ತಳು. ಜಾನ್ ಮತ್ತು ರಾಬರ್ಟ್ ಕೆನಡಿ ಅತ್ಯಂತ sensational ಅನ್ನುವ ರೀತಿಯಲ್ಲಿ ಹತ್ಯೆಗೊಳಗಾದರು. ಜಾನ್ ಕೆನಡಿಯ ಮಗನೊಬ್ಬ ತೀರ ಇತ್ತೀಚಿಗೆ ವಿಮಾನ ಅಪಘಾತವೊಂದರಲ್ಲಿ ಮೃತನಾದ. ಅವನನ್ನೂ ತೆಗೆಸಿಬಿಡಲಾಯಿತು ಅಂತ ಸುದ್ದಿ ಇಂಟರ್ನೆಟ್ ಮೇಲೆ ಹರಿದಾಡುತ್ತಲೇ ಇದೆ. ಇನ್ನೊಬ್ಬ ಟೆಡ್ ಕೆನಡಿ ೧೯೮೦ ರಲ್ಲಿ ಅಧ್ಯಕ್ಷರಾಗಲು ಹೊರಟಿದ್ದರು. ವಿಮಾನ ಅಪಘಾತ ಒಂದರಲ್ಲಿ ಸ್ವಲ್ಪದರಲ್ಲಿ ಬಚಾವಾದರು. ಮಗನೇ! ಮತ್ತೆ ಅಧ್ಯಕ್ಷ ಅದು ಇದು ಅಂತ ಬಂದ್ರೆ ಅಷ್ಟೇ! ಅಂತ ಬರೋಬ್ಬರಿ ಧಮಿಕಿ ಅವರಿಗೆ ರವಾನೆ ಆಗಿತ್ತು ಆ ಅಪಘಾತದ ಮೂಲಕ. ರಾಬರ್ಟ್ ಕೆನಡಿ ಮಗ ಸ್ವಲ್ಪ ದಿವಸ ರಾಜಕೀಯದಲ್ಲಿ ಇದ್ದವನು ಈಗ ಎಲ್ಲೋ ಕಳೆದು ಹೋಗಿದ್ದಾನೆ.

(ಮುಗಿಯಿತು)

ಪೂರಕ ಓದಿಗೆ:

Nemesis: The True Story of Aristotle Onassis, Jackie O, and the Love Triangle That Brought Down the Kennedys by Peter Evans 

The Assassination of Robert F. Kennedy by William Turner, Jonn Christian

ಶ್ರೀಮತಿ ಕೆನಡಿ ಶ್ರೀಮತಿ ಓನಾಸಿಸ್ ಆಗುವ ತನಕ.... (ಭಾಗ - ೩)

(ಹಿಂದಿನ ಭಾಗ -೧, ಭಾಗ -೨)

ಅಂತೂ ಇಂತೂ ಜಾಕಿ ಕೆನಡಿ ಎಂಬ ಆ ಕಾಲದ ಅಮೇರಿಕಾದ ಪ್ರಥಮ ಮಹಿಳೆ ಅರಿಸ್ಟಾಟಲ್ ಓನಾಸಿಸ್ ಎಂಬ ಕುಬೇರನ ಆತಿಥ್ಯ ಸ್ವೀಕರಸಿ, ದಿಲ್ಲು, ಮತ್ತೊಂದು ಕೊಟ್ಟು ಬಂದಳು ವಾಪಸ್. ಅಮೇರಿಕಾದ ಅಧ್ಯಕ್ಷರ ಧರ್ಮಪತ್ನಿಯಾದ ಕರ್ಮಕ್ಕೆ ಜಾನ್ ಕೆನಡಿಯವರ ಎಲ್ಲ ವೈಪರೀತ್ಯಗಳನ್ನು ಸಹಿಸಿಕೊಂಡೇ ಪ್ರಥಮ ಮಹಿಳೆಯ ಸ್ಥಾನದ ಗೌರವ ಕಾಯುವ ಕರ್ಮವೇ! ಅಂತ ಹಣೆ ಚಚ್ಚಿಕೊಂಡಳು. ಅಲ್ಲಿ ಓನಾಸಿಸ್ಸನ ಜೊತೆ ಎಷ್ಟು ಹಾಯಾಗಿತ್ತು! ಮುದುಕ ಪ್ರಿಯಕರ ಕಾಲಲ್ಲಿ ತೋರಿಸಿದ್ದನ್ನು ತಲೆ ಮೇಲೆ ಹೊತ್ತು ಮಾಡುತ್ತಿದ್ದ. ಇರಲಿ, ಮುಂದೆ ನೋಡಿಕೊಂಡರಾಯಿತು. ಇಲ್ಲಿ ಕೆನಡಿ ಸಾಹೇಬರ ಜೊತೆ ಇನ್ನೆಷ್ಟು ದಿವಸವೋ, ಅಂತ ರೆಗ್ಯುಲರ್ ಅಧ್ಯಕ್ಷರ ಪತ್ನಿ ಜೀವನಕ್ಕೆ ವಾಪಸ್ ಬಂದಳು.

ಅಧ್ಯಕ್ಷರ ಪತ್ನಿ ಮುನಿಸಿಕೊಂಡು ಓಡಿ ಹೋಗಿ ಬಿಟ್ಟಿದ್ದಳು. ಅಲ್ಲಿ ಓನಾಸಿಸ್ ಎಂಬ ಕುಬೇರನ ಜೊತೆ ಕುಣಿದು ಕುಪ್ಪಳಿಸಿ ಬಂದಳು, ಅಂತ ಸ್ವಲ್ಪ ಸುದ್ದಿ ಆಗಿತ್ತು ನೋಡಿ. ಅದನ್ನ ರಿಪೇರಿ ಮಾಡಬೇಕಿತ್ತು. PR ಇಮೇಜ್ ಸರಿಪಡಿಸಬೇಕಿತ್ತು. ಕೆನಡಿ ಸಾಹೇಬರು, ಮೇಡಮ್ಮು,ಅವರ ಮಕ್ಕಳಿಬ್ಬರು ಕೂಡಿ ಒಂದು ಫೋಟೋ ಸೆಶನ್ ಮಾಡಿದರು. ನೋಡಿದವರಿಗೆ ಅನ್ನಿಸಬೇಕು, ಎಷ್ಟು ಹ್ಯಾಪಿ ಫ್ಯಾಮಿಲಿ ನಮ್ಮ ಅಧ್ಯಕ್ಷರದು! ಅಂತ. ಹಾಗೆ ಮಾಡಿ, ಎಲ್ಲ ಫೋಟೋ ಪತ್ರಿಕೆಗಳಿಗೆ ಬಿಟ್ಟು, ಪ್ರಸಾದ ತಿನ್ನುವ ಪತ್ರಕರ್ತರಿಂದ ಲೇಖನ ಬರೆಸಿ, ಶ್ವೇತ ಭವನದಲ್ಲಿ ಎಲ್ಲ ಸರಿ ಇದೆ, ಸಂಸಾರ ಅನ್ಯೋನ್ಯವಾಗಿದೆ, ಅಂತ ಭೋಂಗು ಬಿಟ್ಟಾಯಿತು. ಕೆನಡಿಗಳಿಂದ ಒಂದು ತರಹದ ಸಮೂಹ ಸನ್ನಿಗೊಳಗಾಗಿದ್ದ ಜನ ಜೈ! ಜೈ! ಅಂದರು. ಜನರನ್ನು ಮತ್ತೆ ಮಂಗ್ಯಾ ಮಾಡಿದ ರಾಜಕಾರಣಿಗಳು ಪೆಕಾ ಪೆಕಾ ಅಂತ ನಕ್ಕರು.

ಇದೆಲ್ಲ ಆಗಿದ್ದು ೧೯೬೨ ರ ಆಸು ಪಾಸಿನಲ್ಲಿ. ಕೆನಡಿ ಅಧ್ಯಕ್ಷರಾಗಿದ್ದೇ ಆಗಿದ್ದು ಒಂದಾದ ಮೇಲೊಂದು ಅವಗಢ. ಮೊದಲು ಕ್ಯೂಬಾ ವಿರುದ್ಧ ಮಾಡಿದ್ದ 'ಹಂದಿ ಕೊಲ್ಲಿ ಕಾರ್ಯಾಚರಣೆ' ಗಬ್ಬೆದ್ದು ಹೋಗಿ, ಅಮೇರಿಕಾದ ಮಾನ ಹರಾಜಾಗಿ, ಕೆನಡಿ ವಿಶ್ವದ ಕ್ಷಮೆ ಕೇಳಿದ್ದರು. ಅದಕ್ಕಾಗಿ ಸಿಐಎ ಬೇಹುಗಾರಿಕೆ ಸಂಸ್ಥೆಯ ದೊಡ್ಡ ದೊಡ್ಡ ತಲೆಗಳನ್ನು ಮನೆಗೆ ಕಳಿಸಿದ್ದರು. ಅದು ಮುಗಿಯಿತು ಅನ್ನುವವರೆಗೆ ರಶಿಯಾದ ತಲೆತಿರುಕ ಕ್ರುಸ್ಚೇವ್ ಪರಮಾಣು ಕ್ಷಿಪಣಿ ತಂದು ಕ್ಯೂಬಾದಲ್ಲಿ ಇಟ್ಟು ಬಿಟ್ಟು. ಮೂರನೇ ಮಹಾಯುದ್ಧ ಶುರುವಾಗಿ, ಎರಡೂ ಕಡೆಯವರು ತಮ್ಮ ಕಡೆ ಇದ್ದೆಲ್ಲ ಅಣು ಶಸ್ತ್ರ ಉಪಯೋಗಿಸಿ, ಇಡೀ ಪ್ರಪಂಚವನ್ನೇ ನಾಮಾನೇಷ ಮಾಡಿಬಿಡುತ್ತಾರೇನೋ ಅಂತ ಎಲ್ಲರೂ ಘಾಬರಿಯಾದಾಗ, ಕೆನಡಿ ತಲೆ ಉಪಯೋಗಿಸಿ, ರಶಿಯಾದ ಜೊತೆ ಒಳ ಒಪ್ಪಂದ ಅಂತ ಮಾಡಿಕೊಂಡು, ರಶಿಯಾ ಕ್ಯೂಬಾದಿಂದ ಅಣು ಶಸ್ತ್ರ ತೆಗೆಯುವಂತೆ ಮಾಡಿ ದೊಡ್ಡ ಉಪಕಾರ ಮಾಡಿದ್ದರು. ಆದರೆ ಕ್ಯೂಬಾ, ರಶಿಯಾ ಎಲ್ಲವನ್ನೂ ಚಿಂದಿ ಉಡಾಯಿಸಿ ಬಿಡೋಣ ಅಂತ ತುಂಬ ಜೋರಾಗಿ ಸಲಹೆ ನೀಡುತ್ತಿದ್ದ ಮಿಲಿಟರಿ ತಲೆಗಳಿಗೆ ಕೆನಡಿ ಮೇಲೆ ದೊಡ್ಡ ಅಸಮಾಧಾನ. ಇಂತಹ ಹೆಣ್ಣು ಮನಸ್ಸಿನ ಅಧ್ಯಕ್ಷ ಇದ್ದರೆ ಅಮೇರಿಕಕ್ಕೆ ದೊಡ್ಡ ಅಪಾಯ ಅಂತ ಅವರಾಗಲೇ ಎಲ್ಲರ ತಲೆ ಕೆಡಿಸಲು ಶುರು ಮಾಡಿದ್ದರು. ಒಟ್ಟಿನಲ್ಲಿ ಕೆನಡಿ ಸಾಹೇಬರಿಗೆ ಒಳಗೆ, ಹೊರಗೆ ಎಲ್ಲ ಕಡೆ ತಲೆ ಬಿಸಿ.

ಪಟ್ಟಭದ್ರ ಹಿತಾಸಕ್ತಿಗಳಾದ ಅಮೇರಿಕಾದ ಮಾಫಿಯಾ, military industrial complex, ಸಿಐಎ ಸಂಸ್ಥೆಯ rogue elements, ಕೆನಡಿಯ ರಾಜಕೀಯ ವಿರೋಧಿಗಳು, ಎಲ್ಲ ಕೂಡಿ ಕೆನಡಿ ವಿರುದ್ಧ ಸ್ಕೆಚ್ ಹಾಕ ತೊಡಗಿದರು. ಯಾವಾಗ ಕೆನಡಿ ಕ್ಯಾಸ್ಟ್ರೋನ ಹತ್ಯೆ ಮಾಡಲು ಹಿಂದೆ ಮುಂದೆ ನೋಡಿದರೋ, ಯಾವತ್ತು ವಿಯೆಟ್ನಾಂ ಮೇಲೆ ಯುದ್ಧ ಬೇಡ ಅಂದರೋ, ಅವತ್ತೇ ಅವರಿಗೆ ಒಂದು ಮುಹೂರ್ತ ಇಟ್ಟೇ ಬಿಟ್ಟರು. ದೊಡ್ಡದೊಂದು ಷಡ್ಯಂತ್ರ ಶುರುವಾಗೇ ಬಿಟ್ಟಿತು. ೧೯೬೩ ನೆ ಇಸವಿಯ ಆರಂಭದ ದಿನಗಳು.

ಇದರ ಪ್ರತಿಫಲವಾಗಿ ೨೨ ನವೆಂಬರ್ ೧೯೬೩ ರಂದು ಹಾಡೇ ಹಗಲು, ಡಲ್ಲಾಸ್ ನಗರದಲ್ಲಿ ತೆರೆದ ಕಾರಿನಲ್ಲಿ ಹೋಗುತ್ತಿದ್ದ ಕೆನಡಿ ಅವರನ್ನು ದೂರದಿಂದ ಸರಿಯಾಗಿ ಗುರಿಯಿಟ್ಟು, ತಲೆಗೇ ಗುಂಡು ಹಾರಿಸಿ ಹತ್ಯೆ ಮಾಡಲಾಯಿತು. ಅವತ್ತಿನ ಮಟ್ಟಿಗೆ ಅದೊಂದು ಹತ್ಯೆ ಅಂದರೂ ಇವತ್ತಿನ ಮಟ್ಟಿಗೆ ಅದೊಂದು ಕ್ಷಿಪ್ರ ಕ್ರಾಂತಿ (coup d'etat). ಪಟ್ಟಭದ್ರ ಹಿತಾಸಕ್ತಿಗಳ ತಾಳಕ್ಕೆ ಸರಿಯಾಗಿ ಕುಣಿಯಲು ಸಿದ್ಧರಿದ್ದ ಉಪಾಧ್ಯಕ್ಷ ಲಿಂಡನ್ ಜಾನ್ಸನ್ ಅಧ್ಯಕ್ಷರಾಗಿ ರೊಕ್ಕಾ ಮಾಡವರಿಗೆ ಎಲ್ಲ ಅನುಕೂಲ ಮಾಡಿಕೊಟ್ಟರು. ವಿಯೆಟ್ನಾಂ ಮೇಲೆ ಮುರಕೊಂಡು ಬಿತ್ತು ಅಮೇರಿಕಾ. ಒಂದಕ್ಕೆರಡು ರೇಟ್ ಹಾಕಿ ಬಿಸಿನೆಸ್ಸ್ ಮಂದಿ ರೊಕ್ಕಾ ಮಾಡಿಕೊಂಡರು. ಇದಕ್ಕೆ ಒಪ್ಪದಿದ್ದ ಮೃದು ಸ್ವಭಾವದ ಕೆನಡಿ ಶವವಾಗಿ ಮಣ್ಣು ಕಂಡಿದ್ದರು.

ಜಾಕಿ ಕೆನಡಿ ಮೇಡಮ್ಮಿಗೆ ಅಕಾಲಕ್ಕೆ ಬಂತು ವೈಧವ್ಯ. ಮಾಡುವ ಕ್ರಿಯಾಕರ್ಮ ಮುಗಿಸಿ, ಎರಡು ಮಕ್ಕಳನ್ನು ಕಟ್ಟಿಕೊಂಡು ಹೋಗಿ ಬೇರೆ ಕಡೆ ಸೆಟಲ್ ಆದರು ಮೇಡಂ. ಗಂಡನ ಅವಸಾನದ ನಂತರ ತುರ್ತಾಗಿ ಆಗಿ ಬೇರೆ ಸಂಗಾತಿ ಹುಡುಕಿಕೊಂಡು ಹೋಗಲಿಲ್ಲ ಜಾಕಿ. ಒಂದೆರಡು ವರ್ಷ ಅವರನ್ನು ಇವರನ್ನು ಅಲ್ಲಿ ಇಲ್ಲಿ ಭೆಟ್ಟಿಯಾದರೂ boyfriend ಅಂತ ಯಾರನ್ನೂ ಮಾಡಿಕೊಂಡಿರಲಿಲ್ಲ. ಆದರೆ ಅರಿಸ್ಟಾಟಲ್ ಓನಾಸಿಸ್ ಮಾತ್ರ ಯಾವಾಗಲೂ ಸಂಪರ್ಕದಲ್ಲಿ ಇದ್ದ. ಇಬ್ಬರ ನಡುವಿನ ಸರಸದ ಬೆಂಕಿ ಆರದಂತೆ ನೋಡಿಕೊಂಡಿದ್ದ!

ಬಾಬ್ಬಿ ಕೆನಡಿ (ರಾಬರ್ಟ್ ಕೆನಡಿ) - ಜಾನ್ ಕೆನಡಿಯವರ ತಮ್ಮ. ಅವರ ಸರ್ಕಾರದಲ್ಲಿ ಅಟಾರ್ನಿ ಜನರಲ್ ಅಂತ ಇದ್ದವನು. ಅಣ್ಣನ ಹತ್ಯೆಯಿಂದ ತುಂಬ ನೊಂದುಕೊಂಡ. ತುಂಬ guilty ಫೀಲ್ ಮಾಡಿಕೊಂಡ. ಯಾಕಂದ್ರೆ ಅವನೇ ಎಲ್ಲ ದೋ ನಂಬರ್ ದಂಧೆಯವರ ಮೇಲೆ ಮುರಕೊಂಡು ಬಿದ್ದು ಮಾಫಿಯಾದ ಕೋಪಕ್ಕೆ ಗುರಿಯಾಗಿದ್ದ. ಮಾಫಿಯಾ ದೊರೆಗಳೆಲ್ಲ ಒಂದು ಗೂಡಿ  ಈ ಬಾಬ್ಬಿ ಕೆನಡಿಯನ್ನೇ ಕೊಂದು ಬಿಡುವ ಪ್ಲಾನ್ ಮಾಡಿದ್ದರು.

ಆದರೆ ಮಾಫಿಯಾ ಬಾಸ್ ಕಾರ್ಲೋಸ್ ಮಾರ್ಸೆಲ್ಲೋ ಒಂದು ಮಾತು ತಣ್ಣಗೆ ಹೇಳಿದ್ದ: ನಾಯಿ ಬಾಲ ಕತ್ತರಿಸುವದರಿಂದ ಏನೂ ಉಪಯೋಗವಿಲ್ಲ. ಬಾಲ ಕಳೆದುಕೊಂಡ ನಾಯಿ ಸಿಟ್ಟಿಗೆದ್ದು ಕಚ್ಚಿ ಬಿಟ್ಟೀತು. ನಾಯಿ ಕತ್ತು ಕತ್ತರಿಸಿ ಒಗೆದು ಬಿಡಿ. ಬಾಲ ಆಡೋದು ತಾನಾಗೆ ನಿಲ್ಲುತ್ತದೆ. ಮತ್ತೆ ಎಂದೂ ಕಚ್ಚುವದಿಲ್ಲ. ಮಾತಿನ ಅರ್ಥ ಇಷ್ಟೇ - ಬಾಬ್ಬಿ ಕೆನಡಿ ಕೊಂದರೆ ಅಣ್ಣ ಅಧ್ಯಕ್ಷ ಜಾನ್ ಕೆನಡಿ ಮುರಕೊಂಡು ಬಿದ್ದು ನಮ್ಮನ್ನು ನಿರ್ನಾಮ ಮಾಡುತ್ತಾನೆ. ಅದರ ಬದಲಿ ಅಧ್ಯಕ್ಷರನ್ನೇ ಕೊಂದು ಬಿಟ್ಟರೆ, ಪವರ್ ಕಳೆದುಕೊಂಡ ಅಟಾರ್ನಿ ಜನರಲ್ ಹಲ್ಲಿಲ್ಲದ ಹಾವಂತೆ. ಮಾಸ್ಟರ್ ಪ್ಲಾನ್ ಅಂದ್ರೆ ಅದು. ಇದು ಬಾಬ್ಬಿ ಕೆನಡಿಗೂ ಗೊತ್ತಿತ್ತು. ಹಾಗಾಗಿ ಅಣ್ಣನ ಸಾವಿಗೆ ತನ್ನನ್ನೇ ಜಿಮ್ಮೆದಾರನನ್ನಾಗಿ ಮಾಡಿಕೊಂಡು ಸಂಕಟ ಪಟ್ಟುಕೊಂಡ. ಹಾಗಾಗಿ ಅತ್ತಿಗೆ ಜಾಕಿ, ಅಣ್ಣನ ಮಕ್ಕಳ ಬಗ್ಗೆ ವಿಶೇಷ ಒಲವು, ಕಾಳಜಿ ಬೆಳೆಸಿಕೊಂಡ.

ಅತ್ತ ಕಡೆ ಪತಿ ಜಾನ್ ಕೆನಡಿ ಮೇಲೆ ಹೋಗಿ ಸ್ವಲ್ಪ ವರ್ಷವಾದ ನಂತರ ಜಾಕಿ ಕೆನಡಿ ಸೀರಿಯಸ್ಸಾಗಿ ಶಿಪ್ಪಿಂಗ್ ಟೈಕೂನ್ ಓನಾಸಿಸ್ ಜೊತೆ ಡೇಟಿಂಗ್ ಶುರು ಮಾಡಿಕೊಂಡರು. ಜೊತೆ ಜೊತೆಯಾಗಿ ಹಲವು ಕಡೆ ಕಂಡು ಬಂದರು. ಅವರಿಬ್ಬರ ಸಂಬಂಧ ಕೇವಲ ದೋಸ್ತಿ ಮೀರಿ ಮುಂದು ಹೋಗಿದೆ ಅಂತ ಎಲ್ಲರಿಗೆ ಅನ್ನಿಸತೊಡಗಿತ್ತು. ಆಗ ಸ್ವಲ್ಪ ಇರಿಸು ಮುರಿಸಾಗಿದ್ದು ಮೈದುನ ರಾಬರ್ಟ್ ಕೆನಡಿಗೆ.

ಏಕೆ?

ರಾಬರ್ಟ್ ಕೆನಡಿಗೆ ತನ್ನತ್ತಿಗೆ ಜಾಕಿ ಟೈಕೂನ್ ಓನಾಸಿಸ್ ಜೊತೆ ಸುತ್ತುವದು ಸ್ವಲ್ಪವೂ ಇಷ್ಟವಿರಲಿಲ್ಲ. ಓನಾಸಿಸ್ ಜೊತೆ ಅಮೇರಿಕಾದ  ಅಟಾರ್ನಿ ಜನರಲ್ ಆಗಿ, ಕೇಸ್ ಹಾಕಿ ಶುರುವಾಗಿದ್ದ ದ್ವೇಷ ಪಾರ್ಟಿಯೊಂದರಲ್ಲಿ ಕೈ ಕೈ ಮೀಲಾಯಿಸುವ ಹಂತಕ್ಕೆ ಹೋಗಿ, ಓನಾಸಿಸ್ ಮತ್ತು ಕೆನಡಿ ಬದ್ಧ ದ್ವೇಷಿಗಳಾಗಿದ್ದರು. ಅಣ್ಣ ಜಾನ್ ಕೆನಡಿ ಹೋದ ಮೇಲೂ ಸ್ವಲ್ಪ ದಿವಸ ರಾಬರ್ಟ್ ಕೆನಡಿಯೇ ಅಟಾರ್ನಿ ಜನರಲ್ ಆಗಿ ಮುಂದುವರಿದಿದ್ದರೂ ಹಾವು ಕಿತ್ತ ಹಲ್ಲಿನಂತಾಗಿ ಏನೂ ಮಾಡಲು ಸಾಧ್ಯವಾಗಿರಲಿಲ್ಲ. ಅದೊಂದು ದೊಡ್ಡ ಹತಾಶೆಯಾಗಿತ್ತು. ಹೀಗಿರುವಾಗ ಅತ್ತಿಗೆ ಜಾಕಿ ಕೆನಡಿ ಓನಾಸಿಸ್ ಜೊತೆ ಸೀರಿಯಸ್ಸಾಗಿ ಸಂಬಂಧ ಶುರು ಮಾಡಿದಾಗ ರಾಬರ್ಟ್ ಕೆನಡಿ ಉರಿದು ಹೋದ.

ಜಾಕಿ ಕೆನಡಿ ಅವಳ ಓನಾಸಿಸ್ ಜೊತೆಯಿರುವ ಸಂಬಂಧವನ್ನು ನಗಣ್ಯ ಮಾಡುತ್ತ, ಅಂಥಾದ್ದೇನೂ ಇಲ್ಲ ಮಾರಾಯಾ! ಅನ್ನುತ್ತ ದಿನದೂಡಿದಳು. ರಾಬರ್ಟ್ ಕೆನಡಿ ಕೂಡ ಅಟಾರ್ನಿ ಜನರಲ್ ನೌಕರಿಗೆ ಟಾಟಾ ಹೇಳಿ, ತಾನೆ ಖುದ್ದು ಸೆನೆಟರ್ ಆಗಿ, ತನ್ನ ಮುಂದಿನ ರಾಜಕೀಯ ಭವಿಷ್ಯದ ಬಗ್ಗೆ ಗಮನ ಹರಿಸಿದ. ಅಣ್ಣನ ಹತ್ಯೆ ಕಾಡುತ್ತಲೇ ಇತ್ತು. ಸರಿಯಾಗಿ ತನಿಖೆ ಮಾಡೋಣ ಅಂದರೆ ಬಲವಿರಲಿಲ್ಲ, ಬೆಂಬಲವಿರಲಿಲ್ಲ. ಇದೆಲ್ಲದರ ಮಧ್ಯೆ ವಿಧವೆ ಅತ್ತಿಗೆ, ಆಕೆಯ ಇಬ್ಬರು ಮಕ್ಕಳ ಬಗ್ಗೆ ಗಮನ ಕೊಡುತ್ತಲೇ ಇದ್ದ.

ಸ್ವಲ್ಪ ವರ್ಷ ಮುಂದಕ್ಕೆ ಬರೋಣ. ೧೯೬೮. ಅಧ್ಯಕ್ಷೀಯ ಚುನಾವಣೆ ವರ್ಷ. ಆಗಿನ ಅಧ್ಯಕ್ಷ ಲಿಂಡನ್ ಜಾನ್ಸನ್ ಮತ್ತೆ ಸ್ಪರ್ಧಿಸುವದಿಲ್ಲ ಅಂದು ಬಿಟ್ಟಿದ್ದರು. ಡೆಮಾಕ್ರಟ್ ಪಕ್ಷ ಹೊಸ ಅಭ್ಯರ್ಥಿ ಹುಡುಕುತ್ತಿತ್ತು. ರಾಬರ್ಟ್ ಕೆನಡಿ ಅಧ್ಯಕ್ಷರಾಗುವ ಇಂಗಿತ ವ್ಯಕ್ತಪಡಿಸಿರಲಿಲ್ಲ.

ದೊಡ್ಡ ಮಟ್ಟದ ರಾಜಕೀಯ ಚದುರಂಗದಾಟದಲ್ಲಿ ಅವು ಏನೇನು ದಾಳಗಳು ಉರುಳಿದವೋ ಗೊತ್ತಿಲ್ಲ. ಇದ್ದಕ್ಕಿದ್ದಂತೆ ರಾಬರ್ಟ್ ಕೆನಡಿ ಡೆಮಾಕ್ರಟಿಕ್ ಪಕ್ಷದಿಂದ ಅಧ್ಯಕ್ಷ ಟಿಕೆಟ್ಟಿಗೆ ತಾವೂ ಆಕಾಂಕ್ಷಿ ಅಂತ ಘೋಷಿಸಿ ಬಿಟ್ಟರು. ಅಂದಿನ ರಾಜಕೀಯದಲ್ಲಿ ದೊಡ್ಡ ಸಂಚಲನ. ರಿಪಬ್ಲಿಕನ್ ಪಕ್ಷದಿಂದ ನಿಲ್ಲಲು ತಯಾರಾಗಿದ್ದ ರಿಚರ್ಡ್ ನಿಕ್ಸನ್, ಹಾಂ! ಅಂತ ಉದ್ಗರಿಸಿದರು. ಎಂಟು ವರ್ಷದ ಹಿಂದೆ ಜಾನ್ ಕೆನಡಿ ಅದೇ ರಿಚರ್ಡ್ ನಿಕ್ಸನ್ ಅವರನ್ನುಅತಿ ಕಡಿಮೆ ಮತದಿಂದ ಸೋಲಿಸಿದ್ದರು. ಅದು ನ್ಯಾಯವಾದ ಸೋಲು ಅಂತ ನಿಕ್ಸನ್ ನಂಬಿರಲೇ ಇಲ್ಲ. ಮಾಫಿಯಾ ಬಿಟ್ಟು, ಚಿಕ್ಯಾಗೋನಲ್ಲಿ ನಕಲಿ ಮತದಾನ ಮಾಡಿಸಿ, ಕೆನಡಿ ಗೆದ್ದಿದ್ದರು ಅಂತ ಅವರ ಆಪಾದನೆ ಆಗಿತ್ತು. ಚಿಕ್ಯಾಗೋ ಮಾಫಿಯಾ ಕೆನಡಿ ಪರವಾಗಿ ಕೆಲಸ ಮಾಡಿದ್ದು ಸುಳ್ಳಂತೂ ಆಗಿರಲಿಲ್ಲ. ಈಗ ಇನ್ನೊಬ್ಬ ಕೆನಡಿ ಎದುರಾಳಿ ಆಗುತ್ತೇನೆ ಅನ್ನುತ್ತಿದ್ದಾನೆ. ಇನ್ನೊಬ್ಬ ಕೆನಡಿ ಎದುರು ಮತ್ತೊಮ್ಮೆ ಸೋಲು ಕಾದಿದೆಯೋ ಏನೋ ಅಂತ ನಿಕ್ಸನ್ ಚಿಂತಾಕ್ರಾಂತರಾದರು. ಸ್ವಲ್ಪ ದಿನಗಳಲ್ಲೇ ಆ ಚಿಂತೆ ಶಾಶ್ವತವಾಗಿ ಮರೆಯಾಗಲಿದೆ ಅಂತ ಅವರಿಗೆ ಗೊತ್ತಿತ್ತಾ?

ತಮ್ಮ ಉಮೇದುವಾರಿಕೆ ಘೋಷಣೆ ಮಾಡಿದ್ದೇ ಮಾಡಿದ್ದು ರಾಬರ್ಟ್ ಕೆನಡಿ ಸಮರೋಪಾದಿಯಲ್ಲಿ ಚುನಾವಣಾ ಪ್ರಚಾರದಲ್ಲಿ ತೊಡಗಿಸಿಕೊಂಡರು. ಡೆಮಾಕ್ರಾಟಿಕ್ ಪಕ್ಷದ ಆಂತರಿಕ ಚುನಾವಣೆಗಳಲ್ಲಿ ಗೆಲ್ಲುತ್ತ ಹೊರಟರು. ಆಗ ವಿಯೆಟ್ನಾಂ ಯುದ್ಧ ತುಂಬ ರಭಸದಿಂದ ನೆಡೆಯುತ್ತಿತ್ತು. ದಿನಕ್ಕೆ ನೂರಾರು ಜನ ಅಮೇರಿಕನ್ ಸೈನಿಕರ ಶವಪೆಟ್ಟಿಗೆ ಹೊತ್ತ ವಿಮಾನಗಳು ಸೈಗಾನ್ ನಿಂದ ಹಾರುತ್ತಿದ್ದವು. ವಿಯೆಟ್ನಾಂ ಯುದ್ಧಕ್ಕೆ ಒಂದು ಅಂತ್ಯ ಬೇಗನೆ ಕಾಣಿಸುತ್ತೇನೆ, ಮಾರ್ಟಿನ್ ಲೂಥರ್ ಕಿಂಗ್ ಅವರ ಸಾವು ವ್ಯರ್ಥವಾಗಲು ಬಿಡುವದಿಲ್ಲ, ಶಾಂತಿ, ಅಂತೆಲ್ಲ ಚುನಾವಣಾ ಪ್ರಣಾಳಿಕೆ ಸಿದ್ಧಪಡಿಸಿದ್ದ ಕೆನಡಿ ವರ್ಗಕ್ಕೆ ಅಭೂತಪೂರ್ವ ಬೆಂಬಲ ಸಿಗುತ್ತಿತ್ತು. ಪಟ್ಟಭದ್ರ ಹಿತಾಸಕ್ತಿಗಳ ಪಕ್ಕೆಯಲ್ಲಿ ಮತ್ತೆ ಮುಳ್ಳಾಡಿದಂತಾಯಿತಾ? ಎಲ್ಲಿ ಈ ಕೆನಡಿ ಬಂದು ತಮ್ಮ ರೊಕ್ಕಾ ಮಾಡುವ ಮಶೀನನನ್ನು ಹದೆಗೆಡಿಸಿಬಿಡುತ್ತಾರೋ ಅಂತ ಚಿಂತೆಯಾಯಿತಾ? ಗೆದ್ದ ನಂತರ ಎಲ್ಲಿ ತಮ್ಮ ಅಣ್ಣ ಜಾನ್ ಕೆನಡಿಯ ನಿಗೂಢ ಹತ್ಯೆಯ ಪುನರ್ತನಿಖೆ ಮಾಡಿಸಿಬಿಡುತ್ತಾರೋ ಅಂತ tension ಆಯಿತಾ?

ಜೂನ್ ೬, ೧೯೬೮, ಅಮೇರಿಕಾ ಮತ್ತೊಮ್ಮೆ ಫುಲ್ ಥಂಡಾ ಹೊಡೆದು, ಹಾಂ! ಅಂತ ಇಡೀ ದೇಶವೇ ಬಾಯಿಬಿಟ್ಟಿತು!

ರಾಬರ್ಟ್ ಕೆನಡಿ ಹತ್ಯೆಯಾಗಿದ್ದರು!

ಲಾಸ್ ಏಂಜೆಲ್ಸ್ ನಗರದ ಹೋಟೆಲ್ ಒಂದರಲ್ಲಿ ತಮ್ಮ ಬೆಂಬಲಿಗರನ್ನು ಉದ್ದೇಶಿಸಿ ಮಾತಾಡಿ ತಮ್ಮ ವಾಹನದ ಕಡೆ ತಮ್ಮ ಹಿಂಬಾಲಿಕರ ಜೊತೆ, ಹೋಟೆಲ್ಲಿನ ಅಡುಗೆ ಮನೆ ಮೂಲಕ ಒಳದಾರಿಯಲ್ಲಿ ಕೆನಡಿ ಬರುತ್ತಿದ್ದರು. ಖುಷಿಯಲ್ಲಿದ್ದರು. ಕ್ಯಾಲಿಫೋರ್ನಿಯಾ ಅಂತರಿಕ ಚುನಾವಣೆ ಗೆದ್ದಿದ್ದರು.

ಆಗ ಸಂಭವಿಸಿತು ಅವಗಢ!

ಒಬ್ಬ ಬಂದವನೇ ಢಂ! ಢಂ! ಅಂತ ಗುಂಡು ಹಾಕೇ ಬಿಟ್ಟ. ಪೂರ್ತಿ ಗೊಂದಲ. ಇಕ್ಕಟ್ಟು ಒಳದಾರಿ. ಜನದಟ್ಟಣೆ. ಗದ್ದಲ. ಗೌಜಿ. ಅದರಲ್ಲಿ ಗುಂಡು ಹಾರಾಟ. ಕೆನಡಿ ತೀವ್ರವಾಗಿ ಗಾಯಗೊಂಡರು. ಸುಮಾರು ಹೊತ್ತಿನ ನಂತರ ಅವರು ಆಸ್ಪತ್ರೆಯಲ್ಲಿ ನಿಧನರಾದರು. (ಹತ್ಯೆಯ ವೀಡಿಯೊ ಕೊನೆಗೆ ಇದೆ. ನೋಡಿ)

ಗುಂಡು ಹಾರಿಸಿದ ಎಂದು ನಂಬಲಾದ ವ್ಯಕ್ತಿಯನ್ನು ಎಲ್ಲರೂ ಕೂಡಿ ಅಲ್ಲೇ ಬಂಧಿಸಿದ್ದರು. ಆದರೆ ಅವನೇಕೆ ಅಷ್ಟು ನಿರ್ಭಾವುಕನಾಗಿ ಏನೂ ಗೊತ್ತಿಲ್ಲದವನಂತೆ, ಏನೂ ನೆನಪಿಲ್ಲದವನಂತೆ ನಿಂತಿದ್ದ!?

ಈ ಕಡೆ ಕೆನಡಿಗೆ ಗುಂಡು ಬೀಳುತ್ತಿದ್ದಂತೆ ಚುಕ್ಕೆ (polka  dots) ಲಂಗ ಹಾಕಿದ್ದ ಹುಡುಗಿ ಒಬ್ಬಾಕೆ, we shot him! we got him! ಅನ್ನುತ್ತ ಹೋಟೆಲ್ಲಿನಿಂದ ಓಡಿದಳು. ಅವಳೂ ಹತ್ಯೆಯಲ್ಲಿ ಭಾಗಿಯಾಗಿದ್ದಳೆ?

ಅಲ್ಲಿಯ ತನಕ ಓನಾಸಿಸ್ ಜೊತೆ ಏನೂ ಇಲ್ಲ, ಏನಿಲ್ಲ, ಅನ್ನುತ್ತಿದ್ದ ಜಾಕಿ ಕೆನಡಿ, ರಾಬರ್ಟ್ ಕೆನಡಿ ಜೂನ್ ೧೯೬೮ ರಲ್ಲಿ ಹತ್ಯೆಯಾಗಿದ್ದೆ ಆಗಿದ್ದು ಅಕ್ಟೋಬರ್ ನಲ್ಲಿ ಜಾಕಿ ಕೆನಡಿ ಓನಾಸಿಸ್ ನನ್ನು ಮದುವೆ ಆಗಿ ಬಿಟ್ಟಳು! ಜೂನ್ ನಲ್ಲಿ ಹತ್ಯೆ, ಅಕ್ಟೋಬರ್ ನಲ್ಲಿ ಮದುವೆ!

ಯಾಕೆ!?

ಕೇಳಿದರೆ, ಮೊದಲು ನನ್ನ ಗಂಡ ಜಾನ್ ಕೆನಡಿಯನ್ನು ಕೊಂದರು, ಈಗ ನೋಡಿ ನನ್ನ ಮೈದುನ ರಾಬರ್ಟ್ ಕೆನಡಿಯನ್ನು ಕೊಂದರು, ನನಗೆ ತುಂಬಾ ಭಯ, ಚಿಕ್ಕ ಮಕ್ಕಳು ಬೇರೆ, ಒಂದು ಗಂಡಿನ ಆಶ್ರಯ ಇದ್ದರೆ ಹೇಗೋ ಬದುಕಿಕೊಂಡೇವು, ಪ್ಲೀಸ್ ಮತ್ತೇನೂ ಕೇಳಬೇಡಿ, ಅಂತ ಹೇಳಿದ ಜಾಕಿ ಕೆನಡಿ ಹೊಸ ಗಂಡ, ಹಳೆ ಗೆಳೆಯನ ಮನೆ ಕಡೆ ಹೋಗಿ ಬಿಟ್ಟಳು.

ರಾಬರ್ಟ್ ಕೆನಡಿ ಸತ್ತು ಹೋಗಿ, ಅನಾಥ ಭಾವ ಬಂದಿದ್ದಕ್ಕೆ ಅಷ್ಟು ಬೇಗನೆ ಮದುವೆಯಾದಳೋ? ಅಥವಾ ರಾಬರ್ಟ್ ಕೆನಡಿ ಇರುವ ತನಕ ಅರಿಸ್ಟಾಟಲ್ ಓನಾಸಿಸ್ ನನ್ನು ಮದುವೆಯಾಗಲು ಸಾಧ್ಯವಿಲ್ಲ ಅಂತ ರಾಬರ್ಟ್ ಕೆನಡಿಯನ್ನು ಸಂಚು ಮಾಡಿ ತೆಗೆಸಿಬಿಡಲಾಯಿತಾ? ಯಾರು ಮಾಡಿದ್ದರು? ಆಕೆಯೋ ಅಥವಾ ಓನಾಸಿಸ್ಸನೋ? ಅಥವಾ ಬೇರೆ ಯಾರೋ ರಾಬರ್ಟ್ ಕೆನಡಿಯನ್ನು ತಮ್ಮದೇ ಕಾರಣಗಳಿಗೆ ಉಡಾಯಿಸಿಬಿಟ್ಟರೋ? ಒಂದು false trail ಮಾಡಲು ಓನಾಸಿಸ್ಸನ್ನು ಬಳಸಿಕೊಂಡರೋ? ಅಥವಾ ಎಲ್ಲ ಕೇವಲ ಕಾಕತಾಳಿಯವೋ?

ಎಲ್ಲ ನಿಗೂಢ!!!! ಗೋಜಲು ಗೋಜಲು!!!!!!!!!!!!!!

ಹೀಗೆ ಹಲವಾರು ಪ್ರಶ್ನೆಗಳು ಏಳುತ್ತವೆ. ಜಾನ್ ಕೆನಡಿ ಹತ್ಯೆಯ ನಿಗೂಢತೆಯೇ ಒಂದು ಮಟ್ಟದ್ದಾದರೆ ರಾಬರ್ಟ್ ಕೆನಡಿ ಹತ್ಯೆಯ ಹಿಂದಿರುವ ನಿಗೂಢತೆ, ಕಾರಸ್ತಾನ ಅರಿಯುತ್ತ ಹೋದಂತೆ ತಲೆ ಗಿವ್ವೆನ್ನುತ್ತದೆ.

ರಾಬರ್ಟ್ ಕೆನಡಿ ಮೇಲೆ ಗುಂಡು ಹಾರಿಸಿದ ಅಂತ ಹೇಳಿ ಒಬ್ಬ ಪ್ಯಾಲೆಸ್ತೇನಿ ನಿರಾಶ್ರಿತ ಜೇಲಿಗೆ ಹೋದ. ಅವನನ್ನು ಸಂಮೋಹಿನಿಗೆ ಒಳಪಡಿಸಿ ಅವನ ವ್ಯಕ್ತಿತ್ವನ್ನೇ ಬದಲಾಯಿಸಿಬಿಡಲಾಗಿತ್ತೆ? ಹತ್ಯೆಯ ನಂತರ ಅವನಿಗೆ ಏನೂ ನೆನಪಿರದ ಹಾಗೆ ಬ್ರೈನ್ ವಾಶ್ ಮಾಡಿ ಬಿಟ್ಟಿದ್ದರೆ? ಚುಕ್ಕಿ ಲಂಗದ ಹುಡುಗಿ ಹಂತಕನಿಗೆ ಸಂಜ್ಞೆ ಮಾಡಲು ಬಂದಿದ್ದಳೋ ಹೇಗೆ? ಮತ್ತೆ ಸಿಐಎ rogue elements ಈ ಹತ್ಯೆಯಲ್ಲಿಯೂ ಭಾಗಿಯಾಗಿದ್ದರಾ?

ಇವೆಕ್ಕೆಲ್ಲ ಉತ್ತರ ಮತ್ತು ರಾಬರ್ಟ್ ಕೆನಡಿ ಹತ್ಯೆಯ ಅನೇಕ ರೋಚಕ ವಿವರಗಳು ಮತ್ತು ಜಾಕಿ ಕೆನಡಿ, ಓನಾಸಿಸ್ ಹೊಸ ಸಂಸಾರದ ಸರಸ ವಿರಸ ಎಲ್ಲ ಮುಂದಿನ ಭಾಗದಲ್ಲಿ.

(ಮುಂದುವರಿಯಲಿದೆ) (ಭಾಗ - ೪ ಇಲ್ಲಿದೆ)

ಓನಾಸಿಸ್ & ಜಾಕಿ ಕೆನಡಿ ಮದುವೆ ನಂತರ

ರಾಬರ್ಟ್ ಕೆನಡಿ ಹತ್ಯೆಯ ವೀಡಿಯೊ

ಶ್ರೀಮತಿ ಕೆನಡಿ ಶ್ರೀಮತಿ ಓನಾಸಿಸ್ ಆಗುವ ತನಕ.... (ಭಾಗ - ೨)

(ಹಿಂದಿನ ಭಾಗ -೧ ಇಲ್ಲಿದೆ)

ಜಾಕಿ ಕೆನಡಿ, ಅಮೇರಿಕಾದ ಪ್ರಥಮ ಮಹಿಳೆ, ಅಧ್ಯಕ್ಷರ ಪತ್ನಿ, ಮನೆ ಬಿಟ್ಟು ಓಡಿ ಹೋಗಿ, ಅಲ್ಲಿ ದೂರದ ಗ್ರೀಸ್ ದೇಶದ ಶ್ರೀಮಂತ ಅರಿಸ್ಟಾಟಲ್  ಓನಾಸಿಸ್ ನ ಹಡಗಿನಲ್ಲಿ ಝೇಂಡಾ ಹೊಡೆದಿದ್ದಾರೆ ಅನ್ನೋ ಸುದ್ದಿ ಅಮೇರಿಕಾದಲ್ಲಿ ಅಂತೂ ಹರಡಿತು. ಈಗಿನ ಹಾಗೆ ಮಿಂಚಿನಂತೆ ಸುದ್ದಿ ಹರಡುವ ಕಾಲ ಅದಲ್ಲ. ರಾಜಧಾನಿ ವಾಷಿಂಗ್ಟನ್ ನಲ್ಲಿ ಸುಮಾರು ಸುದ್ದಿ ಆಯಿತು. ಅಯ್ಯೋ ಬಿಡ್ರೀ! ಕೆನಡಿ ಸಾಹೇಬ್ರೇನು ಶ್ರೀರಾಮಚಂದ್ರನೆ? ಅವರ ಕಚ್ಚೆಹರಕುತನಕ್ಕೆ ಬೇಸರಗೊಂಡು ಅಮ್ಮಾವರು ಹೋಗಿಬಿಟ್ಟಿದ್ದಾರೆ, ಅಂತ ಜನ ಮಾತಾಡಿಕೊಂಡು ಸುಮ್ಮನಾಗುತ್ತಿದ್ದರೋ ಏನೋ. ಆದರೆ.......

ಆದರೆ ಯೂರೋಪಿನ ಪಾಪರಾಜಿ ಫೋಟೋಗ್ರಾಫರ್ ಮುಂಡೆ ಮಕ್ಕಳು ಬಿಡಬೇಕಲ್ಲ? ಓನಾಸಿಸ್ ನ ಹಡಗಿನ ಹತ್ತಿರವೇ ದೋಣಿಗಳಲ್ಲಿ ಹೋಗಿ, ಮೇಲಿಂದ ಹೆಲಿಕಾಪ್ಟರ್ ನಲ್ಲಿ ಹೋಗಿ, ಹಡಗಿನ ಡೆಕ್ ಮೇಲೆ, ಕೇವಲ ಈಜುಡುಗೆ ಧರಿಸಿ, ಎಲ್ಲರಿಗೆ ಸಕಲವನ್ನೂ ಧರ್ಮದರ್ಶನ ಮಾಡಿಸುತ್ತ ಮಲಗಿದ್ದ ಜಾಕಿ ಕೆನಡಿ ಮೇಡಂ ಅವರ ಹಲವಾರು ಚಿತ್ರಗಳನ್ನು ತೆಗೆದುಕೊಂಡು ಬಂದು ಪ್ರಪಂಚದ ಎಲ್ಲ ಪತ್ರಿಕೆಗಳಿಗೆ ಮಾರಿ ಬಿಟ್ಟರು. 'ಶಿಪ್ಪಿಂಗ್ ಟೈಕೂನ್ ಜೊತೆ ಅಮೇರಿಕಾದ ಪ್ರಥಮ ಮಹಿಳೆಯ ಜಮ್ಮ ಚಕ್ಕ' ಅನ್ನುವ ಅರ್ಥದಲ್ಲಿ ಪತ್ರಿಕೆಗಳಲ್ಲಿ ಫೋಟೋ, ವರದಿ ಎಲ್ಲ ಬಂದು ಬಿಟ್ಟಿತು.

ಕೆನಡಿ ಸರ್ಕಾರಕ್ಕೆ ದೊಡ್ಡ ಮುಜುಗರ. ಕೆನಡಿ ಕುಟುಂಬಕ್ಕೆ ಇನ್ನೂ ದೊಡ್ಡ ಮುಜುಗರ. ರಾಜಕೀಯವಾಗಿ ತುಂಬ ಮಹತ್ವಾಕಾಂಕ್ಷಿ ಆ ಕುಟುಂಬದ ಹಿರಿಯ ಜೋಸೆಫ್ ಕೆನಡಿ. ಹಿರಿ ಸೊಸೆ ಹೀಗೆ ಮಾಡಿದ್ದು ಅವರಿಗೆ ದೊಡ್ಡ ಇರುಸು ಮುರುಸು. ಮನೆತನದ ಮರ್ಯಾದೆಕಿಂತ ಕುಟುಂಬದ ರಾಜಕೀಯ ಭವಿಷ್ಯದ ಮೇಲೆ ಇದು ಹೇಗೆ ಪರಿಣಾಮ ಬೀರಬಹದು ಅಂತ ತಲೆ ಕೆಡೆಸಿಕೊಂಡು ಕೂತರು ಜೋ ಕೆನಡಿ.

ಏ! ಮೇಡಂ ಸುಮ್ಮನೆ ವಿಹಾರಕ್ಕೆ ಹೋಗಿದ್ದಾರೆ. ಅಧ್ಯಕ್ಷರು ತುಂಬಾ ಬಿಜಿ ಇದ್ದರಿಂದ ಮೇಡಂ ಅವರಿಗೆ ಒಬ್ಬರೇ ಹೋಗಿ ಬಾ ಅಂತ ಕಳಿಸಿದ್ದಾರೆ, ಅಂತ ಶ್ವೇತ ಭವನದ ವಕ್ತಾರರು ಭೋಂಗು ಬಿಟ್ಟರು. ಕೆಲ ಪತ್ರಿಕೆಗಳು ಕೊಟ್ಟ ಪ್ರಸಾದ ತೆಗೆದುಕೊಂಡು ತಿಪ್ಪೆ ಸಾರಿಸಿದರೆ, ಕೆಲವು ಕೆನಡಿ ವಿವಾಹ ಅವಸಾನಕ್ಕೆ ಬಂದು ನಿಂತಿದೆ ಅಂತ ಬರೆದು ಬಿಟ್ಟು, ಅಧ್ಯಕ್ಷರ ರೇಟಿಂಗ್ ಕಮ್ಮಿ ಮಾಡಿಬಿಟ್ಟವು. ಜೋ ಕೆನಡಿ ಅವರಿಗೆ ಮತ್ತೂ ದೊಡ್ಡ ಚಿಂತೆ.

ಅಧ್ಯಕ್ಷ ಜಾನ್ ಕೆನಡಿ ಅವರ ಹತ್ತಿರ ಮಾತಾಡೋಣ ಅಂದ್ರೆ ಅವರು ಕ್ಯೂಬಾ, ರಶಿಯನ್ ಕ್ಷಿಪಣಿ ಸಂಘರ್ಷ, ಫೀಡೆಲ್ ಕ್ಯಾಸ್ಟ್ರೋ, ಅದು ಇದು ಅಂತ ತುಂಬ ತಲೆಬಿಸಿಯಲ್ಲಿ ಇದ್ದರು. ಮತ್ತೆ ಅಧ್ಯಕ್ಷರು ಹಾಗೆಲ್ಲ ಹೋಗಿ ಹೆಂಡತಿ ಕರಕೊಂಡು ಬರೋದು ಅಂದ್ರೆ ತಮಾಷೆಯಲ್ಲ. ಅವರ ತಮ್ಮ ಬಾಬ್ಬಿ ಕೆನಡಿ ಕಳಿಸೋಣ ಅಂದ್ರೆ ಅವರು ಅದೇ ಸರ್ಕಾರದಲ್ಲಿ ಅಟಾರ್ನಿ ಜನರಲ್. ಮತ್ತೆ ಅರಿಸ್ಟಾಟಲ್ ಓನಾಸಿಸ್ ಎಂಬ ಶಿಪ್ಪಿಂಗ್ ಟೈಕೂನನನ್ನು ತಡವಿಕೊಂಡು ಕೇಸ್ ಹಾಕಿದ್ದರು. ದುಡ್ಡು ಮಾಡುವ ಅಬ್ಬರದಲ್ಲಿ ಓನಾಸಿಸ್ ಅಮೇರಿಕಾದ ಕಾಯಿದೆ ಮುರಿದಿದ್ದ ಅಂತ ನೆಪ. ಪಮೇಲಾ ಚರ್ಚಿಲ್ಲ ಎಂಬ ಮಹಿಳಾಮಣಿ ಓನಾಸಿಸ್ ನ ಕಡುವೈರಿಯ ರಖಾವು ಆಗಿ, ಕೆನಡಿ ಮೇಲೆ ಪ್ರಭಾವ ಬೀರಿ ಕೇಸ್ ಹಾಕಿಸಿದ್ದಳು ಅಂತಲೂ ಸುದ್ದಿ ಇತ್ತು. ಹಾಗಾಗಿ ಬಾಬ್ಬಿ ಕೆನಡಿಯವರನ್ನು ಕಳಿಸಿ ಪ್ರಥಮ ಮಹಿಳೆಯನ್ನು ವಾಪಸ್ ಕರೆದುಕೊಂಡು ಬಾ ಅನ್ನುವ ಹಾಗಿಲ್ಲ. ಹಾಗಿದ್ದರೆ ಯಾರನ್ನು ಕಳಿಸುವವದು? ಅಂತ ಹಿರಿಯ ಜೋಸೆಫ್ ಕೆನಡಿ ತಲೆ ಓಡಿಸಿದರು.

ಉಂಡಾಡಿ ಗುಂಡನ ಹಾಗಿದ್ದ ಚಿಕ್ಕ ಮಗ ಟೆಡ್ ಕೆನಡಿ ಕಂಡ. ಹಾರ್ವರ್ಡ್ ಯೂನಿವರ್ಸಿಟಿಗೆ ಡೊನೇಷನ್ ಕೋಟಾದಲ್ಲಿ ಒಂದು ಸೀಟ್ ಕೊಡಿಸಿ ಅಡ್ಮಿಶನ್ ಮಾಡಿಸಿದ್ದರು. ಈ ಯಬಡೇಶಿ ಟೆಡ್ ಅನ್ನುವ ಚಿಕ್ಕ ಮಗ ಪರೀಕ್ಷೆಯಲ್ಲಿ ಕಾಪಿ ಮಾಡಲು ಹೋಗಿ ಸಿಕ್ಕು ಬಿದ್ದ. ಒಂದು ಸೆಮಿಸ್ಟರ್ ಮನೆಗೆ ಹೋಗಿ ಬಾರಪ್ಪ, ಅಂತ ಹಾರ್ವರ್ಡ್ ವಿವಿ ಮನೆಗೆ ಕಳಿಸಿತ್ತು. ಇವನನ್ನು ಗ್ರೀಸ್ ದೇಶಕ್ಕೆ ಕಳಿಸಿದರೆ ಹೇಗೆ? ಅಂತ ವಿಚಾರ ಬಂತು.

ಏ! ಟೆಡ್! ಗ್ರೀಸ್ ದೇಶಕ್ಕೆ ಹೋಗಿ ನಿಮ್ಮ ಅತ್ತಿಗೆಯನ್ನು ಕರೆದುಕೊಂಡು ಬಾ, ಅಂತ ಅಪ್ಪಣೆ ಮಾಡಿದರು ಜೋ ಕೆನಡಿ.

ಮನೆಯಲ್ಲಿ ಕೂತು ಓತ್ಲಾ ಹೊಡೆಯುವದರಕಿಂತ ಯುರೋಪ್ ಸುತ್ತಿ, ಸಾಧ್ಯವಾದರೆ ಮುನಿಸಿಕೊಂಡು ಹೋಗಿರುವ ಅತ್ತಿಗೆಯನ್ನು ಕರೆದುಕೊಂಡು ಬರೋಣ ಅಂತ ಟೆಡ್ ಕೆನಡಿ ಹೊರಟ.

ಟೆಡ್ ಬರುತ್ತಿರುವ ವಿಚಾರ ತಿಳಿದ ಓನಾಸಿಸ್ ಥ್ರಿಲ್ಲೆದ್ದು ಹೋದ. ಒಂದರ ಮೇಲೊಂದು ಕೆನಡಿ ಮಿಕಗಳು ಬಂದು ಬಲೆಗೆ ಬೀಳುತ್ತಿವೆಯಲ್ಲ ಅಂತ ಒಂದು ತರಹದ ವಿಕೃತ ಖುಷಿ ಅವನಿಗೆ. ತನ್ನ ಮೇಲೆ ಕೇಸ್ ಹಾಕಿದ್ದ ಬಾಬ್ಬಿ ಕೆನಡಿ ಮೇಲೆ ಒಂದು ತರಹದ ಸೇಡು ತೀರಿಸಿಕೊಂಡ ಫೀಲಿಂಗ್.

ಗ್ರೀಸ್ ದೇಶಕ್ಕೆ ಬಂದಿಳಿದ ಟೆಡ್ ಕೆನಡಿಯನ್ನು ಸಹ ಅರಿಸ್ಟಾಟಲ್ ಓನಾಸಿಸ್ ತನ್ನ ಐಶಾರಾಮಿ ಹಡಗಿಗೆ ಕರೆಸಿಕೊಂಡು ಬಿಟ್ಟ. ಅಲ್ಲಿಗೆ ಮುಗೀತು ಕಥೆ! ಅವನ ಇಂದ್ರನ ಅರಮನೆಯಂತೆ ಇದ್ದ ಹಡಗು, ಅಲ್ಲಿದ್ದ ಗುಂಡು, ತುಂಡು, ಮಾಲುಗಳನ್ನು ನೋಡಿ ಟೆಡ್ ತಾನು ಯಾಕೆ ಬಂದಿದ್ದೇನೆ ಅನ್ನುವದನ್ನೇ ಮರೆತ. ಮೇಲಿಂದ ಶಿಪ್ಪಿಂಗ್ ಟೈಕೂನನ ರಾಜೋಪಚಾರ ಬೇರೆ!

ಟೆಡ್ ಕೆನಡಿಯವರೇ, ಹಡಗಿನ ಹಿಂದಿನ ಭಾಗದಲ್ಲಿ ತಮಗೆ ಗುಂಡು, ತುಂಡು ಎಲ್ಲ ವ್ಯವಸ್ಥೆ ಮಾಡಿದ್ದೇವೆ. ತನು, ಮನ ಹಗುರ ಮಾಡಲು ದೇಶ ವಿದೇಶಗಳ ಸುಂದರಿ ಮಾಲುಗಳು ಬಂದು ಹೋಗಿ ಮಾಡುತ್ತಿರುತ್ತವೆ. ಎಲ್ಲ ಎಂಜಾಯ್ ಮಾಡಿ. ಇಷ್ಟು ಬೇಗ ಹೋಗುವ ವಿಚಾರ ಮಾಡಲೇ ಬೇಡಿ, ಅಂದವನೇ ಓನಾಸಿಸ್ ಟೆಡ್ ಕೆನಡಿಗೂ ಅಮೃತಾಂಜನ ಹಚ್ಚಿ ತಲೆ ತಿಕ್ಕೇ ಬಿಟ್ಟ. ಅತ್ತಿಗೆಯನ್ನು ಕರೆದೊಯ್ಯಲು ಬಂದ ಮೈದುನನ್ನು ಕರೆದೊಯ್ಯಲು ಇನ್ನು ಯಾರು ಬರಬೇಕೋ ಅನ್ನುವ ರೀತಿಯಲ್ಲಿ ಟೆಡ್ ಸಿಕ್ಕ ಬಿಟ್ಟಿ ತುಂಡು, ಗುಂಡು, ಸುಂದರಿಯರ ಮೇಲೆ ಹರಕೊಂಡು ಬಿದ್ದು ತಾತ್ಕಾಲಿಕವಾಗಿ ಕಳೆದೇ ಹೋದ. ಕೆನಡಿಗಳಿಗೆ ಟಾಂಗ್ ಕೊಟ್ಟ ಖುಷಿಯಲ್ಲಿ ಓನಾಸಿಸ್ ವಿಕೃತ ನಗೆ ನಕ್ಕ.

ಈ ಕಡೆ ಕೆನಡಿ ಮೇಡಂ ಅಂತೂ ಓನಾಸಿಸ್ ಮಾಡಿದ ಉಪಚಾರಗಳಿಂದ ಫುಲ್ ಖುಷ್. ಅವನ ಆಸ್ತಿ, ಪಾಸ್ತಿ, ಸಂಪತ್ತು, ಅದನ್ನು ನೀರಿನಂತೆ ಖರ್ಚು ಮಾಡುವ ಸ್ಟೈಲ್ ನೋಡಿ ಅಮ್ಮಾವರು ಫುಲ್ ಖುಷ್. ಜೊತೆಗೆ ಗಂಡನ ಮೇಲೆ ಕೋಪ ಬೇರೆ. ಮತ್ತೆ ಚಲ್ಲಾಟದ ಸ್ವಭಾವ. ಬಿಂದಾಸ್ ವಾತಾವರಣ. ಹೇಳುವರು ಕೇಳುವರು ಯಾರೂ ಇಲ್ಲ. ಹಾದಿ ತಪ್ಪಲಿಕ್ಕೆ ಇನ್ನೇನು ಬೇಕು? ಇದಕ್ಕೇ ಕಾಯುತ್ತಿದ್ದ ಪ್ಲೇಬಾಯ್ ಕಾಮಣ್ಣ ಅರಿಸ್ಟಾಟಲ್ ಓನಾಸಿಸ್.

ಒಂದು ರಾತ್ರಿ ಕೆನಡಿ ಮೇಡಂ ಅವರನ್ನು ಓನಾಸಿಸ್ ಪಟಾಯಿಸಿಯೇ ಬಿಟ್ಟ. ಲಂಚ ಕೊಟ್ಟಾಗಿತ್ತು. ಮೇಡಂ ಮಂಚ ಹತ್ತಿದರು. ಇನ್ನೊಬ್ಬ ತ್ರಿಪುರ ಸುಂದರಿಯನ್ನು ತಿಂದು ಮುಗಿಸಿದೆ ಅಂತ ಓನಾಸಿಸ್ ತನ್ನ ಡೈರಿಯಲ್ಲಿ ಜಾಕಿ ಕೆನಡಿಯ ಹೆಸರಿನ ಮೇಲೆ ಟಿಕ್ ಮಾಡಿದ.

ಜಾಕಿ ಕೆನಡಿ & ಅರಿಸ್ಟಾಟಲ್ ಓನಾಸಿಸ್

ಮಂಚ ಇಳಿದ ಕೆನಡಿ ಮೇಡಂ ಹಗುರ ಹಗುರ. ಗಂಡ ಅಧ್ಯಕ್ಷ ಕೆನಡಿ ತೋರಿಸದ ಪ್ರೀತಿ, ಒಲುಮೆ, ಮತ್ತೊಂದು ಮಗದೊಂದು ಪ್ರಿಯಕರ ಅರಿಸ್ಟಾಟಲ್ ಓನಾಸಿಸ್ ತೋರಿಸಿದ್ದ. ಮತ್ತೆ ಅವನ ಆಗಿನ ಕಾಲದ ಬಿಲಿಯನ್ ಗಟ್ಟಲೆ ಸಂಪತ್ತು ಕಣ್ಣು ಕೊರೈಸಿತ್ತು. ಕೆನಡಿಗಳು, ಜಾಕಿಯ ತವರಿನ ಕಡೆಯವರೂ ಎಲ್ಲ ಶ್ರೀಮಂತರೇ. ಆದ್ರೆ ಎಲ್ಲ ಮಿಲಿಯನ್ ಲೆಕ್ಕದಲ್ಲಿ ಮಾತಾಡುವರು. ಓನಾಸಿಸ್ ಆಗಲೇ ಬಿಲಿಯನಿಯರ್.

ಗಡಿಬಿಡಿಯಲ್ಲಿ ಜಾನ್ ಕೆನಡಿಯನ್ನು ಮದುವೆಯಾಗಿ ತಪ್ಪು ಮಾಡಿದೆನಾ ಅಂತ ಜಾಕಿಗೆ ಅನ್ನಿಸಿತ್ತಾ? ಯಾರಿಗೆ ಗೊತ್ತು.

ಹೀಗೆ ಗಂಡನ ಮೇಲೆ ಮುನಿದು ಮನೆ ಬಿಟ್ಟು ಹೋಗಿದ್ದ ಅಮೇರಿಕಾದ ಅಂದಿನ ಪ್ರಥಮ ಮಹಿಳೆ ಜಾಕಿ ಕೆನಡಿಗೆ ಅಚಾನಕ್ ಆಗಿ ಒಬ್ಬ ಹೊಸ ಪ್ರಿಯಕರ ಸಿಕ್ಕು ಬಿಟ್ಟಿದ್ದ. ಮುನಿಸು ಮುಗಿದಿತ್ತು. ಅನುರಾಗ ಚಿಮ್ಮಿತ್ತು....ಗಂಡನ ಮೇಲಲ್ಲ....ಓನಾಸಿಸ್ ಎನ್ನುವ ಪ್ಲೇಬಾಯ್ ಬಿಲಿಯನಿಯರ್ ಮೇಲೆ.

ಎಷ್ಟು ದಿವಸ ಅಂತ ಅದೇ ಹಡಗಿನ ಮೇಲೆ ಅಂತ ಇರೋದು? ಮನಸ್ಸಿಲ್ಲದಿದ್ದರೂ ವಾಪಸ್ ಹೊರಡಲೇ ಬೇಕಾಗಿತ್ತು. ಹೇಳಿ ಕೇಳಿ ಅಮೇರಿಕಾದ ಅಧ್ಯಕ್ಷರ ಧರ್ಮಪತ್ನಿ. ಆ ಧರ್ಮ ನಿಭಾಯಿಸಲಿಕ್ಕಾದರೂ ವಾಪಾಸ್ ಹೋಗಲೇ ಬೇಕಾಗಿತ್ತು. ಇಲ್ಲದ ಮನಸ್ಸಿನಿಂದ, ಬರ್ತೀನಿ ಡಾರ್ಲಿಂಗ್, ಮತ್ತೆ ಸಿಗೋಣ, ಅಂತ ಮುದುಕ ಓನಾಸಿಸ್ ಗೆ ಆಖರೀ ಚುಮ್ಮಾ ಮತ್ತೊಂದು ಕೊಟ್ಟು ಜಾಕಿ ಕೆನಡಿ ಮತ್ತು ಆಕೆಯ ತಂಗಿ ವಾಪಸ್ ಹೊರಟು ನಿಂತರು.

ಆವಾಗ ನೆನಪಾಯಿತು. ಓಹೋ! ನಮ್ಮನ್ನು ವಾಪಸ್ ಕರೆಯಲು ಬಂದಿದ್ದನಲ್ಲ, ಅವನೇ ಚಿಕ್ಕ ಮೈದುನ, ಟೆಡ್ ಕೆನಡಿ. ಅವನೆಲ್ಲಿ? ಆ ಉಂಡಾಡಿ ಗುಂಡ, ಓನಾಸಿಸ್ ತೋರಿಸಿದ, ಸ್ಪೆಷಲ್ ಕೋಣೆ ಹೊಕ್ಕವನು, ಹೊರಗಿನ ಖಬರಿಲ್ಲದೆ ಕುಡಿದು, ತಿಂದು, ಸುಂದರಿಯರ ಮಧ್ಯೆ ಕಳೆದು ಹೋಗಿದ್ದ. ಅತ್ತಿಗೆ ಜಾಕಿ ಕೆನಡಿಯನ್ನು ಕರೆದುಕೊಂಡು ಹೋಗಲು ಬಂದಿದ್ದ ಮೈದುನನನ್ನು ಜಾಕಿಯೇ ಖುದ್ದಾಗಿ ಎಬ್ಬಿಸಿ ಕರೆದುಕೊಂಡು ಹೋಗಬೇಕಾಯಿತು. ಓನಾಸಿಸ್ ಒಳೊಳಗೇ ನಕ್ಕ. ಜಾನ್ ಕೆನಡಿ, ಅಟಾರ್ನೀ ಜನರಲ್ ಬಾಬ್ಬಿ ಕೆನಡಿಗಳಿಗೆ ಸರಿಯಾಗೇ ಟಾಂಗ್ ಕೊಟ್ಟಿದ್ದ. ಅತ್ತ ಕೆನಡಿಗಳು ಅಮೇರಿಕಾದಲ್ಲಿ ಓನಾಸಿಸ್ ಮೇಲೆ ಕೋರ್ಟಿನಲ್ಲಿ ಕೇಸ್ ಜಡಿದು ಹೋರಾಡುತ್ತಿದ್ದರೆ, ಅವರಿಗೆ ಸರಿಯಾಗಿ ಮುಜುಗರ ಉಂಟು ಮಾಡುವಂತೆ ಉಳಿದ ಕೆನಡಿಗಳು ಓನಾಸಿಸ್ ನ ಆತಿಥ್ಯ ಸ್ವೀಕರಿಸಿ ಅವನ ತಿಂಡಿ ತೀರ್ಥದಲ್ಲಿ ಮುಳುಗೆದ್ದು ಹೊರಟಿದ್ದರು. ಇದಕ್ಕಿಂತ ದೊಡ್ಡ ವಿಪರ್ಯಾಸ ಉಂಟೆ?

ಗ್ರೀಸ್ ಬಿಟ್ಟು ಅಮೇರಿಕಾಕ್ಕೆ ವಾಪಸ್ ವಿಮಾನ ಹತ್ತಿದ್ದ ಜಾಕಿ ಕೆನಡಿ ಮನಸ್ಸಿನಲ್ಲಿ ಕೇವಲ ಓನಾಸಿಸ್ ನದೇ ಧ್ಯಾನ. ಎಷ್ಟೋ ಮಂದಿ ಪುರುಷರನ್ನು ದುಂಬಿಗಳಂತೆ ಆಕರ್ಷಿಸಿದ್ದ ಜಾಕಿಯೇ ಫುಲ್ ಫಿದಾ ಆಗಿ ಹೋಗಿದ್ದರು. ಹಾಗಿತ್ತು ರಾಯಲ್ ಉಪಚಾರ.

ಇದೇ ಒಲುಮೆ ಮುಂದೊಂದು ದಿವಸ ಜಾಕಿ ಕೆನಡಿ ಅರಿಸ್ಟಾಟಲ್ ಓನಾಸಿಸ್ ನನ್ನು ವಿವಾಹವಾಗುವಂತೆ ಪ್ರೇರೆಪಿಸಿತಾ? ಅದಕ್ಕಾಗಿ ಏನೇನು ಅವಘಡಗಳಾದವು? ಅದಕ್ಕೋಸ್ಕರ ಕೆನಡಿ ಕುಟುಂಬದಲ್ಲಿ ಒಂದು ಭಯಾನಕ ಕೊಲೆಯೂ ಆಗಿಹೋಯಿತಾ? ಅದರ  ಹಿಂದೆ ಪ್ಲೇಬಾಯ್ ಓನಾಸಿಸ್ ನ ಕೈವಾಡವಿತ್ತಾ?

(ಮುಂದುವರಿಯಲಿದೆ) (ಮುಂದಿನ ಭಾಗ -೩ ಇಲ್ಲಿದೆ)

ಶ್ರೀಮತಿ ಕೆನಡಿ ಶ್ರೀಮತಿ ಓನಾಸಿಸ್ ಆಗುವ ತನಕ.... (ಭಾಗ - ೧)

ಅಮೇರಿಕಾದ ಕೆನಡಿ ಕುಟುಂಬದ ಚಿತ್ರ ವಿಚಿತ್ರಗಳು ಮುಗಿಯುವಂತದ್ದಲ್ಲ. ಒಮ್ಮೆ, ಇನ್ನೂ ಅಮೇರಿಕಾದ ಅಧ್ಯಕ್ಷರಾಗುವ ಮೊದಲು, ಜಾನ್ ಎಫ್ ಕೆನಡಿ ಸಾಹೇಬರು ಯಾವದೋ ಒಂದು ದೊಡ್ಡ ಚುನಾವಣೆಯಲ್ಲಿ ಸೋತು ಹೋದರು. ಕೆನಡಿಗಳಿಗೆ ಕೇವಲ ಗೆದ್ದು ಮಾತ್ರ ರೂಢಿ. ಸೋಲು ಅರಗಿಸಿಕೊಳ್ಳುವದು ಕಷ್ಟ ಕಷ್ಟ. ಅವನೌನ್! ಅಂದವರೇ ಕೆನಡಿ ಸಾಹೇಬರು ಹೆಂಡ್ತಿ ಬಿಟ್ಟು, ಒಬ್ಬರೇ ತಮ್ಮ ಪುಂಡು ಪೋಕರಿ ಗೆಳೆಯರ ಸಂಗಡ ದಕ್ಷಿಣದ ಫ್ಲೋರಿಡಾ ಕಡಲ ತೀರಕ್ಕೆ ಹೋಗಿ ಬಿಟ್ಟರು. ಅಲ್ಲಿ ಅವರದ್ದೇ ಜಾತಿಯ, ಎಲ್ಲ ಚಟಗಳಿದ್ದ, ಕೆನಡಿ ಸಾಹೇಬರಿಗೆ ಒಂದು ತರಹದ ರಾಜಕೀಯ ಗುರು ಆಗಿದ್ದ, ಸೆನೆಟರ್ ಜಾರ್ಜ್ ಸ್ಮಿದರ್ಸ್ ಇದ್ದರು. ಚುನಾವಣೆಯಲ್ಲಿ ಸೋತರೇನಂತೆ ಜಾಕ್, ಮಜಾ ಮಾಡೋಣ ಬಾ, ಅಂತ ಒಂದು ಹಡಗಿನ ತುಂಬಾ ಹೈ ಕ್ಲಾಸ್ ವೇಶ್ಯೆಯರನ್ನು ತುಂಬಿಕೊಂಡು ವಾರಗಟ್ಟಲೆ ಕೆರಿಬಿಯನ್ ಸಮುದ್ರದ ವಿಹಾರಕ್ಕೆ ಕರೆದುಕೊಂಡು ಹೋಗಿ ಬಿಟ್ಟರು. ಚುನಾವಣೆಯಲ್ಲಿ ಸೋತ ಸಂಕಟವನ್ನು ಕೆನಡಿ ಸಾಹೇಬರು ಸಮುದ್ರದ ಮಧ್ಯೆ ಮದಿರೆ, ಮಾನಿನಿಯರ ಮಧ್ಯೆ ಕಳೆದು ಹಗುರಾಗಿ ಬಂದರು.

ಈ ಕಡೆ ಅಂದ್ರೆ ಮನೆ ಕಡೆ ಸ್ಥಿತಿಯೇ ಒಂದು ತರಹ ಇತ್ತು. ಕೆನಡಿ ಪತ್ನಿ ಜಾಕಿ ಕೆನಡಿ ಆವಾಗ ತುಂಬು ಗರ್ಭಿಣಿ. ಕೆನಡಿ ಸಾಹೇಬರು ಚುನಾವಣೆಯಲ್ಲಿ ಸೋತ ಸಂಕಟದಲ್ಲಿ ಆ ಕಡೆ ಹೋಗಿದ್ದೆ ಹೋಗಿದ್ದು ಈಕೆಗೆ ಈಕಡೆ ಹೆರಿಗೆ ನೋವು ಬಂತು. ಗಂಡ ಎಲ್ಲಿ? ಇಲ್ಲೆ. ಪೋಯಾಚ್ಚ. ಹಾಳಾಗಿ ಹೋಗಲಿ ಅಂದುಕೊಳ್ಳಲಿಕ್ಕೆ ಒಂದು ಸರಿಯಾದ ಮಗುವಾದರು ಹುಟ್ಟಿತಾ? ಅದೂ ಇಲ್ಲ. ಸತ್ತ ಮಗುವಿಗೆ ಜನ್ಮ ನೀಡಿ ಕೆನಡಿ ಪತ್ನಿ ಹೈರಾಣ ಆಗಿ ಹೋದರು. ಸಾಂತ್ವನ ಹೇಳಬೇಕಾಗಿದ್ದ ಪತಿ ಎತ್ತಲೋ ಬಾಟಲಿ ಎತ್ತುತ್ತ ಯಾರದ್ದೋ ಚಲುವೆಯ ಏನು ಬಿಚ್ಚುತ್ತಿದ್ದರೋ!? ದೇವರೇ ಬಲ್ಲ.

ಅದು ಜಾಕಿ ಕೆನಡಿ ಮನಸ್ಸಿಗೆ ಮಾಯಲಾಗದ ಗಾಯ. ಮುಂದೊಮ್ಮೆ ಮಾಡ್ತೀನಿ ತಡಿ ನಿನಗೆ ಮಗನೇ! ಅಂತ ಮನಸ್ಸಿನಲ್ಲೇ ಅಂದುಕೊಂಡ ಜಾಕಿ ಕೆನಡಿ, ಸತ್ತ ಮಗುವಿಗೆ ಜನ್ಮ ಕೊಟ್ಟ ಶೋಕ, ತಾಪಗಳಿಗೆ ತಾವೇ ಮರಹಮ್ಮು ಪಟ್ಟಿ ಮಾಡಿಕೊಂಡರು. ಬಂಧು ಬಳಗದವರು ಎಷ್ಟೇ ಏನೇ ಸಮಾಧಾನ ಮಾಡಿದರೇನು, ಅಂತಹ ಸಮಯದಲ್ಲಿ ಪತಿ ಇರಲಿಲ್ಲ ಅನ್ನುವ ಕೊರಗು ಮಾತ್ರ ಜಾಕಿಯನ್ನು ಬಿಡಲಿಲ್ಲ. ಆಕೆ ಕೊನೆ ತನಕ ಅದನ್ನ ಮರಿಯಲಿಲ್ಲ.

ಮುಂದೆ ಏನೇನೋ ಆಯಿತು ಬಿಡಿ. ಕೆನಡಿ ಸಾಹೇಬರು ಗೆದ್ದು ಅಧ್ಯಕ್ಷರಾದರು. ಮನೆ ಕಡೆ ಅಷ್ಟಕಷ್ಟೇ. ಜಾಕಿ ಕೆನಡಿ ಶ್ವೇತ ಭವನ ಬಿಟ್ಟು ಮಾರ್ಕೆಟ್ಟಿಗೆ ಹೋದರೂ ಸಾಕು ಕೆನಡಿ ಸಾಹೇಬರ ಖಾಸ್ ದೋಸ್ತ ಕಮ್ ಪಿಂಪ್ ಡೇವಿಡ್ ಪಾವರ್ಸ್ ಅನ್ನುವಾತ ಹೊಸ ಹೊಸ ಹಕ್ಕಿ ತಂದು ಸಾಹೇಬರ ತಲೆಗೆ ಅಮೃತಾಂಜನ ತಿಕ್ಕೇ ಬಿಡುತ್ತಿದ್ದ. ದಿನಕ್ಕೊಂದು ಹೊಸ ಮಾಲು ಇಲ್ಲ ಅಂದ್ರೆ ನನಗೆ ನಿದ್ದೆ ಬರೋದಿಲ್ಲ ಡೇವ್, ಅಂತ ಕೆನಡಿ ಸಾಹೇಬರು ಆಗಾಗ ಕಂಪ್ಲೇಂಟ್ ಮಾಡಿ ಮಾಡಿ, ಇವರ ರಿಪಿ ರಿಪಿಯೇ ಬೇಡ ಅಂತ ಡೇವಿಡ್ ಪಾವರ್ಸ್ ಫುಲ್ ಟೈಮ್ ಪಿಂಪ್ ಆಗಿ ಒಂದು ದೊಡ್ಡ ಹ್ಯಾರೆಮ್ ಮಾಡಿ ಬಿಟ್ಟಿದ್ದ. ಯಾವಾಗ ಬೇಕೆಂದಾಗ, ಮಿ. ಪಾವರ್ಸ್ + ಒಂದು ಎಕ್ಸಟ್ರಾ ಅಂತ ಶ್ವೇತ ಭವನದ ಪುಸ್ತಕದಲ್ಲಿ ಎಂಟ್ರಿ ಹಾಕಿಸಿ, ಕೆನಡಿ ಸಾಹೇಬರ ನೂರಾರು ಬೆಡ್ ರೂಮುಗಳಲ್ಲಿ ಒಂದರಲ್ಲಿ ಹಕ್ಕಿ ನುಗ್ಗಿಸಿ, ಬಾವುಗ ಬೆಕ್ಕಿನಂತಿದ್ದ ಕೆನಡಿ ಸಾಹೇಬರನ್ನು, ಅವರ ಸೋದರರನ್ನು, ಗೆಳೆಯರನ್ನು ಬಿಟ್ಟು ಸಮೃದ್ಧ 'ಮಾಂಸ'ದೂಟ  ಮಾಡಿಸಿಬಿಡುತ್ತಿದ್ದ. ಜಾಕಿ ಕೆನಡಿ ಮೇಡಂ ವಾಪಸ್ ಬರುವ ಮೊದಲು ಎಲ್ಲವನ್ನೂ ಸಾಫ್ ಸಾಫ್ ಮಾಡುವ ಕೆಲಸ ಸಹಾ ಅವನದೇ. ಸುಮಾರು ಸರಿಯಾಗೇ ಮಾಡುತ್ತಿದ್ದ ಅನ್ನಿ.

ಜಾಕಿ ಕೆನಡಿ ಮೇಡಂಗೆ ಕೆನಡಿಗಳ ಹಗ್ಗ ಕಡಿಯುವ ವಿಷಯ ಏನೂ ಅಪರಿಚಿತವಾಗಿರಲಿಲ್ಲ. ಕೆನಡಿ ಕುಟುಂಬ ಅದಕ್ಕೆ ಫೇಮಸ್. ಕೆನಡಿಗಳ ತಂದೆ ಜೋಸೆಫ್ ಕೆನಡಿಗೆ ಊರು ತುಂಬಾ ಸಂಸಾರ. ಗ್ಲೋರಿಯಾ ಸ್ವಾನ್ಸನ್ ಎನ್ನುವ ನಟಿ ಅವರ ಹಲುವಾರು ಉಪಪತ್ನಿಯರಲ್ಲಿ ಒಬ್ಬಳು. ಹಸು ಮಾತ್ರ ಒಂದೇ ಸಾಕಿ, ಹಾಲು ಎಲ್ಲೆ ಬೇಕಾದರೂ ಕುಡಿಯಿರಿ, ಕ್ಯಾಥೊಲಿಕ್ ಪದ್ಧತಿ ಪ್ರಕಾರ ದೇವರು ಕೊಟ್ಟ ಮಕ್ಕಳು ಅಂತ ಒಂದಾದ ಮೇಲೊಂದು ಮಕ್ಕಳನ್ನು ಮಾಡುತ್ತ, ಅಧಿಕೃತ ಧರ್ಮಪತ್ನಿಯನ್ನು ಸದಾ ಗಬ್ಬದ   ಹಸುವಿನಂತೆ ಇಟ್ಟು, ಬಾಕಿ ಕಡೆ ಬೇಕಾದಲ್ಲಿ ಬೇಕಾಗಿದ್ದು ಮೇಯಿದು ಮೇಯರ್ ಮುತ್ತಣ್ಣರಾಗಿ ನೂರ್ಕಾಲ್ ಬಾಳಿ, ಅಂತ ಉಪದೇಶ ತಂದೆ ಕೆನಡಿಯಿಂದ ತಮ್ಮ ಮಕ್ಕಳಿಗೆ. ಇನ್ನು ಕೇಳಬೇಕೆ!?

ಮುಂದೆ ಕೆನಡಿ ಅಧ್ಯಕ್ಷರಾದ ಮೇಲೆ ಏನೋ ಒಂದು ದಿವಸ ಜಾಕಿ ಕೆನಡಿಗೆ ಗಂಡನ ಮೇಲೆ ಮುನಿಸು. ದುಮು ದುಮು ಗುಡುತ್ತ ಸೀದಾ ಮನೆ ಬಿಟ್ಟು ಹೋಗಿಯೇ ಬಿಟ್ಟರು. ಎಲ್ಲ ದೊಡ್ಡ ಮಂದಿ. ಮನೆ ಬಿಟ್ಟು ತವರು ಮನೆಗೆ ಹೋಗುತ್ತಾರೆಯೇ? ಜಾಕಿ ಕೆನಡಿ ಸೀದಾ ದೇಶ ಬಿಟ್ಟು, ಯೂರೋಪಿನ ಗ್ರೀಸ್ ದೇಶದ ಕಡೆ ಎಲ್ಲೋ ಹೋಗಿ ಬಿಟ್ಟರು.

ಅಲ್ಲಿದ್ದ ನೋಡಿ ಅವರ ಆಶಿಕ಼್!

ಜಾಕಿ ಕೆನಡಿ ಅಂತೂ ತ್ರಿಲೋಕ ಸುಂದರಿ. ಅಷ್ಟೇ ಬುದ್ಧಿವಂತೆ ಕೂಡ. ಸೌಂದರ್ಯ, ಬುದ್ಧಿವಂತಿಕೆ, ರೊಕ್ಕ, ಸ್ಟೇಟಸ್ ಎಲ್ಲ ಇದ್ದ ಮೇಲೆ ಸ್ವಲ್ಪ ಚಲ್ಲಾಟ ಇರದೇ ಹೋಗುತ್ತದಯೇ? ಗಂಡ ಬೇರೆ ಪರಮ ಲಂಪಟ. ಹಾಗಾಗಿ ಮಾಡ್ತೀನಿ ತಡಿ ನಿನಗೆ, ಅಂದವರೇ ಅವರಿಗೆ (ಜಾಕಿ ಕೆನಡಿಗೆ) ತುಂಬಾ ವರ್ಷಗಳಿಂದ ಕಾಳು ಹಾಕುತ್ತಿದ್ದ ಗಂಡು ಗೂಳಿಯೊಬ್ಬನಿಗೆ ಹಾಯ್! ಅಂದೇ ಬಿಟ್ಟರು.

ಅವನೇ ಅರಿಸ್ಟಾಟಲ್ ಓನಾಸಿಸ್! ಆ ಕಾಲದ ದೊಡ್ಡ ಶಿಪ್ಪಿಂಗ್ ಮ್ಯಾಗ್ನೆಟ್! ನೂರಾರು ಸರಕು ಸಾಗಾಣಿಕೆ ಹಡಗುಗಳ ಮಾಲೀಕ. ಗ್ರೀಕ್ ದೇಶದ ಸಮೀಪದಲ್ಲಿ ಅವನದೇ ಆದ ಒಂದು ಪ್ರೈವೇಟ್ ಐಲ್ಯಾಂಡ್ ಇತ್ತು. ಅಲ್ಲಿ ದೊಡ್ಡ ಮಹಲು. ಗ್ರೀಸ್ ದೇಶದ ರಾಜಧಾನಿ ಅಥೆನ್ಸ್ ದಿಂದ ಸ್ವಲ್ಪ ದೂರ ಮಾತ್ರ. ಅರ್ಜೆಂಟ್ ಹೋಗಬೇಕು ಅಂದ್ರೆ ಹೆಲಿಕಾಪ್ಟರ್. ಆರಾಮ ಹೋಗಲು ಅವನದೇ ದೊಡ್ಡ ಐಶಾರಾಮಿ ಹಡಗು.

ಅರಿಸ್ಟಾಟಲ್ ಓನಾಸಿಸ್ ದೊಡ್ಡ ಮಟ್ಟದ ಪ್ಲೇಬಾಯ್. ಸುಮಾರು ವಯಸ್ಸಾಗಿತ್ತು. ಹುಣಸೆ ಮುಪ್ಪಾದರೆ ಹುಳಿ ಮುಪ್ಪೆ ಅನ್ನುವಂತೆ ಹೊಸ ಹೊಸ ಮಾಲುಗಳ ಬೇಟೆ ಮಾತ್ರ ಬಿಟ್ಟೇ ಇರಲಿಲ್ಲ. ಆ ಕಾಲದಲ್ಲೇ ವಿಶ್ವದ ದೊಡ್ಡ ಶ್ರೀಮಂತರಲ್ಲಿ ಒಬ್ಬ. ಎಲ್ಲ ದೇಶದ ದೊಡ್ಡ ದೊಡ್ಡ ಜನರಿಗೆ ಎಲ್ಲ ತರಹದ ಸೇವೆ ಮಾಡಿ ಇಡೀ ವಿಶ್ವದ ಶಿಪ್ಪಿಂಗ್ ಮೇಲೆ ಒಂದು ತರಹದ ಮೊನೋಪೋಲಿ ಸಾಧಿಸಿಬಿಟ್ಟಿದ್ದ. ಯಾವ ಪರಿ ಲಂಪಟ ಅಂದರೆ, ಮಾಜಿ ಇಂಗ್ಲಂಡ ಪ್ರಧಾನಿ ವಿನ್ಸ್ಟನ್ ಚರ್ಚಿಲ್ಲ ಅವರ ಸೊಸೆಯನ್ನೇ ಪಟಾಯಿಸಿ, ಚರ್ಚಿಲ್ಲರ ಮಗನ ಕೈಗೆ ಚಿಪ್ಪು ಕೊಟ್ಟ ಪಮೇಲಾ ಚರ್ಚಿಲ್ಲ ಎಂಬಾಕೆ ಈ ಓನಾಸಿಸ್ ಎಂಬ ಶಿಪ್ಪಿಂಗ್ ಟೈಕೂನ್ ಸಂಗಡ ಹೊಡೆಯುವಷ್ಟು ಕೇಕೆ ಹೊಡೆದು, ಜಮ್ಮಚಕ್ಕ ಮಾಡಿ, ಇಂಗ್ಲಂಡ ದೇಶಕ್ಕೆ ದೊಡ್ಡ ನಮಸ್ಕಾರ ಹಾಕಿ, ಅಮೇರಿಕಾ ಸೇರಿಕೊಂಡು, ಕೆನಡಿ ಸಹೋದರರ ಏನೇನೋ ಸೇವೆ ಮಾಡಿ, ಅಲ್ಲಿಯ ಪ್ರಜೆಯಾಗಿ ಮುಂದೊಂದು ದಿವಸ ಕ್ಲಿಂಟನ್ ಸಾಹೇಬರ ಕಾಲದಲ್ಲಿ ದೊಡ್ಡ ಮಟ್ಟದ ರಾಯಭಾರಿಯೂ ಆಗಿ ಹೋದಳು. ಏನೇನೋ ಕಥೆ ಬಿಡಿ. ಅದೆಲ್ಲ ಇಲ್ಲಿ ಬರೆಯುತ್ತ ಹೋದರೆ ವಿಷಯಾಂತರ ಆಗುತ್ತದೆ.

ಜಾಕಿ ಕೆನಡಿ ಮನೆ ಬಿಟ್ಟು ಓಡಿ ಬಂದಿದ್ದೇ ಬಂದಿದ್ದು ಅರಿಸ್ಟಾಟಲ್ ಓನಾಸಿಸ್ ಫುಲ್ ಥ್ರಿಲ್ಲಾಗಿ ಹೋದ. ಅಕ್ಕನಿಗೆ ಕಂಪನಿ ಕೊಡಲು ಜಾಕಿ ಕೆನಡಿ ಮೇಡಂ ತಂಗಿ ಸಹಿತ ಹೋಗಿ ಬಿಟ್ಟಿದ್ದಳು. ಮುದುಕ ಓನಾಸಿಸ್ ಗೆ ಖುಷಿಯೋ ಖುಷಿ. ಎರ್ರಾ ಬಿರ್ರಿ ರೈಸ್ ಆದವನೇ ತನ್ನ ಪ್ರೈವೇಟ್ ದ್ವೀಪದ ಕಡೆ ಹೋಗಲು ತನ್ನ ಐಶಾರಮಿ ಹಡಗನ್ನು ಸಿದ್ದ ಮಾಡಿಯೇ ಬಿಟ್ಟ. ಹಡಗಿನ ತುಂಬ ಬೆಸ್ಟ್ ಕ್ವಾಲಿಟಿಯ ಗುಂಡು, ತುಂಡು ತುಂಬಿಯೇ ತುಂಬಿದರು. ದೂರದಿಂದ ಬಂದ ಹೆಣ್ಣು ಮಕ್ಕಳು ಎಷ್ಟು ಹಸಕೊಂಡು, ಬಾಯಾರಿಕೊಂಡು ಬಂದಿರುತ್ತಾರೋ ಏನೋ ಅನ್ನುವ ರೀತಿಯಲ್ಲಿ. ಎಲ್ಲರನ್ನೂ ತುಂಬಿಕೊಂಡ ಹಡಗು ಓನಾಸಿಸ್ ನ ಖಾಸಗಿ ದ್ವೀಪದತ್ತ ಹೊರಟಿತು.

ಹುಚ್ಚು ಹೆಂಗಸರಿಗೆ ಸೂರ್ಯ ಸ್ನಾನ ಮಾಡುವ ತಲುಬು. ಅಕ್ಕ ಜಾಕಿ ಮತ್ತು ತಂಗಿ ಎಲ್ಲಾ ಬಿಚ್ಚಿ, ಕಾಟಾ(ಚಾ)ಚಾರಕ್ಕೆ ಎನ್ನುವಂತೆ ಕಾಚಾ ಬಾಡಿ ಒಂದಿಷ್ಟು ಮಾತ್ರ ಹಾಕಿಕೊಂಡು, ಮೈಗೆಲ್ಲ ಎಣ್ಣೆ ಒತ್ತಿಕೊಂಡು, ಉಧೋ ಯಲ್ಲಮ್ಮ! ಅನ್ನುವ ರೀತಿಯಲ್ಲಿ ಹಡಗಿನ ಡೆಕ್ಕಿನ ಮೇಲೆ ಅಂಬೋ ಅನ್ನುತ್ತ ಸುತ್ತ ಮುತ್ತಲ ಖಬರಿಲ್ಲದೆ ಡಬ್ಬು ಮಲಗಿ ಬಿಟ್ಟರು. ಹಿತವಾದ ಸೂರ್ಯ ಮೈ ಕಾಯಿಸುತ್ತಿದ್ದರೆ, ಖುದ್ದು ಆಗರ್ಭ ಶ್ರೀಮಂತ ಓನಾಸಿಸ್ ಹುಡುಗಿಯರಿಗೆ ಶಾಂಪೇನ್ ಕುಡಿಸುತ್ತ, ಸ್ಟ್ರಾಬೆರಿ ಹಣ್ಣು ತಿನ್ನಿಸುತ್ತ ಹರಕೆಗೆ ಕುರಿ ಸಿದ್ಧ ಮಾಡುತ್ತಿದ್ದ.

ಅವರಿಗೇನು ಗೊತ್ತಿತ್ತು ಆಗ ಆಗುತ್ತಿದೆ ದೊಡ್ಡ ಲಫಡಾ ಒಂದು ಅಂತ!

(ಮುಂದುವರಿಯಲಿದೆ) (ಮುಂದಿನ ಭಾಗ -೨ ಇಲ್ಲಿದೆ)

ಜಾಕಿ ಮತ್ತು ಆಕೆಯ ತಂಗಿ ಓನಾಸಿಸ್ ಹಡಗಿನಲ್ಲಿ

ಸಿಟ್ಟಿಗೆದ್ದ (ಮಾಜಿ) ಗಂಡ, ಸತ್ತುಬಿದ್ದ ಮಿಂಡ...ಕೆನಡಿ ಹತ್ಯೆಯ ಬಗ್ಗೆ ಹೊಸ ಮಾಹಿತಿ

ಆತ ಜಗದೇಕ ವೀರ. ಆಕೆ ಅತಿಲೋಕ ಸುಂದರಿ. ಇಬ್ಬರೂ ಕೂಡಿ ಕೇಕೆ ಹೊಡೆಯುತ್ತಿದ್ದರೆ, ಅಮೇರಿಕಾದ ಶ್ವೇತಭವನದ ತುಂಬಾ ಅದೇ ಮಾರ್ದನಿಸುತ್ತಿತ್ತು.

ಅವರಿಬ್ಬರೂ ಆಗಾಗ ಭೆಟ್ಟಿಯಾಗಿ, ಸಾಹಿತ್ಯ, ಕಲೆ ಅದು ಇದು ಎಲ್ಲಾ ಚರ್ಚೆ ಮತ್ತೊಂದು ಮಾಡಿ, ನಂತರ ಒಂದು ಫೈನಲ್ ಅನ್ನುವ ಹಾಗೆ ಕಾಮಕೇಳಿಯ ಒಂದು ಸೆಷನ್ ಕೂಡ ಮಾಡಿ ಮುಗಿಸುತ್ತಿದ್ದುದು ಹಳೆ ಮಾತಾಗಿತ್ತು. ಆದರೆ ಆವತ್ತಿನ ಸೆಷನ್ನಿಗೆ ಬೇರೆಯ ಮಹತ್ವವೇ ಇತ್ತು.

ಆಕೆ ಅವನಿಗಾಗಿಯೇ ಸ್ಪೆಷಲ್ LSD ಎಂಬ ಮಾದಕ ದ್ರವ್ಯ ದೂರದ ಬಾಸ್ಟನ್ ನಗರದಿಂದ, LSD ಪಿತಾಮಹ ಎಂದೇ ಖ್ಯಾತರಾಗಿದ್ದ ಹಾರ್ವಡ್ ಯುನಿವರ್ಸಿಟಿಯ ಡಾ. ಟಿಮೊತಿ ಲೀರಿ ಅವರಿಂದಲೇ ಇಬ್ಬರಿಗೆ ಸಾಕಾಗುವಷ್ಟು ತಂದು ಬಿಟ್ಟಿದ್ದಳು!!!!! ಅದರ ಉಪಯೋಗ ಮಾಡುವದು ಹೇಗೆ, ನಂತರ ಏನು, ಎಲ್ಲ ಸರಿಯಾಗಿ ಕೇಳಿಯೇ ಬಂದಿದ್ದಳು. ಈಗ ಇಬ್ಬರೂ ಮಸ್ತಾಗಿ LSD ಏರಿಸಿ, ಚಿತ್ತಾಗಿ,  ಮೈಗೆ ಮೈ ಹೊಸೆಯುತ್ತಿದ್ದರೆ,  ಈ ಸರಿಯ ಸುಖವೇ ಬೇರೆ ಇತ್ತು. ಎಲ್ಲೋ ಬೇರೆ ಲೋಕಕ್ಕೆ ತೇಲಿ ಹೋದ ಅನುಭವ.

ಹೀಗೆ ಸಾಹೇಬರು ಮತ್ತು ಅವರ ಡವ್ವು ಶ್ವೇತ ಭವನದಲ್ಲಿ ಜಂಗಿ ಚಕ್ಕ ಜಂಗಿ ಚಿಕ್ಕ ಮಾಡುತ್ತಿದ್ದರೆ, ಅಲ್ಲೇ ಪಕ್ಕದಲ್ಲಿ ಅನತಿ ದೂರದಲ್ಲಿ ಇದ್ದ CIA ಹೆಡ್ ಕ್ವಾರ್ಟರ್ ನಲ್ಲಿ ಕೂತಿದ್ದ ಒಬ್ಬ ಆದ್ಮಿ ನಖಶಿಕಾಂತ ಉರಿಯುತ್ತಿದ್ದ. ಯಾಕಂದ್ರೆ ಆಕೆ ಆತನ ಮಾಜಿ ಪತ್ನಿ. ಡೈವೋರ್ಸ್ ಆಗಿತ್ತು. ಆದರೂ ಹಳೆ ಮಾಲು. ಒಂದು ಕಾಲದಲ್ಲಿ ತಾನು ಸಹಸ್ರಾರು ಮಂದಿಯನ್ನು ಸೋಲಿಸಿ ಗೆದ್ದಿದ್ದು. ಆಕೆ ಈಗ ಮಾಜಿ ಪತ್ನಿಯೇ ಆದರೂ ತನ್ನ ಒಂದು ಕಾಲದ ಹಳೆ ಪ್ರತಿಸ್ಪರ್ಧಿ ಆಕೆಯನ್ನು ಈಗ ಪಟಾಯಿಸಿಕೊಂಡು, ಶ್ವೇತಭವನದಲ್ಲಿ ಕೇಕೆ ಹೊಡೆಯುತ್ತ, ಬಗ್ಗಿಸಿ ಬಾರಿಸುತ್ತಿರುವದು ಸಹಿಸುವ ಮಾತಾಗಿರಲಿಲ್ಲ. ಕುದ್ದು ಹೋದ ಮಾಜಿ ಪತಿ. ಸಿಕ್ಕರೆ ಆಕೆಯ ಹೊಸ ಆಶಿಕ್ ಗೆ ಮುಹೂರ್ತ ಇಡುವ ನಿರ್ಧಾರ ಮನಸ್ಸಿನಲ್ಲೇ ಮಾಡಿದ. ಅವನಿಗೇನು ಗೊತ್ತಿತ್ತು ಅಂತಹದೊಂದು ಅವಕಾಶ ಬೇಗನೆ ಸಿಗಲಿದೆ ಅಂತ.

LSD ಮಸ್ತಾಗಿ ಹೊಡೆದು ಜಮ್ಮ ಚಕ್ಕ ಮಾಡುತ್ತಿದ್ದವರು ಆ ಕಾಲದ ಅಧ್ಯಕ್ಷ ಜಾನ್ ಕೆನಡಿ. ಅವರ ಅವತ್ತಿನ ಆ ಟೈಮ್ ನ ಕರ್ಮಪತ್ನಿ ಮೇರಿ ಪಿಂಚೊಟ ಮೇಯರ್ ಎಂಬ ಅತಿಲೋಕ ಸುಂದರಿ. ಆಕೆಯ ಮಾಜಿ ಪತಿ CIA ಬೇಹುಗಾರಿಕೆ ಸಂಸ್ಥೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದು, ಸಾಕಷ್ಟು ಪ್ರಳಯಾಂತಕ ಎಂದು ಹೆಸರು ಗಳಿಸಿದ್ದ ಕಾರ್ಡ್ ಮೆಯೇರ್ ಎಂಬಾತ. ಸ್ವಲ್ಪ ವರ್ಷಗಳ ಹಿಂದೆ ಇರಾನಿನಲ್ಲಿ ಸರಕಾರ ಬದಲಾವಣೆ ಟೈಮ್ನಲ್ಲಿ ಆತ ಮಾಡಿದ್ದ ಕರಾಮತ್ತಿಗೆ ಎಲ್ಲರೂ ತಲೆದೂಗಿದ್ದರು.

JFK ಮತ್ತು ಮೇರಿ ಪಿನ್ಚೋಟ್ 

ಮೇರಿ  ಪಿಂಚೊಟ ಸಿಕ್ಕಾಪಟ್ಟೆ ಪ್ರತಿಭಾಶಾಲಿ. ದೊಡ್ಡ ಶ್ರೀಮಂತ ಮನೆತನದದ ಹುಡುಗಿ. ಆ ಕಾಲದಲ್ಲೇ ಖ್ಯಾತ ವಸ್ಸಾರ್ ಕಾಲೇಜಿನಿಂದ ಬಿಎ ಮಾಡಿಕೊಂಡಿದ್ದಳು. ಸಾಕಷ್ಟು ಕವನ ಬರೆದು ಎಲ್ಲರಿಂದ ವಾಹ್ ವಾಹ್ ಅನ್ನಿಸಿಕೊಂಡಿದ್ದಳು. ಕೆನಡಿ ಅವರ ಪತ್ನಿ ಜಾಕಿ ಕೆನಡಿ ಸಹ ವಸ್ಸಾರ್ ಕಾಲೇಜಿನಲ್ಲೇ ಓದುತ್ತಿದ್ದಳು. ಮೇರಿಗಿಂತ 1-2 ವರ್ಷ ಸೀನಿಯರ್.

ಮೇರಿ ವಸ್ಸಾರ್ ನಲ್ಲಿ ಓದುತ್ತಿದ್ದಾಗಲೇ ವಾರಾಂತ್ಯಗಳಲ್ಲಿ ಎಲ್ಲ ಹುಡುಗಿಯರಂತೆ ಬಾಸ್ಟನ್ ನಗರಕ್ಕೆ ಓಡುತ್ತಿದ್ದಳು. ಅಥವಾ ಹುಡುಗರ ದಂಡಿಗೆ ದಂಡೇ ಬಂದು, ನಮ್ಮ ಕಾರಲ್ಲಿ ಬಾರಮ್ಮ, ಅಂತ ಒಬ್ಬರ ಮೇಲೆ ಒಬ್ಬರು ಪೈಪೋಟಿಯಿಂದ ಡೇಟಿಂಗ್ ಗೆ ಕರೆಯುತ್ತಿದ್ದರು. ಸುಂದರಿಯ ನಸೀಬ್ ಮಸ್ತ ಇತ್ತು. ಬಾಸ್ಟನ್ ನಗರ ಅಂದ್ರೆ ಸುಮಾರು 65-70 ಯುನಿವರ್ಸಿಟಿ, ಕಾಲೇಜುಗಳಿಂದ ತುಂಬಿದ ಸ್ಥಳ. ಜಗತ್ತಿನಲ್ಲಿಯೇ ಸೆಕಂಡ್ ಬಿಗ್ಗೆಸ್ಟ್ ಸ್ಟೂಡೆಂಟ್ ಪಾಪ್ಯುಲೇಶನ್ ಇರೋದು ಅಂದ್ರೆ ಬಾಸ್ಟನ್ ನಗರದ ಸುತ್ತ ಮುತ್ತ. ಮೊದಲನೇ ಸ್ಥಾನ ಜಪಾನಿನ ಟೋಕಿಯೋ ಅಂತೆ. ಅಲ್ಲೆಷ್ಟು ಕಾಲೇಜುಗಳಿವೆಯೋ?!

ಕೆನಡಿ ಸಾಹೇಬರೂ ಅಲ್ಲೇ ಹಾರ್ವರ್ಡ್ ನಲ್ಲಿ ಓದುತ್ತಿದ್ದರಲ್ಲ. ಅಲ್ಲೇ ಆವಾಗಲೇ ಕಾಳು ಹಾಕಿದ್ದರು ಅಂತ ಅನ್ನಿಸುತ್ತದೆ. ಆಗಲೇ ಪರಿಚಯವಂತೂ ಇತ್ತು. ಆದ್ರೆ ಇಂದೊಬ್ಬಾಕೆ, ನಾಳೆ ಇನ್ನೊಬ್ಬಾಕೆ, ಹಾಲಿವುಡ್ ಮಾಲು ಬೆಟರ್ ಅಂತ ಅನ್ನುತ್ತಿದ್ದ ಸ್ವಲ್ಪ ರಫ್ ಅಂಡ್ ಟಫ್ ಕೆನಡಿಗಳ  ಪಾಲಿಗೆ ಮೇರಿ ಸ್ವಲ್ಪ ಡೆಲಿಕೇಟ ಕಂಡಿರಬೇಕು. ಅದಕ್ಕೇ ವರ್ಕ್ ಔಟ್ ಆಗಿರಲಿಲ್ಲ ಅಂತ ಅನ್ನಿಸುತ್ತದೆ.

ಇನ್ನು ಕಾರ್ಡ್ ಮೇಯರ್. ಮಹಾನ್ ಪ್ರತಿಭಾವಂತ. ಯೇಲ್, ಹಾರ್ವರ್ಡ್ ಗಳಲ್ಲಿ ಓದಿದ್ದ. ಎಲ್ಲರೂ ಹೋದಂತೆ ಎರಡನೇ ಮಹಾ ಯುದ್ಧದಲ್ಲಿ ಹೋರಾಡಿ, ಸತ್ತು ಸತ್ತು ಬದುಕಿ ಬಂದಿದ್ದ. ಒಂದು ಕಣ್ಣು ಹೋಗಿತ್ತು. ಗಾಜಿನ ಕಣ್ಣು ಹಾಕಿಕೊಂಡಿದ್ದ. ಆದರೂ ಭಾಳ ಸ್ಮಾರ್ಟ್ ಇದ್ದ. ಆ ಪರಿ ಯುದ್ಧ ಮಾಡಿ ಸಾವನ್ನು ಗೆದ್ದು ಬಂದವನಿಗೆ ಮೇರಿ ಬಿದ್ದಿದ್ದಳು. ಪ್ಯಾರ್ ಗೆ ಆಗಿ ಬಿಟ್ಟೈತೆ ಆಗಿ, ಮನೆಯವರೂ ಒಪ್ಪಿ, ಶಾದಿ ಮಾಡಿ ಆಗಿತ್ತು. ಮಸ್ತ ಖುಷಿಯಿಂದಲೇ ಇದ್ದರು ಕಪಲ್ಸ್. ಮೊದಲಿನ ಸ್ವಲ್ಪ ದಿವಸ.

ಮುಂದೆ ಕಾರ್ಡ್ ಮೇಯರ್ CIA ಸೇರಿದ. ಫ್ರಾಂಕ್ ವೈಸ್ನರ ಎಂಬ ಹಿರಿ ತಲೆಯೊಬ್ಬ ಇವನನ್ನು ತನ್ನ ಶಿಷ್ಯನನ್ನಾಗಿ ತೆಗೆದುಕೊಂಡು ಮಸ್ತ ಮೇಲೆ ತಂದು ಬಿಟ್ಟ. ಖತರ್ನಾಕ ಕೆಲಸಗಳನ್ನು ನೀಟಾಗಿ ಮಾಡಿ, ಬಂಡವಾಳಶಾಹಿಗಳಿಗೆ ದೇಶಗಳಿಗೆ ದೇಶಗಳನ್ನೇ ಬೋಳಿಸಿ ಕಾಸು ಮಾಡಿ ಕೊಟ್ಟ ಸಿಐಎ ಮಂದಿಗಳಲ್ಲಿ ಇವನೂ ಫೇಮಸ್ ಆಗಿ, ಕೆಲಸ ಆಗ ಬೇಕು ಅಂದ್ರೆ ಕಾರ್ಡ್ ಮೇಯರ್ ಗೆ ಹೇಳಬೇಕು, ಅನ್ನುವಷ್ಟು ಪ್ರಖ್ಯಾತಿ ಬಂತು.

ಮನೆ ಕಡೆ ಪರಿಸ್ಥಿತಿ ಹಳ್ಳ ಹಿಡಿಯುತ್ತಿತ್ತು. ರಹಸ್ಯ ಕಾರ್ಯಾಚರಣೆಗಳು, ಅದಕ್ಕೇ ಇರುವ ಪಾರ್ಟಿಗಳು, ಅಲ್ಲಿ ಚಿತ್ರ ವಿಚಿತ್ರ ಜನರೊಂದಿಗೆ ಬೆರೆಯುವದು, ವಿಪರೀತ ಕುಡಿತ ಎಲ್ಲ ಶುರುವಾಗತೊಡಗಿತು. ಪತ್ನಿ ಮೇರಿಯ ತಲೆ ಕೆಡತೊಡಗಿತು. ಚಿಕ್ಕ ಮಗನೊಬ್ಬ ಕಾರಿಗೆ ಸಿಕ್ಕು ಸತ್ತು ಹೋದ. ಪಾಪ! ಮತ್ತೆ 1960 ಟೈಮ್. ಎಲ್ಲ ಕಡೆ ಫೆಮಿನಿಸಂ. ಸ್ತ್ರೀಯರಿಗೆ ಫುಲ್ ಲಿಬರಲಿಸಂ ಬೇಕು. ತಿಂದು, ಕುಡಿದು, ಸೇದಿ, ಮಲಗಿ ಎಂಜಾಯ್ ಮಾಡಿ ಅಂತ ಉಪದೇಶ ಎಲ್ಲ ಮಹಿಳೆಯರಿಗೆ. ಮೇರಿಯ ತಲೆ ಕೆಟ್ಟು ನಪರ ಏಳಲು ಇನ್ನೇನು ಬೇಕು?

ಕಾರ್ಡ್ ಮೇಯರ್ ಗೆ ಡೈವೋರ್ಸ್ ಕೊಟ್ಟೇ ಬಿಟ್ಟಳು. ಇವನೂ ಬಿಟ್ಟೇ ಬಿಟ್ಟ. ದೊಡ್ಡ ಖತರ್ನಾಕ್ ಅಧಿಕಾರಿಯಾಗಿದ್ದ ಅವನಿಗೆ ದಿನದ ಮಟ್ಟಿಗೆ ಗುಂಡು, ತುಂಡಿನ ಚಿಂತೆ ಇರಲಿಲ್ಲ. ಶ್ರೀಮಂತರು ಸಪ್ಲೈ ಮಾಡುತ್ತಿದ್ದರು.

ಹೀಗೆ ಕಾರ್ಡ್ ಮೇಯರ್ ನನ್ನು ಬಿಟ್ಟ ಮೇರಿಗೆ ವಯಸ್ಸಾದರೂ ಎಷ್ಟು ಮಹಾ? 33-34 ವರ್ಷ. ಅಲ್ಲೇ ವಾಷಿಂಗಟನ್  ಸಮೀಪ ಒಂದು ಚಿಕ್ಕ ಮನೆ ತೆಗೆದುಕೊಂಡು ಮೇರಿ ತಾನು, ತನ್ನ ಚಿತ್ರಕಲೆ, ಸಾಹಿತ್ಯ, ದೊಡ್ಡ ಜನರ ಪಾರ್ಟಿಗಳು, ದೊಡ್ಡ ದೊಡ್ಡ ಚಿಂತಕರ ಸಂಗಡ ಚಿಂತನೆ ಮಾಡುತ್ತ ಒಂದು ಲೆವೆಲ್ ನಲ್ಲಿ ಆರಾಮ್ ಇದ್ದಳು.

ಅಂತಹದೇ ಯಾವದೋ ಪಾರ್ಟಿಯಲ್ಲಿಯೇ ಕೆನಡಿ ಸಾಹೇಬರು ಸಿಕ್ಕಿದ್ದರು. ಮತ್ತೆ ಗಾಳ ಹಾಕಿ ಕಾಳು ಹಾಕಿದರು. ಈ ಸಲ ಬಿತ್ತು ಮೀನು. ಸುಂದರ ಮೀನು. ಅಫೇರ್ ಶುರು ಆಗಿಯೇ ಹೋಯಿತು.

ಕೆನಡಿ ಅವರ ಬಿಸ್ತರ್ ಗರಂ ಮಾಡಿ ಹೋದ ಮಹಿಳೆಯರ ಲೆಕ್ಕವಿಲ್ಲ. ಮರ್ಲಿನ್ ಮುನ್ರೋ ಎಂಬ ಮಹಾನ್ ನಟಿಯಿಂದ ಹಿಡಿದು ಸಾಮ್ ಜಿಯಾಂಕಾನ ಎಂಬಾ ಖತರ್ನಾಕ್ ಮಾಫಿಯಾ ದೊರೆಯ ಸಖಿ ಜೂಡೀ ಏಕ್ಸಿನರ್ ಕೂಡ ಕೆನಡಿಯವರ ಮೋಹಕ್ಕೆ ಒಳಗಾಗಿ, ಎಲ್ಲ ಸೇವೆ ಮಾಡಿ, ಧನ್ಯಾತಾ ಭಾವ ಫೀಲ್ ಮಾಡಿಕೊಳ್ಳುತ್ತ ಹೋಗಿದ್ದರು. ಅದು ಕೆನಡಿ ಕೆಪಾಸಿಟಿ. ಬನ್ನಿ ಇವರೇ, ಅನ್ನುತ್ತಲೇ ಮಂಚ ಹತ್ತಿಸುವ ಕಲೆ ಅವರಿಂದ ನೋಡಿ ಕಲಿಯಬೇಕು.

ಆದ್ರೆ ಕೆನಡಿ ಮತ್ತು ಮೇರಿ ಪಿಂಚೊಟ ಮಧ್ಯೆ ಇದ್ದ ಅಫೇರ್ ಗೆ ಒಂದು ಸ್ಟೇಟಸ್ ಇತ್ತು. ಕೇವಲ ತೀಟೆ ಹೆಚ್ಚಿದಾಗೊಮ್ಮೆ ಮಂಚದಲ್ಲಿ ಗುದುಮುರುಗಿ ಹಾಕಿ ಹುಸ್ ಹುಸ್ ಅನ್ನೋದಲ್ಲ ಅದು. ಸಿಕ್ಕಾಪಟ್ಟೆ ಓದಿಕೊಂಡಿದ್ದರು ಇಬ್ಬರೂ. ಇಬ್ಬರೂ ಏನೇನೋ ಬರೆದಿದ್ದರು. ಸಾಹಿತ್ಯ, ಚಿತ್ರಕಲೆ, ಸಂಗೀತದಲ್ಲಿ ಆಸಕ್ತಿ ಅಪಾರ. ಕೆನಡಿ ಅವರನ್ನು ಒಂದು ತರಹದಲ್ಲಿ ಅರ್ಥ ಮಾಡಿಕೊಂಡ ಗೆಳತಿ ಇದ್ದರೆ ಅದು ಮೇರಿ ಪಿನ್ಚೋಟ್ ಅನ್ನುವ ಹಾಗಿತ್ತು. ಒಂದು ತರಹದ ವಾರ್ಮ್ತ್ ಇತ್ತು.

ಹೀಗೇ ನಡೆದಿದ್ದರೆ ಚೆನ್ನಾಗಿತ್ತು. ಆದ್ರೆ ಗ್ರಹಚಾರ.

ಕೆನಡಿ ಏನೇ ಇರಲಿ ಒಂದು ರೀತಿಯಿಂದ ಶಾಂತಿ ಪ್ರಿಯ. ವಿಶ್ವಶಾಂತಿ, ಎಲ್ಲರಿಗೆ ಸರಿಯಾದ ಸ್ಥಾನ ಮಾನ, ಅಸಮಾನತೆ ದೂರ ಮಾಡುವದು, ಆ ಪರಿ ದುಡ್ಡು ಸೈನ್ಯದ ಮೇಲೆ ಹಾಕಿ, ಯಾವ್ಯಾವದೋ ದೇಶದ ಮೇಲೆ ಸುಮ್ಮ ಸುಮ್ಮನೆ ಯುದ್ಧ ಮಾಡಿ, ವಿನಾಕಾರಣ ಜನರನ್ನು ಕೊಂದು ಪಾಪ ಕಟ್ಟಿಕೊಳ್ಳುವದು  ಅವರಿಗೆ ಬೇಕಿರಲಿಲ್ಲ. ಈ ನೀತಿಯೇ ಅವರಿಗೆ ಮುಳುವಾಯಿತಾ? ಹೌದೆನ್ನುತ್ತಾರೆ ಕೆನಡಿ ಬಗ್ಗೆ ಗೊತ್ತು ಇರುವವರು.

ಕ್ಯೂಬಾದಲ್ಲಿ ಬಂದು ಕೂತಿದ್ದ ಕ್ಯಾಸ್ಟ್ರೋ ಎಂಬ ಕಮ್ಯುನಿಸ್ಟನನ್ನು ಓಡಿಸುವದು ಹೂವು ಎತ್ತಿಟ್ಟಂತೆ ಅಮೆರಿಕಾದ ಸೈನ್ಯಕ್ಕೆ. ಅಷ್ಟು ಸುಲಭ. ಅವನನ್ನ ಓಡಿಸಿ, ನಮ್ಮ ಹಡಬೆ ದಂಧೆ ನಡೆಸಲು ಮೊದಲಿನಂತೆ ಅವಕಾಶ ಮಾಡಿ ಕೊಡಿ ಅಂದ್ರೆ, ಬ್ಯಾಡ್ರೋ, ಅಲ್ಲಿ ರಶಿಯಾದ ಕ್ರುಸ್ಚೇವ್ ಮೂರನೇ ಮಹಾ ಯುದ್ಧ ಶುರು ಮಾಡುತ್ತಾನೆ, ಅಂತ ಸುಮ್ಮನಾಗಿಸಿದರು ಕೆನಡಿ. ಹಡಬೆ ದಂಧೆ ಜನ, ಮುಖ್ಯವಾಗಿ ಮಾಫಿಯಾ ಜನ, ಕೊತ ಕೊತ ಕುದ್ದರು.

ರೀ, ಪ್ರೆಸಿಡೆಂಟ್ ಸಾಹೇಬ್ರೆ, ವಿಯೆಟ್ನಾಂ ಮೇಲೆ ಯುದ್ಧ ಶುರು ಮಾಡ್ರಿ. ಅದಕ್ಕೆ ಬೇಕಾದ ಅಸ್ತ್ರ ಶಸ್ತ್ರ ಒದಗಿಸಿ, ಒಂದಕ್ಕೆ ಎರಡು ರೇಟ್ ಹಾಕಿ, ಜನ ಸಾಮಾನ್ಯರ ಮುಂಡಾಯಿಸಿ, ಕಾಸು ಮಾಡಿಕೊಳ್ಳೋಣ, ಅಂದ್ರೆ ಅದಕ್ಕೂ ಬೇಡ ಅಂದ್ರು. ದೊಡ್ಡ ದೊಡ್ಡ ಕಂಪನಿಯ ಮಾಲೀಕರು ಕುದ್ದು ಹೋದರು.

ರೀ, ಸ್ವಾಮೀ, ನಮ್ಮ ಮಾಫಿಯಾ ರೊಕ್ಕಾ, ಸಹಾಯ ತೊಗೊಂಡ ಆರಿಸಿ ಬಂದೀರಿ. ಈಗ ನಿಮ್ಮ ತಮ್ಮ ಬಾಬಿ ಕೆನಡಿನ ಅಟಾರ್ನೀ ಜನರಲ್ ಮಾಡೀರಿ. ಅವಾ ಹುಸ್ಸೂಳೆಮಗ ನಮ್ಮ ಬುಡದಾಗ ಬಗಣಿ ಗೂಟ ಬಡಿದು, ನಮ್ಮ ಬಾಸ್ ಕಾರ್ಲೋಸ್ ಮಾರ್ಸೆಲ್ಲೋ ಅವರನ್ನ ದೇಶಾ ಬಿಟ್ಟು ಗಡಿಪಾರ್ ಮಾಡಿ ಬಿಟ್ಟಾನ್. ಇದು ಸರಿ ಅಲ್ಲ ನೋಡ್ರೀ. ಹಿಂಗಾ ಆದ್ರಾ ಮುಂದ ಏನಾರಾ ಆತ ಅಂದ್ರಾ ನೋಡ್ಕೊರೀ ಮತ್ತ, ಅಂತ ಮಾಫಿಯಾ ಮಂದಿ ಗುಟುರು ಹಾಕಿದರೆ, ಹುಳ್ಳನೆ ಮಳ್ಳ ನಗೆ ನಕ್ಕು, ಮಾಫಿಯಾ ಡಾನ್ ಒಬ್ಬಾತನ ಡವ್ವನ್ನೇ ಪಟಾಯಿಸಿ, ಆಕೆಗೆ ಹೊಟ್ಟೆ ಮುಂದೆ ಬರಿಸಿ, ಅದರಪ್ಪ ನೀನಾಗಪ್ಪ ಸ್ಯಾಮ್, ಅಂತ ಅನ್ನೋ ಛಾತಿ ಅವರಲ್ಲಿತ್ತು. ಸ್ಯಾಮ್ ಜಿಯಾಂಕಾನ ಉರಿದು ಹೋಗಿದ್ದ. ಬಗರ್ ಹುಕುಂ ಜಮೀನಿನಲ್ಲಿ ಮನೆ ಕಟ್ಟೋಕೆ ಬಿಟ್ಟರೆ, ಮನೆ ಕಟ್ಟಿ ಇನ್ನೊಬ್ಬರ ಹತ್ರ ಗೃಹಪ್ರವೇಶ ಮಾಡಿ, ಅಂದ್ರೆ ಹೇಗೆ ಆಗುತ್ತೆ ನೋಡಿ ಆ ಫೀಲಿಂಗ್ ಬಂದಿರಬೇಕು ಚಿಕ್ಯಾಗೋದ ಆ ಮಾಫಿಯಾ ದೊರೆಗೆ.

ಇನ್ನು ಕ್ಯೂಬಾದ ಹಂದಿ ಕೊಲ್ಲಿ ಕಾರ್ಯಾಚರಣೆ ಹೊಲಗೇರಿ ಎಬ್ಬಿಸಿದ ಅಂತ ಸಿಟ್ಟಿಗೆದ್ದು ಆ ಕಾಲದ ಸಿಐಎ ಮುಖ್ಯಸ್ಥ ಅಲೆನ್ ಡಲ್ಲೆಸ್ ಮತ್ತು ಅವನ ಖಾಸಮ್ ಖಾಸ್ ದೊಡ್ಡ ತಲೆಗಳನ್ನು ಮುಲಾಜಿಲ್ಲದೆ ಮನೆಗೆ ಕಳಿಸಿ ಬಿಟ್ಟಿದ್ದರು. ಸಿಐಎ ಒಳಗೆ ದೊಡ್ಡ ಪ್ರಮಾಣದ ಅಸಮಾಧಾನ, ಸಿಟ್ಟು, ದ್ವೇಷ ಶುರುವಾಗಿತ್ತು. ಜನರಾರಿಸಿದ ಪ್ರೆಸಿಡೆಂಟ್ ಗಳನ್ನು ಗೊಂಬೆಯಂತೆ ಆಡಿಸಿದ್ದು ಸಿಐಎ ಮತ್ತು ಸೈನ್ಯ. ಈಗ ಇವರು ಬಂದು ಎಲ್ಲ ಸ್ಕ್ರೂ ಟೈಟ್ ಮಾಡುತ್ತಿದ್ದಾರೆ. ಉರಿದಿತ್ತು ಅಲ್ಲಿಯ ಮಂದಿಗೆ.

ಹೀಗೆ ಎಲ್ಲ ತರಹದ ಪಾವರಫುಲ್ ಜನರನ್ನು ಎದುರು ಹಾಕಿಕೊಂಡ ಕೆನಡಿ ಹತ್ಯೆಗೆ ಮುಹೂರ್ತ ಇಡಲು ಇದೇ ಜನಗಳು ಶುರು ಮಾಡಿದ್ದರಲ್ಲಿ ಏನು ವಿಶೇಷವಿದೆ?

ಮಾಫಿಯಾ ಕಾಸು ಕೊಡುತ್ತೇನೆ ಅಂದಿತು. ದೊಡ್ಡ ದೊಡ್ಡ ಬಂಡವಾಳಶಾಹಿಗಳು ಏನೇನೋ ಲೆಕ್ಕಾಚಾರ ಮಾಡಿ, ಈ ಯಪ್ಪಾ ಹೋದರೇ ಒಳ್ಳೇದು, ಅಂತ ಏನೇನೋ ಡೀಲ್ ಮಾಡಿ, ಓಕೆ ಕೊಟ್ಟರು. ಮುಂದೆ ಬರಬಹುದಾದ ಆಡಳಿತ ವ್ಯವಸ್ಥೆ, ಕೆನಡಿ ಹೋಗಿ ನಾವು ಬಂದ್ರೆ, ವಿಯೆಟ್ನಾಂ ಮೇಲೆ ಯುದ್ಧ ಫುಲ್ ಶುರು, ಬೇಕಾದಷ್ಟು ಕಾಸ್ ಮಾಡ್ಕೊಳ್ಳಿ ಅಂದು ಬಿಟ್ಟಿತು. ಎಲ್ಲಾ ವರ್ಕ್ ಔಟ್ ಆಯಿತು. ಕಾನೂನು, ಪೋಲಿಸ್, ತನಿಕೆ ಎಲ್ಲ ಒಂದು ಲೆವೆಲ್ ನಲ್ಲಿ ಒಳಗೆ ಹಾಕಿಕೊಂಡ ಷಡ್ಯಂತ್ರದ ಗುಂಪು ಡೀಟೇಲ್ ಪ್ಲಾನಿಂಗ್ ಶುರು ಮಾಡಿಯೇ ಬಿಟ್ಟಿತು. ಕೆನಡಿ ಹತ್ಯೆಗೆ ಕ್ಷಣಗಣನೆ ಶುರು ಆಗಿಯೇ ಬಿಟ್ಟಿತು.

ಕೆನಡಿ ಹತ್ಯೆಯ ಬಗ್ಗೆ ಸ್ವಲ್ಪ ಗೊತ್ತಿದ್ದವರಿಗೂ ಸಹ ಗೊತ್ತಿರುವ ಸಂಗತಿ ಅಂದ್ರೆ ಓಸ್ವಾಲ್ಡ್ ಅನ್ನುವ ಆದ್ಮಿಯನ್ನು ಹಂತಕ ಅಂತ ತೋರಿಸಿದ್ದು ಬರಿ ಓಳು ಅಂತ. ಯಾವದೋ ಒಂದು ತಗಡು ಬಂದೂಕು ಇಟ್ಟುಗೊಂಡು, ಅಷ್ಟು ಸಣ್ಣ ಸಮಯದಲ್ಲಿ 3-4 ಗುಂಡು ಅಷ್ಟು ಕರಾರುವಕ್ಕಾಗಿ ಹಾರಿಸಿ ಕೆನಡಿ ಬುರುಡೆ ಬಿಚ್ಚಲು ಸಾಧ್ಯವೇ ಇರಲಿಲ್ಲ ಎಂಬುದು ತುಂಬ ಹಿಂದೆಯೇ ಜನಜನಿತವಾದ ಸಂಗತಿ.

ಹಾಗಾದರೆ ಅಷ್ಟು ಕರಾರುವಕ್ಕಾಗಿ ಗುರಿಯಿಟ್ಟು ಚಲಿಸುತ್ತಿರುವ ವಾಹನದಲ್ಲಿರುವ ಮನುಷ್ಯನ ಬುರುಡೆ ಬಿಚ್ಚಲು ಸಿಕ್ಕಾಪಟ್ಟೆ ಸ್ಕಿಲ್ ಇರುವ ಗುರಿಕಾರ ಬೇಕು. ಎಲ್ಲಿಂದ ತರುವದು? ಯಾರು ತಂದು ಕೊಟ್ಟಾರು?

ಕಿತಾಪತಿಗಳು ಬೇಕು ಅಂದ್ರೆ ಪೋಲೀಸರ ಹತ್ತಿರವೇ ಹೋಗಬೇಕು. ಅವರಿಗೇ ಗೊತ್ತು ಇದೆಲ್ಲ. ಫ್ರೆಂಚ್ ಮಾಫಿಯಾದ ಸೇವೆಯಲ್ಲಿ ಅಂತಹ ನುರಿತ ಗುರಿಕಾರರು ಇದ್ದರು. ಕಾಸು ಕೊಟ್ಟರೆ ಏನೂ ಕೇಳದೆ ಕೆಲಸ ಮಾಡಿ ಕೊಟ್ಟು ಹೋಗುವ ಜನ. ಸಿಐಎ ಮಂದಿ ಕಾಂಗೋದ ನಾಯಕ ಲುಮುಂಬಾ ಎನ್ನುವನಿಗೆ ಸ್ವರ್ಗದ ದಾರಿ ತೋರಿಸಿತ್ತು ನೋಡಿ, ಅದಕ್ಕೆ ಕೆಲೊ ಜನ ಇದೇ ಭಾಡಿಗೆ ಗುರಿಕಾರರನ್ನು ಕಳಿಸಿತ್ತು. ಈಗ ಕೆನಡಿ ಸಾಹೇಬರ ಅವಸಾನಕ್ಕೂ ಅವರನ್ನೇ ಕರೆಯಿಸಿದರೆ ಹೇಗೆ? ಎಂಬ ಯೋಚನೆ ಬಂತು ಪ್ಲಾನಿಂಗ ಮಾಡುತ್ತಾ ಕುಳಿತಿದ್ದವರಿಗೆ.

ಅಂತಹ ಫ್ರೆಂಚ್ ಹಂತಕರು ಗೊತ್ತಿದ್ದದ್ದು ಯಾರಿಗೆ?

ಆವಾಗ ನೆನಪು ಆದವನೇ - ಕಾರ್ಡ್ ಮೇಯರ್. ತನ್ನ ಮಾಜಿ ಹೆಂಡತಿಯನ್ನು ಪಟಾಯಿಸಿದ್ದಾನೆ ಅಂತ ಕೆನಡಿ ಮೇಲೆ ಮೊದಲೇ ಕುದಿಯುತ್ತಿದ್ದ. ಮಸ್ತ ಅವಕಾಶ ಸಿಕ್ಕಿ ಬಿಟ್ಟಿತು. ಕಾರ್ಡ್ ಮೇಯರ್ ಪದ್ಮಾಸನ ಹಾಕಿ ಕಾರ್ಯಾಚರಣೆಗೆ ಕುಳಿತು ಬಿಟ್ಟ. ಅವನಿಗೆ ಅದನ್ನು ವಹಿಸಿದ ದೊಡ್ಡ ಮಂದಿ ಬೇರೆ ಬೇರೆ ವಿಷಯಗಳ ಬಗ್ಗೆ ಪ್ಲಾನಿಂಗ ಮುಂದು ವರಿಸಿದರು.

ಹೀಗೆ ಕ್ರುದ್ಧ ಮಾಜಿ ಪತಿಯೊಬ್ಬ ತನ್ನ ಮಾಜಿ ಪತ್ನಿಯ ಪ್ರಿಯಕರನಿಗೆ ಸ್ಕೀಮ್ ಹಾಕಿ ಬಿಟ್ಟನಾ?

ಹೌದು ಅನ್ನುತ್ತದೆ ಈಗ ತಾನೇ ಬಂದಿರುವ ಒಂದು ಹೊಸ ಪುಸ್ತಕ.  ಪುಸ್ತಕದ ಹೆಸರು - Bond of Secrecy: My Life with CIA Spy and Watergate Conspirator E. Howard Hunt.

ಹೊವರ್ಡ್ ಹಂಟ್ ಎಂಬ ಮಾಜಿ ಸಿಐಎ ಅಧಿಕಾರಿ ಸಾಯುವ ಮೊದಲು ತನ್ನ ಮಗನಿಗೆ ಹೇಳಿದ ಮಾತುಗಳ ಮೇಲೆ ಬರೆದಿರುವ ಪುಸ್ತಕ. ಬರೆದಿರುವನು ಅವನ ಮಗ ಸೇಂಟ್ ಜಾನ್ ಹಂಟ್.

ಹೊವರ್ಡ್ ಹಂಟ್ - ಜಾನ್ ಕೆನಡಿ ಹತ್ಯೆ, ಅವರ ತಮ್ಮ ರಾಬರ್ಟ್ ಕೆನಡಿ ಹತ್ಯೆ, ಪ್ರೆಸಿಡೆಂಟ್ ರಿಚರ್ಡ್ ನಿಕ್ಸನ್ ಅವರ ಪದವಿ ಕಳೆದ ವಾಟರ್ ಗೇಟ್ ಹಗರಣಗಳಲ್ಲಿ ಎದ್ದು ಕಾಣುವ ಸಿಐಎ ಅಧಿಕಾರಿ. ಕೆಲವು ಕಡೆ ಅವನೇ ಮುಖ್ಯ ರೂವಾರಿ ಅನ್ನುವ ಹಾಗೆ ಬಿಂಬಿತವಾಗಿದೆ. ಇದ್ದರೂ ಇರಬಹುದು.

ಒಟ್ಟಿನಲ್ಲಿ 1963 ನವೆಂಬರ್ 22 ರಂದು ಕೆನಡಿ ಹತರಾದರು. ಓಸ್ವಾಲ್ಡ್ ಕೊಂದ ಅಂತ ತಿಪ್ಪೆ ಸಾರಿಸಲಾಯಿತು. ಅವನನ್ನೇ ಇನ್ನೊಬ್ಬವ ಜ್ಯಾಕ್ ರೂಬಿ ಅನ್ನುವವ ಕೊಂದು ಬಿಟ್ಟ. ಒಟ್ಟಿನಲ್ಲಿ ಜನರ ಕಿವಿಯಲ್ಲಿ ಹೂವು ಇಟ್ಟ ದೊಡ್ಡ ಮಂದಿ, ಪೆಕಪಕನೆ ನಕ್ಕು, ಬಕ್ರಾ ಮಂದಿ, ಮಂಗ್ಯಾ ಮಾಡೋದು ಎಷ್ಟು ಸುಲಭ ಸಿವಾ, ಅಂತ ತಮ್ಮ ರೊಕ್ಕಾ ಮಾಡುವ ಕಾರಭಾರ್ ಮುಂದುವರಿಸಿದರು.

ಮುಂದಿನ ವರ್ಷ 1964 ರಲ್ಲಿ ಕೆನಡಿ ಪ್ರೇಯಸಿ ಮೇರಿಯನ್ನು ಒಬ್ಬ ಕರಿಯ ಕೊಂದುಬಿಟ್ಟ. ಮಟ ಮಟ ಮಧ್ಯಾನ್ಹ ವಾಕಿಂಗ್ ಹೋಗುತ್ತಿದ್ದಳು. ಒಬ್ಬ ಬಂದವನೇ ನಾಕಾರು ಗುಂಡು ಹಾಕಿ ಹೋಗಿ ಬಿಟ್ಟ. ಸ್ಥಳದಲ್ಲೇ ಸುಂದರಿ ಆಂಟಿ ಖಲಾಸ್.

ಈ ಕಡೆ ಯಾರೋ ಒಬ್ಬ ಬಡಪಾಯಿ ಕೇಸಿನಲ್ಲಿ ಫಿಟ್ ಆಗುತ್ತಿದ್ದರೆ ಸಿಐಎ ಕೌಂಟರ್ ಎಸ್ಪಿಯೋನೆಜ್ ಉನ್ನತ ಅಧಿಕಾರಿ, ಮಹಾ ವಿಕ್ಷಿಪ್ತ, ಜಿಮ್ ಅಂಗಲಟನ್ ಅನ್ನುವವ ಮೇರಿಯ ಮನೆಯ ಬೀಗ ಮುರಿದು ಆಕೆಯ ರಹಸ್ಯ ಡೈರಿಯೊಂದನ್ನು ಹುಡುಕುತ್ತಿದ್ದ. ಅಷ್ಟರಲ್ಲಿ ಮೇರಿಯ ತಂಗಿ ಗಂಡ "ವಾಷಿಂಗಟನ್ ಪೋಸ್ಟ್" ಸಂಪಾದಕ ಬೆನ್ ಬ್ರಾಡ್ಲೀ ಕೂಡ ಅಲ್ಲಿ ಬಂದು ಬಿಟ್ಟ. ಇಬ್ಬರೂ ಮಳ್ಳ ನಗೆ ನಕ್ಕರು. ಇಬ್ಬರಿಗೂ ಗೊತ್ತಿತ್ತು ಮೇರಿ ಹತ್ಯೆಯ ಹಿಂದಿನ ಸಂಚು. ಇದನ್ನು ಬಯಲು ಮಾಡಿದವ ಮತ್ತೊಬ್ಬ ಸಿಐಎ ಅಧಿಕಾರಿ ವಿಸ್ತಾರ್ ಜಾನಿ ಅನ್ನುವನ ಮಗ ಪೀಟರ್ ಜಾನಿ. ಅವನೂ ಒಂದು ಪುಸ್ತಕ ಬರೆದಿದ್ದಾನೆ. ಲಿಂಕ್ ಕೆಳಗಿದೆ. ಓದಿ ನೋಡಿ.

ಅಬ್ಬಾ!!! ಕೆನಡಿ ಸಹೋದರರ ಹತ್ಯೆಗಳು, ಅವನ್ನು ಮುಚ್ಚಲು ಮಾಡಿದ ಅಸಂಖ್ಯಾತ ಹತ್ಯೆಗಳು ಲೆಕ್ಕವಿಲ್ಲದಷ್ಟು.

ಮುಂದೆ ವಿಚಿತ್ರ ನೋಡಿ. ಕಾರ್ಡ್ ಮೇಯರ್ ಅನ್ನುವ ಮೇರಿ ಪಿಂಚೊಟಳ ಮಾಜಿ ಗಂಡ ಸಾಯುವ ಮೊದಲು, ಮೇರಿಯನ್ನು ಕೊಂದವರು ಯಾರು?, ಅಂತ ಕೇಳಿದರೆ, ಅವರೇ ಸಿಐಎ ಮಂದಿ, ಕೆನಡಿಯನ್ನು ಕೊಂದವರು. ಅವರೇ ಮೇರಿಯನ್ನು ಕೊಂದರು, ಅಂದುಬಿಟ್ಟ.

ದೇವರೇ!!!! ಯಾವ ಯಾವ ಯಾವ ಹುತ್ತದಲ್ಲಿ ಯಾವ ಯಾವ ಹಾವುಗಳಿವಿಯೋ?????

ಇದ್ರಲ್ಲಿ ಎಷ್ಟು ನಿಜ? ಎಷ್ಟು ನಿಜದಿಂದ ಸ್ವಲ್ಪ ದೂರ, ತುಂಬಾ ದೂರ? ಯಾರಿಗೆ ಗೊತ್ತು.

ಮುಂದಿನ ವರ್ಷ ಕೆನಡಿ ಹತ್ಯೆಯಾಗಿ ಬರೋಬ್ಬರಿ 50 ವರ್ಷ. ನೀರು ಮತ್ತಷ್ಟು ಬಗ್ಗಡವಾಗುತ್ತಿದೆಯೇ ವಿನಹ ಪೂರ್ಣ ಸತ್ಯ ಹೊರ ಬರುತ್ತಿಲ್ಲ.


ಹೆಚ್ಚಿನ ಮಾಹಿತಿಗೆ:

- JFK ಹತ್ಯೆ

- ಮೇರಿ ಪಿನ್ಚೋಟ್ ಮೇಯರ್  

- Mary's Mosaic: The CIA Conspiracy to Murder John F. Kennedy, Mary Pinchot Meyer, and Their Vision for World Peace

- A Very Private Woman: The Life and Unsolved Murder of Presidential Mistress Mary Meyer

- LSD ಎಂಬ ಮಾದಕ ದ್ರವ್ಯ 

ಅಮ್ಮಾವರು ಆನೆ ಹತ್ತುತ್ತಿದ್ದರೆ, ಸಾಹೇಬರು ಮದ್ದಾನೆ ಮಣಿಸುತ್ತಿದ್ದರು

ಈ ಕಡೆ ಅಮೇರಿಕಾದಲ್ಲಿ ಸಾಹೇಬರು ಬಿಜಿ ಇದ್ದರು. ಅವರಿಗೆ ಆಗ ರಾತ್ರಿ ಒಂದೋ ಎರಡೋ ಘಂಟೆ.

ಅವರ ಖಾಸಗಿ ಸಹಾಯಕ ಬಂದು ರೂಮಿನ ಬಾಗಿಲನ್ನು ಮೆತ್ತಗೆ ಬಡಿದನು.

ಏನು? ಡಿಸ್ಟರ್ಬ್ ಮಾಡಬಾರದು ಅಂತ ಗೊತ್ತಿಲ್ವಾ? - ಅಂತ ಸಾಹೇಬರು ರೇಗಿದರು.

ಸಾರ್.....ಅಮ್ಮಾವ್ರ ಕಾಲ್....ಇಂಡಿಯಾದಿಂದ......ಮಾತಾಡಲೇಬೇಕಂತೆ. ಟ್ರಾನ್ಸಫರ್ ಮಾಡಲಾ ಸಾರ್? - ಅಂತ ಕೇಳಿದ ಸಹಾಯಕ.

ಈ ಕಡೆ ಸಾಹೇಬರಿಗೆ ಶಿವಪೂಜೆಯಲ್ಲಿ ಕರಡಿ ಬಿಟ್ಟಂಗೆ ಆಗಿತ್ತು ಆ ಫೋನ್ ಕರೆಯಿಂದ. ಅವರು ಅವರದೇ ಆದ ಕಾರ್ಯಕ್ರಮದಲ್ಲಿ ಬಿಜಿ ಇದ್ದರು.

ಈಕೆಯದೊಂದು......ರಗಳೆ....ಇಂಡಿಯಾಕ್ಕೆ ಹೋದರೂ  ತರ್ಲೆ ಮಾಡೋದ ಬಿಡೋಲ್ಲ.... ಹೊತ್ತಲ್ಲದ ಹೊತ್ತಲ್ಲಿ ಫೋನ್ ಮಾಡಿ ತಲೆ ತಿಂತಾಳೆ.....ಪ್ರಾರಬ್ಧ.......- ಅಂತ ಸಾಹೇಬರು ಗೊಣಗುತ್ತಲೇ ಫೋನ್ ಕರೆ ತಮ್ಮ ರೂಮಿಗೆ ಟ್ರಾನ್ಸಫರ್ ಮಾಡಲು ಹೇಳಿದರು.

ಫೋನಿನಲ್ಲಿ ಅಮ್ಮಾವ್ರ ಕೀರಲು ದನಿ ಕೇಳಿ ಬಂತು.

ರೀ.....ನಾನ್ರೀ......ಇಂಡಿಯಾದಿಂದ ಮಾತಾಡ್ತಾ ಇದೀನೀ......ಕೇಳ್ತಾ ಇದೆಯಾ? ಇಲ್ಲಿ ಜೈಪುರಗೆ ಬಂದ್ವಿ ಇವತ್ತು. ಈಗ ಆನೆ ಸವಾರಿಗೆ ಬಂದಿದೀವಿ. ಆನೆ ಹತ್ತೋಕೆ ರೆಡಿ ಆಗ್ತಾ ಇದೀನಿ. ನೀವೂ ಇದ್ದಿದ್ದರೆ ಕೂಡಿ ಆನೆ ಹತ್ತೋಕೆ ಮಜಾ ಬರ್ತಿತ್ತು. ಏನ್ಮಾಡೋದು? ನೀವೋ....ಪಾಲಿಟಿಕ್ಸ್ ಅದು ಇದು ಅಂತಾ ಯಾವಾಗಲೂ ಬಿಜಿ.....- ಅಂತ ಅಮೇರಿಕಾದಿಂದ ಹೋದ ಒಬ್ಬ ದೊಡ್ಡ ಅಮ್ಮಾವರು ಗಂಡನಿಗೆ ಫೋನ್ ಮಾಡಿ ತಾವು ಆನೆ ಸವಾರಿ ಮಾಡಲಿರುವದರ ಬಗ್ಗೆ ಹೇಳುತ್ತಿದ್ದರು.

ಹಲೋ.....ಏನೇ? ಹೇಗಿದಿಯಾ ಚಿನ್ನಾ? ಆನೆ ಹತ್ತುತ್ತಾ ಇದ್ದೀಯ? ಎಂಜಾಯ್ ಮಾಡು....ನನಗೆ ಸಿಕ್ಕಾಪಟ್ಟೆ ನಿದ್ದೆ....ತುಂಬಾ ಬಿಜಿ......ಆನೆ ಹೇಗಿದೆ? ಕರಿಯಾನೇನೋ.....ಅಥವಾ......- ಅಂತ ಎಳೆದೆಳೆದು ಜೋಕ್ ಮಾಡಿದರು.

ನಿಮ್ಮ ತಲೆ....ಆನೆ ಕರಿ ಅಲ್ಲದೆ ಮತ್ತೇನು ಬಿಳಿ ಇರೋತ್ತಾ? ಬಿಳಿಯಾನೆ ಅಂದ್ರೆ ನಿಮ್ಮ ಸರಕಾರ ನೋಡಿ.....ಈ ಹೊತ್ತಲ್ಲೂ ಜೋಕಾ....ಸರಿ ಮತ್ತೆ.....ಇಡ್ಲಾ? ಆನೆ ಬಗ್ಗಿ ಕೂತು ಬಿಟ್ಟಿದೆ....ಅದಕ್ಕೆ ಜಾಸ್ತಿ ಹೊತ್ತು ಹಾಗೆ ಬಗ್ಗಿ ಕೂತರೆ ಮತ್ತೆ ಏಳಕಾಗಲ್ಲ.....ಹೀ....ಹೀ....ಸರಿ ನಾನು ಆನೆ ಹತ್ತೋಕೆ ಹೊಂಟೆ.....ಬೈ....ಬೈ....ಗುಡ್ ನೈಟ್....ಸ್ವೀಟ್ ಡ್ರೀಮ್ಸ್....ಇಡ್ತೀನಿ....- ಅಂತ ಹೇಳುತ್ತಾ ಆ ಕಡೆಯಿಂದ ಅಮ್ಮಾವರು ಫೋನ್ ಇಟ್ಟರು.

ಈ ಕಡೆ ಸಾಹೇಬರು ತೊಲಗಿತಾ ಪೀಡೆ ಅನ್ನುತ್ತ ಹಾಸಿಗೆಯಲ್ಲಿ ಮಗ್ಗುಲು ಬದಲಿಸಿದರೆ ಮುದ್ದಾದ ಮದವೇರಿದ ಬಿಳಿಯಾನೆಯೊಂದು ಕಿಲಕಿಲ ಅಂತ ನಗುತ್ತಿತ್ತು.

ಅಮ್ಮಾವ್ರ ಫೋನ್ ಬಂದಾಗ ಸಾಹೇಬರು ಈ ಕಡೆ ಅವರದೇ ಆದ ರೀತಿಯಲ್ಲಿ ಆನೆ ಸವಾರಿ ನಡೆಸಿದ್ದರು. ಫೋನ್ ಎತ್ತಲು ಆನೆ ಬಿಟ್ಟು ಇಳಿದಿದ್ದರು.

ಇವಳಮ್ಮನ್.....ನಾನು ಇಲ್ಲಿ ನನ್ನ ಬಿಳಿ ಬಿಳಿ ಮುದ್ದಾದ ಮದವೇರಿದ ಮದ್ದಾನೆ ಮಣಿಸುತ್ತಿದ್ದಾಗ, ಅಲ್ಲ್ಯಾವದೋ ಕರಿಯಾನೆ ಹತ್ತಲು ಹೊರಟವಳು ಫೋನ್ ಮಾಡಿ ತಲೆ ತಿಂದಳು..ಸಾರಿ ಡಾರ್ಲಿಂಗ.....- ಅಂತ ತಮ್ಮ ಆನೆ ಸವಾರಿ ಮುಂದುವರಿಸಿದರು.

ಇವರೇನೂ ಯಾರೋ ಆರ್ಡಿನರಿ ಅಮ್ಮಾವರು, ಸಾಹೇಬರು, ಕರಿಯಾನೆ, ಬಿಳಿಯಾನೆ ಅಲ್ಲ. ಇವರೆಲ್ಲ ಯಾರು ಗೊತ್ತಾ?

ಜೈಪುರ್ ಕ್ಕೆ ಹೋಗಿ, ಜೈಪುರ್ ಮಹಾರಾಜರ ಖಾಸಗಿ ಮೆಹಮಾನ್ ಆಗಿ ಅವರ ಅರಮನೆಯಲ್ಲಿ ಉಳಿದು, ಆನೆ ಸವಾರಿ ಮಾಡೋಕೆ ರೆಡಿ ಆಗಿ, ಉತ್ಸಾಹ ತಾಳಲಾಗದೆ ಗಂಡನಿಗೆ, ಸಾಹೇಬರಿಗೆ, ಫೋನ್ ಮಾಡಿದಾಕೆ ಆ ಕಾಲದ ಅಮೇರಿಕಾದ ಪ್ರಥಮ ಮಹಿಳೆ (ಫಸ್ಟ ಲೇಡಿ), ಅಧ್ಯಕ್ಷರ ಪತ್ನಿ, ಜಾಕೀ ಕೆನಡಿ.

ಈ ಕಡೆ ಮನಸಿಲ್ಲದ ಮನಸ್ಸಿನಿಂದ ಫೋನೆತ್ತಿ, ಕಾಟಾಚಾರಕ್ಕೆ ಮಾತಾಡಿ ಮುಗಿಸಿದವರು, ಅಮೇರಿಕಾದ ಪ್ರೆಸಿಡೆಂಟ್ ಜಾನ್ ಎಫ್. ಕೆನಡಿ.

ಜೈಪುರದ ಕರಿಯಾನೆ ಗೊತ್ತು....ಮಹಾರಾಜರ ಹಲವಾರು ಆನೆಗಳ ಪೈಕಿ ಒಂದಿರಬೇಕು. VIP ಅಮೇರಿಕನ್ ಮೇಡಂ ಸಲುವಾಗಿ ಒಳ್ಳೆ ಆನೆಯನ್ನೇ ರೆಡಿ ಮಾಡಿದ್ದಿರಬೇಕು.

ಹಾಗಾದರೆ....ಇಲ್ಲಿ ಕೆನಡಿ ಸಾಹೇಬರು ಮಣಿಸುತ್ತಿದ್ದ, ಕಿಲ ಕಿಲ ನಗುತ್ತಿದ್ದ, ಮುದ್ದಾದ, ಮದವೇರಿದ, ಬಿಳಿ ಬಿಳಿ ಮದ್ದಾನೆ ಯಾವದು?

ಅದಾ?

ಅದೇ....ಹಾಲಿವುಡ್ದೆಂಬ   ಹಾಲಿವುಡ್ಡಿಗೇ....ಅಷ್ಟೇ ಯಾಕೆ....ಇಡೀ ವಿಶ್ವಕ್ಕೇ ಮತ್ತು ಬರಿಸುವಷ್ಟು ಮಾದಕವಾಗಿದ್ದ ಆ ಕಾಲದ ಆಟಂಬಾಂಬ್ ನಟಿ....ಮರ್ಲೀನ್ ಮುನ್ರೋ!!!!!!!!!!!!

ಅತ್ತ ಕಡೆ ಜಾಕಿ ಕೆನಡಿ ಅಮ್ಮಾವರು ಕರಿಯಾನೆ ಹತ್ತುತ್ತಿದ್ದರೆ, ಈ ಕಡೆ ಕೆನಡಿ ಸಾಹೇಬರು ಮದವೇರಿದ ಮದ್ದಾನೆಯಂತಿದ್ದ ಮರ್ಲೀನ್ ಮನ್ರೋ ಎಂಬಾ ಬಿಳಿ ಮದ್ದಾನೆಯನ್ನು ತಮ್ಮದೇ ಶೈಲಿಯಲ್ಲಿ ಮೊದಲನೇ ಬಾರಿಗೆ ಪಳಗಿಸುತ್ತಿದ್ದರು. ಈ ಮದ್ದಾನೆಗೂ ಅಷ್ಟೇ.....ಇಂತಾ ಮಾವುತ...ಅದೂ ಜಗತ್ತಿಗೇ ಅಂತ್ಯಂತ ಬಲಶಾಲಿ ನಾಯಕನೊಬ್ಬನಿಂದ ಪಳಗಿಸಿಕೊಳ್ಳುವ ಪುಣ್ಯ....ಎಷ್ಟು ಜನ ಪ್ರಮೀಳೆಯರಿಗೆ ಇದ್ದೀತು?

ರಾತ್ರಿಯಿಡೀ ಗಜಶಾಸ್ತ್ರದ ಅಧ್ಯಯನ, ಅಧ್ಯಾಪನ ನಡಿಯಿತು. ಥೇರಿ, ಪ್ರಾಕ್ಟಿಕಲ್ ಎಲ್ಲ ಮುಗಿಯಿತು. ಸವಾರಿ ನಂತರ ಸುಸ್ತೋ ಸುಸ್ತು.

ಮರ್ಲೀನ್ ಮನ್ರೋಳ ಜೀವನದ ಎರಡು ಪ್ರಮುಖ ಘಟನೆಗಳಲ್ಲಿ ಇಂಡಿಯಾ ಬರುತ್ತದೆ. 

ಆಕೆ ಹುಟ್ಟಿದಾಗ ಆಕೆಯ ಅಜ್ಜಿ (ತಾಯಿಯ ತಾಯಿ) ಇಂಡಿಯಾದಲ್ಲಿದ್ದರು. ಅವರು ಕ್ರೈಸ್ತ್ ಮಿಷಿನರಿಯೋ ಏನೋ ಆಗಿದ್ದರು ಅಂತ ಕಾಣುತ್ತದೆ.

ಮತ್ತೊಮ್ಮೆ....ಕೆನಡಿ ಸಾಹೇಬರೊಂದಿಗೆ ಪ್ರಥಮ ಬಾರಿಗೆ ಸರಸವಾಡುವಾಗ ಸಾಹೇಬರ ಧರ್ಮಪತ್ನಿ ಇಂಡಿಯಾದಲ್ಲಿದ್ದರು. ಆ ಕೆಲವು ಘಂಟೆಗಳ ಕರ್ಮಪತ್ನಿಯಾಗಿ ಮರ್ಲೀನ್ ಮನ್ರೋ ಕೆನಡಿ ಸಾಹೇಬರ ಕರ್ಮ ಸ್ವಲ ಹಗುರ ಮಾಡುತ್ತಿದ್ದಳು.

ಅಧ್ಯಕ್ಷ ಕೆನಡಿಯವರ ಬಾಳಿನಲ್ಲಿ ಯಾರ್ಯಾರೋ ಪ್ರಮೀಳೆಯರು ಬಂದು ಹೋಗಿ ಬಿಟ್ಟಿದ್ದಾರೆ. ಕೆನಡಿ ಕುಟುಂಬಕ್ಕೆ ಮತ್ತು ಹಾಲಿವುಡ್ ನಟ ನಟಿಯರಿಗೆ ಜನ್ಮಾಂತರದ ಸಂಬಂಧ. ಕೆನಡಿ ತಂದೆ ಜೋ ಕೆನಡಿಯವರು ಹಾಲಿವುಡ್ ನಿರ್ಮಾಪಕರೂ ಆಗಿದ್ದರು. ಆ ಕಾಲದ ಹಿರೋಯಿಣಿ ಗ್ಲೋರಿಯಾ ಸ್ವಾನಸನ್ ಹಿರಿಯ ಕೆನಡಿಯವರ ಉಪಪತ್ನಿ ಆಗಿಬಿಟ್ಟಿದ್ದರು. ಪೀಟರ್ ಲಾಫರ್ಡ್ ಎಂಬ ನಟ ಜಾನ್ ಎಫ್. ಕೆನಡಿಯವರ ಸಹೋದರಿಯನ್ನು ಮದುವೆ ಆಗಿದ್ದ. ಮತ್ತೆ ಹಾಲಿವುಡ್ಡಿನ ಹಲವಾರು ನಟಿಯರು ಬಂದು ಬಂದು ಕೆನಡಿ ಕುಟುಂಬದ ಮಂದಿಯ  ಬಿಸ್ತರ್ ಬಿಸಿ ಮಾಡಿ ಹೋಗುತ್ತಿದ್ದರು. ಅದೆಲ್ಲ ಒಂದು ರುಟೀನ್ ಆಗಿತ್ತು. ದೊಡ್ಡ ಮಾತಲ್ಲ.

ಆದರೆ ಈ ಮರ್ಲೀನ್ ಮನ್ರೋ ಜೊತೆ ಬೇರೆಯೇ ಆಯಿತು. ಆಕೆಯ ಆಸೆ ಆಕಾಂಕ್ಷೆಗಳು ತುಂಬಾ ಎತ್ತರದ್ದು. ಹಾಲಿವುಡ್ ಅಂತೂ ಒಂದಿಷ್ಟು ವರ್ಷ ಆಳಿಬಿಟ್ಟಿದ್ದಳು. ಮೂರು ಮದುವೆ ಆಗಿ ಮೂರು ಜನ ಗಂಡಂದಿರಿಗೆ ನಾಮ ಹಾಕಿದ್ದಳು. ಮೊದಲೆನೆಯವ ಯಾರೋ ಆರ್ಡಿನರಿ ಮನುಷ್ಯ. ಎರಡನೆಯವ ಒಬ್ಬ ದೊಡ್ಡ ಸಾಹಿತಿ. ಮೂರನೆಯವ ಫೇಮಸ್ ಬೇಸ್ಬಾಲ್ ಆಟಗಾರ ಜೋ ಡಿಮಾಜಿಯೋ. ಇವರಲ್ಲದೆ ಸಾಕಷ್ಟು ಮಂದಿ ಜೊತೆ ಟೆಂಪೊರರಿ ಬಿಸ್ತರ್ ವ್ಯವಹಾರ ನಡದೇ ಇರುತಿತ್ತು. ಹೀಗೆ ಸಿಕ್ಕವರಲ್ಲಿ ಕೆನಡಿಯೂ ಒಬ್ಬರು.

ಆದ್ರೆ ಕೆನಡಿ ಆರ್ಡಿನರಿ ಅಲ್ಲ ನೋಡಿ. ಅಮೇರಿಕಾದ ಅಧ್ಯಕ್ಷರು. ಪರಮ ಬಲಿಷ್ಠ ವ್ಯಕ್ತಿ. ಮರ್ಲೀನಳನ್ನು ಪಟಾಯಿಸುವಾಗ, ಮದ್ದಾನೆಯನ್ನು ಮಣಿಸುವಾಗ, ಏನೇನು ರೀಲ್ ಬಿಟ್ಟಿದ್ದರೋ ಸಾಹೇಬರು.....ಯಾರಿಗೆ ಗೊತ್ತು? ಮರ್ಲೀನ್ ತುಂಬಾ ಸೀರಿಯಸ್ ಆಗಿ ತೆಗೆದುಕೊಂಡು ಬಿಟ್ಟಳು. ಕೆನಡಿ ತಮ್ಮ ಪತ್ನಿಗೆ ವಿಚ್ಛೇದನ ಕೊಟ್ಟರೆ ತಾನು ಅವರನ್ನು ಮದುವೆಯಾಗಿ ಫಸ್ಟ್ ಲೇಡಿ ಆಗುವ ಕನಸು ಕಂಡಳು. ಅಲ್ಲಿಂದ ನೋಡಿ ಆಕೆಯ ಅವನತಿ ಶುರು ಆಯಿತು.

ಆಕೆಯ ಕನಸು ಕೇಳಿದ ಕೆನಡಿ ಬೆಚ್ಚಿ ಬಿದ್ದರು. ಅವರಿಗೆ ಹಾಗೆಲ್ಲ ಓಪನ್ ಆಗಿ ಡೈವೋರ್ಸ್ ಅದು ಇದು ಮಾಡಿಕೊಂಡು ಹೆಸರು ಹಾಳು ಮಾಡಿಕೊಂಡು ಗತಿಗೆಟ್ಟು ಹೋಗುವದು ಬೇಕಾಗಿರಲಿಲ್ಲ. ಎರಡನೇ ಅವಧಿಗೆ ಮತ್ತೆ ಪ್ರೆಸಿಡೆಂಟ್ ಆಗಬೇಕಿತ್ತು ಅವರಿಗೆ. ಮನೆಯ ಹಿರಿಯರಾದ ತಂದೆ ಜೋ ಕೆನಡಿ ಹೇಳಿಯೇ ಬಿಟ್ಟಿದ್ದರು. ಲೈಫ್ ಎಂಜಾಯ್ ಮಾಡಿ. ಆದ್ರೆ ಇಮೇಜ್ ಮಾತ್ರ ಫ್ಯಾಮಿಲಿ ಮ್ಯಾನ್ ತರಹ ಇರಬೇಕು ನೋಡಿ. ಅದೇ ಹುಚ್ಚ ಜನ ಕೇಳುವದು. ಜ್ಯಾಕ್, ನೀನು ಬೇಗ ಮಕ್ಕಳು ಮಾಡಿಕೋ - ಅಂತ ಅವರ ಉಪದೇಶ ಮಕ್ಕಳಿಗೆ. ಹಾಲು ಎಲ್ಲಿ ಬೇಕಾದರೂ ಕುಡೀರಿ ಆದ್ರೆ ಒಂದೇ ಹಸು ಕಟ್ಟಿ ಅದು ಜೋ ಕೆನಡಿ ತತ್ವ.

ಮರ್ಲೀನ್ ಮನ್ರೋ ಬೇರೆ ಪದೇ ಪದೇ ಶ್ವೇತಭವನಕ್ಕೆ ಫೋನ್ ಮಾಡತೊಡಗಿದಳು. ಕೆನಡಿ ಅವರಿಗೆ ತಲೆನೋವಾಯಿತು. ತಮ್ಮನಾದ ರಾಬರ್ಟ್ ಕೆನಡಿ ಅವರನ್ನು ಕರೆದರು. ರಾಬರ್ಟ್ (ಬಾಬಿ) ಅಮೇರಿಕಾದ ಅಟಾರ್ನಿ ಜನರಲ್ ಆಗಿದ್ದರು.

ಯೋ....ಬಾಬಿ....ಈ ಮರ್ಲೀನ್ ತಲೆ ತಿಂತಾಳಯ್ಯ....ಅವಳ ಹತ್ತಿರ ಮಾತಾಡಿ ಅವಳಿಗೆ ಸ್ವಲ್ಪ ತಿಳಿಸಿ ಹೇಳಿ, ಮುಂದೆ ಹೋಗೋಕೆ ಹೇಳಯ್ಯ ಅವಳಿಗೆ. ನಂದು ಆಕೆಯದ್ದು ಎಲ್ಲಾ ಮುಗಿದಿದೆ. ಏನೂ ಬಾಕಿ ಇಲ್ಲ....ಓಕೆ? - ಅಂತ ತಮ್ಮ ಪ್ರಾಬ್ಲೆಮ್ ತಮ್ಮನಿಗೆ ವಹಿಸಿ ಕೈತೊಳಕೊಂಡು ಬಿಟ್ಟರು. ಆ ಕಡೆ ಹಾಲಿವುಡ್ಡಿನ ಹೊಸ ಛಮ್ಮಕಛಲ್ಲೋ ಆಂಜೀ ಡಿಕೆನ್ಸನ್ ಎಂಬಾಕೆ ಕೆನಡಿ ಸಾಹೇಬರ ಮನವನ್ನು, ತನುವನ್ನು ಮತ್ತೊಂದನ್ನು ಆವರಿಸಿಕೊಂಡು, ಕೆನಡಿ ಸಾಹೇಬರು - ಪ್ಯಾರ್ ಗೆ ಆಗಿ ಬಿಟ್ಟೈತೆ - ಅಂತ ಆಕೆಗೆ ಭೊಂಗು ಬಿಟ್ಟು ಬಗ್ಗಿಸಿ ಬಾರಿಸುತ್ತಿದ್ದರು.

ಬಾಬಿ ಕೆನಡಿ ಅವರು ತಮ್ಮ ಭಾವನಾದ  ಪೀಟರ್ ಲಾಫರ್ಡ್ ಮೂಲಕ ಮರ್ಲೀನ್ ಮನ್ರೋ ಸಂಪರ್ಕ ಮಾಡಿದರು. ಅವಳೇನು ಕಡಿಮೆ ಖತರ್ನಾಕ್ ಹೆಣ್ಣೇ? ನಿಮ್ಮ ಅಣ್ಣನನ್ನು ತಿಂದು ಮುಗಿಸಿದ್ದೇನೆ.....ನಿನ್ನನ್ನು ಬಿಡುತ್ತೇನಾ? -  ಅಂತ ರಾಜಿ ಮಾಡಲು ಹೋಗಿದ್ದ ಬಾಬಿ ಕೆನಡಿ ಸಾಹೇಬರನ್ನೂ ಮಂಚ ಹತ್ತಿಸಿ ಸ್ವರ್ಗ ತೋರಿಸಿಯೇ ಬಿಟ್ಟಳು.

ಪಾಪ........ಬಾಬಿ ಕೆನಡಿ ಸಾಹೇಬರು.....ಮನುಷ್ಯರಲ್ಲವೇ? ಲಂಚ ಪಂಚ ಕೊಡದೇ ಮಂಚ, ಅದೂ ಮರ್ಲೀನಳದು, ಸಿಕ್ಕಾಗ ಅವರ್ಯಾಕೆ ಬಿಟ್ಟಾರು? ಅವರೂ ಸುಮಾರು ಗಜಶಾಸ್ತ್ರ ಕಲಿತು, ಕಲಿಸಿ ಸಾಕಷ್ಟು ಆನೆ ಸವಾರಿ ಮಾಡಿಯೇ ಬಿಟ್ಟರು.

ಪ್ರೆಸಿಡೆಂಟ್ ಕೆನಡಿ ಬಿಟ್ಟ ಮರ್ಲೀನ್ ಈಗ ಅವರ ತಮ್ಮ ಬಾಬಿ ಕೆನಡಿ ಹಿಡಿದುಕೊಂಡು ಕಾಡತೊಡಗಿದಳು. ಜಾನ್ ಕೆನಡಿಯ ನಂತರ ಬಾಬಿ ಕೆನಡಿ ಪ್ರೆಸಿಡೆಂಟ್ ಆಗೇ ಆಗುತ್ತಾರೆ. ಆಗಾದರೂ ಫಸ್ಟ್ ಲೇಡಿ ಆಗೋಣ ಅಂತ ಬಾಬಿಗೆ ಮದ್ವೆ ಆಗಿ ಅಂತ ಗಂಟು ಬಿದ್ದಳು. ಅವರಿಗೆ ದೊಡ್ಡ ತಲೆನೋವು ಈಗ. ಅವರಿಗೆ ಆಗಲೇ ಮದುವೆ ಆಗಿ 9-10 ಮಕ್ಕಳಿದ್ದವು. ಕಟ್ಟರ್ ಕ್ಯಾಥೊಲಿಕ್ ಆದ ಕೆನಡಿಗಳು ದೇವರು ಕೊಟ್ಟ ಮಕ್ಕಳು ಅಂತ ಮಕ್ಕಳನ್ನು ಮಾಡಿಕೊಂಡೇ ಹೋಗುತ್ತಿದ್ದರು.

ಬಾಬಿ ಅವರೂ ಕೈತೊಳೆದುಕೊಳ್ಳಲು ಶುರು ಮಾಡಿದರು. ಈಗ ಮಾತ್ರ ಮರ್ಲೀನ್ ಸಿಕ್ಕಾಪಟ್ಟೆ ಸಿಟ್ಟಿಗೆದ್ದಳು.

ಏನ್ರಯ್ಯಾ...ಅಣ್ಣಾ, ತಮ್ಮಾ.....ಏನಂತ ತಿಳಕೊಂಡಿದೀರಾ ನನ್ನ? ನಾನು ಏನು ಬಿಟ್ಟಿ ಬಿದ್ದಿದ್ದೀನಾ? ಆಗಾಗ ಭೆಟ್ಟಿಯಾಗಿ ಪ್ರೀತಿ ಗೀತಿ ಮಾಡ್ಕೊಂಡು, ಮದ್ವೆ ಗಿದ್ವೆ ಬಗ್ಗೆ ಮಾತಾಡಿದ್ರೆ ಸರಿ. ಇಲ್ಲಾಂದ್ರೆ ಎಲ್ಲ ಸೀಕ್ರೆಟ್ ಹೊರಗೆ ಹಾಕಿ ಬಿಡ್ತೀನಿ ನೋಡಿ ಮತ್ತೆ.....- ಅಂತ ಮರ್ಲೀನ್ ವಾರ್ನಿಂಗ್ ಕೊಡಲು ಶುರು ಮಾಡಿದಾಗ ಮಾತ್ರ ಕೆನಡಿಗಳು ಮತ್ತು ಅವರ ಆಪ್ತ ಬಳಗ ಥಂಡಾ ಹೊಡೆದಿದ್ದು ನಿಜ.

ಕೆನಡಿಗಳು ಹಾಸಿಗೆಯ ಜೊತೆ ಆ ಮಳ್ಳಿಯೊಂದಿಗೆ  ಏನೇನು ರಹಸ್ಯಗಳನ್ನ ಹಂಚಿಕೊಂಡಿದ್ದರೋ ದೇವರಿಗೆ ಗೊತ್ತು. ತಾವು ಎಷ್ಟು ಪಾವರ್ಫುಲ್ ಅಂತ ತೋರಿಸಿಕೊಳ್ಳಲು ತುಂಬಾ ಸೂಕ್ಷ್ಮ ವಿಷಯ, ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ವಿಷಯ ಎಲ್ಲ ಹೇಳಿಕೊಂಡಿದ್ದರು ಅಂತ ಈಗ ಜನ ಊಹಿಸುತ್ತಾರೆ. ಅದನ್ನೆಲ್ಲ ಬಿಚ್ಚಿ ಇಡುತ್ತೇನೆ ಅಂತ ಮರ್ಲೀನ್ ಧಮಕಿ ಹಾಕತೊಡಗಿದಾದಾಗ ಪರಿಸ್ಥಿತಿ ಕೈಮೀರಿ ಹೋಗುವ ಅನುಭವ ಕೆನಡಿಗಳಿಗೆ ಮತ್ತೆ ಅವರ ಬಳಗಕ್ಕೆ.

ಮುಂದೆ ಒಂದು ದಿವಸ ಮರ್ಲೀನ್ ಸತ್ತು ಬಿದ್ದಿದ್ದಳು. ಆಕೆ ನಿದ್ದೆಗುಳಿಗೆ ಮತ್ತೆ ಬೇರೆ ಬೇರೆ ತರಹದ ಮಾನಸಿಕ ಔಷಧಿ ಗುಳಿಗೆ ತೆಗೆದುಕೊಳ್ಳುತ್ತಿದ್ದಳು. ಕೆನಡಿಗಳ ಸಹವಾಸಗಳಿಂದ ತಲೆಕೆಟ್ಟು, ತಿಳಿದೋ ತಿಳಿಯದೆಯೋ ಓವರ್ ಡೋಜ್ ತೆಗೆದುಕೊಂಡು ಮರಳಿ ಎದ್ದು ಬಾರದ ನಿದ್ದೆ ಹೋಗಿ ಬಿಟ್ಟಳು. ಇದು ಸರಕಾರಿ ವರದಿ. ತಿಪ್ಪೆ ಸಾರಿಸಿದ್ದು.

ಆದ್ರೆ ಸಿಕ್ಕಾಪಟ್ಟೆ ಸುದ್ದಿಗಳು ಹೊರಬರತೊರಗಿದವು. 

ನಿಜವಾಗಿಯೂ ಮರ್ಲೀನ್ ನಿದ್ದೆಗುಳಿಗೆ ಓವರ್ ಡೋಜ್ ನಿಂದ ಸತ್ತಳಾ? ಅಥವಾ ಅವಳಿಗೆ ಬಲಾತ್ಕಾರದಿಂದ ಓವರ್ ಡೋಜ್ ಕೊಡಲಾಯಿತಾ? ಯಾರ್ಯಾರು ಅಂತಹ ಷಡ್ಯಂತ್ರದ ಹಿಂದೆ ಇದ್ದರು? ಮರ್ಲೀನಳನ್ನು ಮುಗಿಸುವ ಜರೂರತ್ತು ಏನಿತ್ತು? 

ಮೊದಲನೇ ಥೇರಿ ಅಂದರೆ ಇದು. ಬಾಬಿ ಕೆನಡಿ ಒಂದು ಫೈನಲ್ ವಾರ್ನಿಂಗ್ ಕೊಡಲು ಹೋಗಿದ್ದರು. 

ಮರ್ಲೀನ್, ಬಾಯಿ ಮುಚ್ಚಿದರೆ ಒಳ್ಳೇದು. ಇಲ್ಲ ಅಂದ್ರೆ ನಾವು ಎಷ್ಟು ಖತರ್ನಾಕ್ ಮತ್ತು ಪಾವರ್ಫುಲ್ ಅಂತ ನಿನಗೇ ಗೊತ್ತು. ಎಷ್ಟೋ ಜನರನ್ನು ಗೊತ್ತಿಲ್ಲದಂತೆ ಗಾಯಬ್ ಮಾಡಿಸಿಬಿಟ್ಟಿದ್ದೇವೆ.ನಿನ್ನನ್ನೂ ಹಾಗೆ ಮಾಡುವದು ನಮಗೆ ದೊಡ್ಡ ಮಾತಲ್ಲ. ಮಾಡುತ್ತೇವೆ. ಅಷ್ಟೇ ಅಲ್ಲ. ಮಾಡಿ ದಕ್ಕಿಸಿಯೂಕೊಳ್ಳುತ್ತೇವೆ. ಜೀವದ ಮೇಲೆ ಪ್ರೀತಿ ಇದ್ದರೆ ಪ್ರೆಸಿಡೆಂಟ್ ಅವರನ್ನು ಮತ್ತು ನನ್ನನ್ನು ಕಾಡುವದನ್ನು ಬಿಡು. ಮತ್ತೆಂದಿಗೂ ರಹಸ್ಯ ಅದು ಇದು ಮಾಧ್ಯಮಗಳಿಗೆ ಹೇಳಿ ಬಿಡುತ್ತೇನೆ ಅಂತ ಬೆದರಿಕೆ ಗಿದರಿಕೆ ಹಾಕಬೇಡ. ತಿಳಿಯಿತಾ? - ಅಂತ ಒಂದು ದೊಡ್ಡ ಧಮಿಕಿ ಕೊಟ್ಟರು ಬಾಬಿ ಕೆನಡಿ.

ಬೇರೆ ಯಾರೋ ಆಗಿದ್ದರೆ, ಅಮೇರಿಕಾದ ಅಟಾರ್ನಿ ಜನರಲ್ ವಾರ್ನಿಂಗ್ ಕೊಟ್ಟ. ಬೇಡಪ್ಪ ಇವರ ಸಹವಾಸ ಅಂತ ಬಾಯಿ ಮತ್ತೊಂದು ಮುಚ್ಚಿಕೊಂಡು ಇರುತ್ತಿದ್ದರು. ಅಥವಾ ಹೆದರಿ ದೇಶ ಬಿಟ್ಟೇ ನಾಪತ್ತೆ ಆಗಿಬಿಡುತ್ತಿದ್ದರು.

ಆದರೆ ಮರ್ಲೀನ್ ಒಂದು ತರಹದ ಮೊಂಡಿ. ಹುಂಬಿ. ಮತ್ತೆ ಒಂದು ತರಹದ ಗಾಯಗೊಂಡ ಪ್ರಾಣಿ ತರಹ. ತಲೆ ಬೇರೆ ಸರಿ ಇರಲಿಲ್ಲ. ಒಂದು ತರಹದ ಹುಚ್ಚು, ಖಿನ್ನತೆ ಮುಂತಾದವು ಅವಳ ಜೀನ್ಸ್ ಒಳಗೇ ಇತ್ತು ಅನ್ನಿಸುತ್ತದೆ. ಅವಳ ತಾಯಿಯೂ ಕೊನೆಯ ವರ್ಷಗಳನ್ನು ಹುಚ್ಚಾಸ್ಪತ್ರೆಯಲ್ಲಿ ಕಳೆದಿದ್ದಳು. ಮರ್ಲೀನ್ ವಿಪರೀತ ನಿದ್ದೆ ಮಾತ್ರೆ, ಮತ್ತೊಂದು ತೆಗೆದುಕೊಳ್ಳುತ್ತಿದ್ದಳು.

ತಿರುಗಿ ಬಿದ್ದಳು ನೋಡಿ. ಬಾಬಿ ಕೆನಡಿಯಂತಹ ಪ್ರಳಯಾಂತಕನೇ ಬೆಚ್ಚಿ ಬಿದ್ದ ಆಕೆ ಹಾಕಿದ ಆವಾಜಿಗೆ.

ಅಲ್ಲೇ ನಾಕು ಹೊಡೆತ ಹಾಕಿದರಂತೆ ಬಾಬಿ ಕೆನಡಿ ಮತ್ತೆ ಅವರ ಸಹಾಯಕರು. ಪ್ರಜ್ಞೆ ತಪ್ಪಿ ಬಿದ್ದಳಂತೆ. ಇವಳನ್ನು ಇನ್ನು ಬಿಟ್ಟರೆ ಕಷ್ಟ ಅಂತ ಮೊದಲೇ ತಯಾರ್ ಮಾಡಿಕೊಂಡು ಹೋಗಿದ್ದ ನಿದ್ದೆಗುಳಿಗೆ ಮಿಕ್ಸ್ ಮಾಡಿದ್ದ ಲೀಟರ್ ಗಟ್ಟಲೆ ದ್ರಾವಣ ಆಕೆಗೆ ಗುದದ್ವಾರದ ಮೂಲಕ ಚುಚ್ಚಿ ಓವರ್ ಡೋಜ್ ಮಾಡಿ ಆಕೆಯ ಖೇಲ್ ಖತಂ ಮಾಡಿದರಂತೆ. ಯಾಕೆಂದರೆ ಅವಳು  ಯಾವಪರಿ ನಿದ್ದೆಗುಳಿಗೆ ತೆಗೆದುಕೊಂಡಿದ್ದಳೆಂದರೆ ಬಾಯಿ ಮೂಲಕ ಅಷ್ಟು ತೆಗೆದುಕೊಳ್ಳಲು ಸಾಧ್ಯವೇ ಇರಲಿಲ್ಲ.

ಇನ್ನು ಎರಡನೆಯ conspiracy theory.

ಮೊದಲೇ ಹೇಳಿದ ಹಾಗೆ ಬಾಬಿ ಕೆನಡಿ ಅಟಾರ್ನಿ ಜನರಲ್ ಆಗಿದ್ದವರು. ಅಧಿಕಾರಕ್ಕೆ ಬಂದ ನಂತರ ಕೈತೊಳೆದುಕೊಂಡು ಮಾಫಿಯಾದ ಹಿಂದೆ ಬಿದ್ದರು. ಮಾಫಿಯಾಕ್ಕೆ ಉರಿದು ಹೋಯಿತು. ಮಾಫಿಯಾನೇ ಕೆನಡಿ ಅವರನ್ನು ಗೆಲ್ಲಿಸಿತ್ತು ಅಂತ ಮಾಫಿಯಾದ ಭಾವನೆ. ಕೆನಡಿ ಪಕ್ಷಕ್ಕೆ ಸಾಕಷ್ಟು ಕಾಣಿಕೆಯೂ ಸಂದಾಯವಾಗಿತ್ತು. ಈ ಋಣಕ್ಕೆ ಪ್ರತಿಯಾಗಿ ಕೆನಡಿ ಮಾಫಿಯಾ ಮೇಲೆ ಲೈಟಾಗಿ ಹೋಗುವದಾಗಿ ವಾಗ್ದಾನ ಮಾಡಿದ್ದರು. ಆದ್ರೆ ಏನಾಯಿತೋ ಏನೋ? ಗೆದ್ದ ನಂತರ ತಮ್ಮನನ್ನು ಅಟಾರ್ನಿ ಜನರಲ್ ಮಾಡಿದರು. ಬಾಬಿ ಕೆನಡಿ ಇನ್ನಿಲ್ಲದಂತೆ ಮಾಫಿಯಾದವರನ್ನು ಹಿಡಿದು ಬಡಿಯತೊಡಗಿದರು. ಆಗ ಮಾಫಿಯಾದವರು ವ್ಯಗ್ರರಾಗಿ - ಮಾಡ್ತೀವಿ ತಡೀರಿ ಮಕ್ಕಳಾ - ಅಂತ ತಮ್ಮ ಕಾರಸ್ತಾನ ಶುರು ಮಾಡಿಯೇ ಬಿಟ್ಟರು.

ಮಾಫಿಯಾದವರಿಗೆ ಸಂಪರ್ಕಗಳು ಕಮ್ಮಿಯೇ? ಅವರಿಗೆ ಕೆನಡಿಗಳ ಮತ್ತು ಮರ್ಲೀನ್ ಮನ್ರೋಳ ಅಫೇರ್ ಎಲ್ಲ ಗೊತ್ತಿತ್ತು. ಮಾಫಿಯ ಮರ್ಲೀನಳ ಮನೆಯಲ್ಲಿ ಮೈಕ್ರೋಫೋನ್ ಅಡಗಿಸಿ ಇಟ್ಟಿತ್ತು. ಅವರ ಯೋಜನೆ ಅಂದರೆ ಮರ್ಲೀನ್ ಮತ್ತು ಕೆನಡಿಗಳ ಸಂಭಾಷಣೆ ಟೇಪ್ ಮಾಡಿಕೊಂಡು ಅದನ್ನು ಕೆನಡಿಗಳ ಬ್ಲಾಕಮೇಲ್ ಮಾಡಲು ಉಪಯೋಗಿಸುವದು. ಆದ್ರೆ ಯಾವಾಗ ಬಾಬಿ ಕೆನಡಿಯ ಪ್ರತಾಪ ಹದ್ದು ಮೀರಿತೋ, ಒಂದು ಅತ್ಯಂತ ಖತರ್ನಾಕ್ ಸ್ಕೀಮ್ ಹಾಕೇ ಬಿಟ್ಟಿತು ಮಾಫಿಯ. ಅದಕ್ಕೆ ಬಲಿಪಶು ಆದವಳು ಮರ್ಲೀನ್ ಮನ್ರೋ.

ಮಾಫಿಯಾ ಪ್ಲಾನ್ ಅಂದರೆ, ಮರ್ಲೀನಳನ್ನು ನಿದ್ದೆ ಗುಳಿಗೆ ಕೊಟ್ಟು ಕೊಲ್ಲುವದು. ಬಾಬಿ ಕೆನಡಿ ಹೇಗೂ ಬರುವರು ಇದ್ದಾರೆ. ಕೆನಡಿ ಮರ್ಲೀನ್ ಹೆಣದ ಜೊತೆ ಇರುವ, ಅದು ಕಂಡು ಬೆಚ್ಚಿ ಬೀಳುವ, ರಹಸ್ಯಗಳನ್ನು ಹುಡುಕುವ, ಇತ್ಯಾದಿಗಳ ರೆಕಾರ್ಡಿಂಗ್ (ಆಡಿಯೋ, ವೀಡಿಯೊ) ಮಾಡ್ಕೊಂಡು ಅದನ್ನ ಬ್ಲಾಕಮೇಲ್ ಮಾಡಲು ಉಪಯೋಗಿಸುವದು.

ಯಾವದು ಸತ್ಯ? ಯಾರಿಗೆ ಗೊತ್ತು? ಆದರೆ ಸತ್ಯ ಎಲ್ಲಿಯೋ ಮಧ್ಯೆ ಇದೆ. ಮಾಡಿದವರಿಗೆ ಮಾತ್ರ ಗೊತ್ತು.

ಹೀಗೆ ಮದ್ದಾನೆಯಂತಹ ಮರ್ಲೀನ್ ಮನ್ರೋ ಯಾರ್ಯಾರದೋ ಜಗಳ, ದ್ವೇಷದ ಮಧ್ಯೆ ಬಲಿಪಶುವಾಗಿ ಸತ್ತು ಹೋದಳು. ಪಾಪ.

ಇದು ಆಗಿದ್ದು 1962.

ಮುಂದೆ 1963 ರಲ್ಲಿ ಸ್ವತಹ ಅಧ್ಯಕ್ಷ ಜಾನ್ ಕೆನಡಿ ಅವರೇ ಟೆಕ್ಸಾಸ್ನ ಡಾಲಸ್ ನಗರದಲ್ಲಿ ಪ್ರವಾಸ ಮಾಡುತ್ತಿದ್ದಾಗ ಬುರುಡೆಗೆ ಬುಲೆಟ್ ಹೊಡಿಸಿಕೊಂಡು ಸತ್ತು ಹೋದರು. ಅವರ ಸಾವಿನ ಸುತ್ತ ಎದ್ದ ಊಹಾಪೋಹಗಳಿಗೆ ಕೊನೆ ಮೊದಲಿಲ್ಲ. ಅವರ ಹತ್ಯೆಯೂ ಹಿಂದೆಯೂ ಒಂದು ಕುಟಿಲ ಕಾರಸ್ತಾನವಿರುವದು ಮಾತ್ರ ಸತ್ಯ.

ಐದು ವರ್ಷದ ನಂತರ 1968 ರಲ್ಲಿ ಬಾಬಿ ಕೆನಡಿಯೂ ಸತ್ತು ಹೋದರು. ಅಧ್ಯಕ್ಷರಾಗಲು ತಯಾರಿ ನಡಸಿದ್ದರು ಅವರು. ಲಾಸ್ ಎಂಜಲಸ್ ನಗರದಲ್ಲಿ ಚುನಾವಣೆ ಪ್ರಚಾರದಲ್ಲಿ ಇದ್ದಾಗ ಒಬ್ಬ ಅವರಿಗೆ ಗುಂಡಿಟ್ಟು ಕೊಂದೇ ಬಿಟ್ಟ. ಒಬ್ಬ ತಲೆಕೆಟ್ಟ ಮಾನಸಿಕ ಅಸ್ವಸ್ಥ ಪ್ಯಾಲೆಸ್ಟೈನ್ ವಲಸಿಗ ಅವರನ್ನು ಕೊಂದ ಅಂತ ತಿಪ್ಪೆ ಸಾರಿಸಲಾಯಿತು. ಅವರ ಹತ್ಯೆಯ ಹಿಂದೆಯೂ ಒಂದು ದೊಡ್ಡ ಷಡ್ಯಂತ್ರವಿದ್ದಿದ್ದು ಮಾತ್ರ ಸತ್ಯ.

ಮುಂದೆ ಜಾನ್ ಕೆನಡಿಯವರ ಮಗ ಸಹಿತ ಈಗ 10-12 ವರ್ಷದ ಹಿಂದೆ ಪ್ಲೇನ್ ಹಾರಿಸುತ್ತಿದ್ದಾಗ ಪ್ಲೇನ್ ಎಲ್ಲೋ ಸಮುದ್ರದಲ್ಲಿ ಬಿದ್ದು ಹೋಗಿ ಸತ್ತು ಹೋದ. ಅದರ ಹಿಂದೆಯೂ ಸುಮಾರು ಕಥೆಗಳು ಹುಟ್ಟಿಕೊಂಡವು. 

ಒಟ್ಟಿನಲ್ಲಿ ಕೆನಡಿ ಶಾಪ (Kennedy Curse) ಅಂತ ಒಂದು ತರಹ ಪ್ರಚಲಿತಕ್ಕೆ ಬಂದು ಬಿಟ್ಟಿದೆ.

** ಇಲ್ಲಿ ಬರೆದಿದ್ದು ಸುಮಾರು 60-70 ಪುಸ್ತಕಗಳಿಂದ ಭಟ್ಟಿ ಇಳಿಸಿದ್ದು. ಕೆನಡಿ ಹತ್ಯೆಗಳ ಬಗ್ಗೆ, ಮರ್ಲೀನ್ ಸಾವಿನ ಬಗ್ಗೆ ಬಂದ ಪುಸ್ತಕಗಳಿಗೆ ಲೆಕ್ಕವಿಲ್ಲ. ಅದರಲ್ಲಿ ನಾನು ಹಿಂದೆ ಬಿದ್ದು ಓದಿದ್ದೇ 60-70. ಒಂದರಿಂದ ಒಂದಕ್ಕೆ ಸ್ವಲ್ಪ ಹೆಚ್ಚು ಕಮ್ಮಿ ಇರುತ್ತದೆ. ಮತ್ತೆ ಯಾರಿಗೂ ಸರಿ ಗೊತ್ತಿಲ್ಲ. ಸರಕಾರ ತಿಪ್ಪೆ ಸಾರಿಸಿದ್ದು ಭೊಂಗು ಅಂತ ಗೊತ್ತು. ಆದರೆ ಸತ್ಯ ಯಾರಿಗೂ ಗೊತ್ತಿಲ್ಲ. ಹಾಗಾಗಿ ನೀವು ಓದಿದ್ದು, ನಿಮಗೆ ತಿಳಿದಿದ್ದು ಮತ್ತು ನಾನು ಇಲ್ಲಿ ಬರೆದಿರುವದಕ್ಕೆ ವ್ಯತ್ಯಾಸ ಕಂಡು ಬಂದರೆ ನಿಮಗೆ ಯಾವದು ಸರಿ ಅನ್ನಿಸುತ್ತದೆಯೋ ಅದನ್ನು ಒಪ್ಪಿ. ಈ ತರಹದ ಸುದ್ದಿಗಳ ಬಗ್ಗೆ ವಾದ ವಿವಾದ ಉಪಯೋಗವಿಲ್ಲ. ಒಂದು ಹೆಚ್ಚಿನ ಬೇರೆಯ ಮಾಹಿತಿ ಅಷ್ಟೇ ಅಂತ  ತಿಳಿಯುವದು ಒಳಿತು. 

** ಕೆನಡಿ ಪತ್ನಿ ಜೈಪುರಕ್ಕೆ ಹೋಗಿದ್ದು, ಆನೆ ಹತ್ತಿದ್ದು, ಇತ್ತಕಡೆ ಸಾಹೇಬರು ಮತ್ತು ಮರ್ಲೀನರ ಆನೆ ಸವಾರಿ ಇತ್ಯಾದಿ  ಪುಸ್ತಕದಲ್ಲಿ ಓದಿದ್ದು ನಿಜ. ನಾಟಕೀಯವಾಗಿ ಫೋನ್ ಡೈಲಾಗ್ ಬರೆದಿದ್ದು ನಾನು.

** ಈಗ ಮಾತ್ರ ನೆನಪಾಯಿತು. ಆಗಸ್ಟ್ 5, 2012 ಕ್ಕೆ ಮರ್ಲೀನ್ ಮನ್ರೋ ಸತ್ತು ಹೋಗಿ ಬರೋಬ್ಬರಿ  50 ವರ್ಷ. RIP!